張繼聰發文護妻 挺身而出回應網上惡意攻擊
廣告
做藝人不時須承受外界惡意評擊，有時甚至連家人也會被一同被批鬥！早前有網民留言攻擊產後增磅的謝安琪，狠指她為「醜女一名」，就連張繼聰都被捲入這一場風波，一同被攻擊。當然，出名護妻的阿聰沒有視而不見，反而以理智與幽默回覆惡意留言，更說Kay在他心中已經「靚到盡」，兩夫婦又再以愛取勝！
Kay被批評整容
根據張繼聰於IG轉貼的惡意留言，該網民稱Kay整容後「完全唔同樣，係街都未必認得佢」，更批評她「唱歌差，做戲又冇佢份」，叫Kay「做師奶算」。
Kay雖是很多人心中的完美人妻，但仍然避不開針對她身型的惡意攻擊。Kay亦直言，對現在身型不太滿意，為了復出需要長時間修身。
張繼聰為妻挺身而出
見網民攻擊愛妻，一向大方的張繼聰亦不禁發長文回應，他表示：「香港有言論自由，可惜未必每位朋友都有尊重別人嘅修養。我好少放係心，不過講我太太，我就講幾句，太陽係喺東邊升起，係唔需要証明，又唔駛討論，因為係事實。就好似我覺得我太太有幾靚一樣！」阿聰的言論於開首已很有大將之風，絕對是「傑出關公」的示範！
力撐愛妻 張繼聰：「懷胎10月之苦 唔係靚咁簡單」
謝安琪為照顧B女張靖(Karina)暫時退出娛樂圈，張繼聰便籍太太被攻擊一事發表愛妻宣言：「我感激我太太，暫時放低自己嘅事業，承受懷胎10月之苦，無微不至咁照顧我地嘅小朋友。依種已經唔係靚咁簡單，係為人父母嘅偉大。」阿Kay見到呢段留言，一定好冧！
Kay媽有否走樣就見仁見智，但對於老公以言，她永遠是最美！阿聰回覆網民惡言：「大家放心，我老婆係唔會變番以前咁，而係會比以前更健康，更fit (更靚我就唔敢講啦，因為係我心目中已經好盡吓，不過唔介意再盡啲。」
阿聰繼續說：「女士們生完BB，最緊要係調理身體，根本唔需要介意身形。到適當嘅時候，先開始運動配合飲食，你慌唔會fit 番？」其實為人母親的一定明白懷孕及產後的辛酸，阿聰除了護妻，更鼓勵一眾生完B的媽媽，實在是個大暖男，難怪被網民大讚為「真男人」！
