單親媽媽 何婉盈 ：不會在囡囡面前說爸爸半句壞話

撰文: Sunday Kiss
圖片：香港故事-璀璨之後截圖、何婉盈 微博

尋晚嗰集《流行經典50年》邀請何婉盈獻唱《再見亦是朋友》及《愛上你是我一生的錯》，網民高呼把聲同個樣都Keep得好好啊！

應承爸爸要讀返學位

何婉盈 、曾航生、蔡楓華早前擔任《流行經典50年》嘉賓，相隔12年再同拍檔曾航生合唱《再見亦是朋友》。何婉盈九十年代活躍於娛樂圈，入行唔夠6年就淡出幕前。除咗因為自覺演藝發展有啲停滯不前，並且因為承諾咗爸爸要攞返個大學學位。何婉盈 放棄璀璨嘅演藝人生活之後重新考進大學，依家喺一間證券行擔任投資工作。雖然已經淡出幕前多年，但係何婉盈 仲對唱歌熱情不減。

單親媽媽 唔會係囡囡面前講爸爸壞話

何婉盈於2014年披露佢喺07年已經當上單親媽媽，囡囡而家已經10歲大。 何婉盈 透露當時係意外懷孕，未有結婚打算，諗住生咗BB先至再考慮結婚嘅問題。但BB出世之後問題仲係未解決， 何婉盈 同BB個爸爸唯有和平分手，到依家仍然維持良好關係。何婉盈 上年係專訪節目入面就話，雖然佢身為單親媽媽，但係佢同囡囡生父都唔會喺囡囡面前講對方半句壞話，要囡囡學識尊重父母。

與梁小冰情同姊妹

何婉盈 雖然已經離開娛樂圈，但係佢同演藝界的梁小冰情同姊妹，梁小冰提及何婉盈 曾經唔記得出席她的舞台劇，第二日送咗個好大嘅花籃加道歉信比佢。「當然了，若我是她，也會很生氣，我想了很久，怎樣才能哄她高興，我不能失去這個朋友。」何婉盈 當時這樣說。

學習「動物傳心術」不是為事業

何婉盈 非常喜歡動物，特別是狗。自少養的狗在何婉盈 二十幾歲嘅時候過身，佢釋懷唔到，因而遠赴美國學習「動物傳心術」，希望可以用心靈同動物溝通。而家有時都會幫啲狗主同佢哋嘅狗有更加多嘅溝通。