深水埗福榮街 人氣中秋燈籠
廣告
每年中秋前夕， 深水埗福榮街整條街都是彩色燈籠高高掛，街道搖身一變成專賣燈籠熱點，一家大細都浩浩蕩蕩趁墟應節，小編亦把握機會，現場直擊今期流行、童界人氣燈籠之選，等大家mark定心水準備出發。
撰文：王碧姬
攝影：Clay Lam
地點：港鐵深水埗站 B2出口
第1位 人氣不敗卡通款
卡通公仔主題 中秋燈籠 是長勝將軍，每年暑假熱捧的「人物」銷情總是較理想，特別是顏色鮮艷的充氣款式，定必成為孩子的wish list。哪一款是今年當紅人物呢？
第2位 電光 × 螢光系列
一條條發光的螢光棒，勝在夠平，而且只要用不同的連接扣，便輕易砌到各式形態，點玩都得。為迎合小朋友需要，螢光棒公主皇冠、飾物套裝、小手槍、鈕扣電池發光棒等等都好搶眼，一不小心便成為黑夜小主角。
第3位：多元化傳統紙紮燈籠
多款傳統紙紮 中秋燈籠 由高處到地下伸延，充斥整條街，非常霸氣，有成一米多高嘅月亮、差不多一米大嘅跳脫玉兔、動物、應節水果、蓮花款等，令人眼花撩亂。全人手工製品大多較耐用，價格方面相對較貴亦理想當然。
傳統燈籠新花款
傳統燈籠都要搞搞新意思，拼色通花、北歐印花圖案、天燈、熱氣球款都有，同其他普通燈籠一樣，配上手提吊燈膽仔就玩得，大人都忍唔住玩埋一份。
＄15 DIY親子樂
呢種圓碌碌燈籠其實係DIY手工整出來，去年首先推出少量款式，因為簡單易整，所以頗受一家大細歡迎。只要將材料剪剪貼貼，可參考圖片貼上成不同的主題圖案或動物樣，駁好手提吊燈膽仔即成。今年再下一城，新推幾十款任君選擇。
