集體回憶 5大童年 快餐店

哈迪斯 Hardee’s

呢一間算係港人最記掛的餐廳，90年代係香港有多間分店，係本地快餐界的幾大龍頭，後來分店陸續結業，直到2006年執埋最後一間，自此便成為回憶。當年餐廳出炭燒漢堡扒及炸雞，後者最吸引唔會太多油，而且皮脆肉香。此外，亦有意粉及飯等食物供應，當中的蘑菇飯­及西部牛仔更是經典！早前《新假期》曾電郵查詢美國的哈迪斯總部，哈迪斯就回應有機會重返香港市場，相信聽到呢度，大家已經開始流口水了。

閱讀更多

※如欲率先接收資訊，請讚好我們的FB專頁：https://www.facebook.com/SundayKiss/，並於「已讚好/Liked」選單設定「搶先看/See First」，多謝支持。

延伸閱讀
10 大 經典卡通 家長兒時回憶
小工具 自製 卡通大餐
 

續下頁

Wendy’s

另一間快餐店Wendy’s，開頭80年代進軍香港時，因為商標而叫做「得意妹」，後來90年代再次重臨先改名做「雲狄斯」，先後有十多間分店。當年小編最記得係店內的芝士薯格及洋蔥圈，去配料自助吧任拎茄汁及芥辣，方形漢堡牛肉及原個焗薯，都係店內名物，但係2003年起已經食唔返了！

續下頁

Jollibee

呢間快餐店都係經典，而且重點係，香港目前仲有一間係中環！食客多以菲籍人士為主，如果想回味一下當年味道，呢間餐廳絕對係唔錯選擇。Jollibee自90年代中期由菲律賓進軍香港，專賣美式快餐，因為菲律賓食物大多都受美國影響！蘑菇飯、烤雞、漢堡等，基本上齊集幾間經典快餐的主打美食，面對味道絕對唔差！

Jollibee

地址︰中環干諾道中13號歐陸貿易中心地下

查詢︰2522 7553

續下頁

東東雲吞麵

集體回憶的另一經典餐廳，就係本地薑代表的東東雲吞麵，食物以大大碗為賣點，味道就唔算係特別好，但絕對抵食。食物款式亦當然唔淨止賣雲吞麵啦，除了一般粉麵外，亦有其他好食物，當中最好印象的兩款大熱，必定係炸醬麵及黑椒牛柳絲炒麵，雖然兩款食物市場上大把地方有得食，但就食唔返當年個味道囉！如果想食返東東啲雲吞，目前超市急凍櫃仲有包裝出售，不妨買兩包返去回味當年！

續下頁

陽光一代

當年主攻學生飯盒的陽光一代，絕對係學生恩物，由學校訂飯食到去餐廳，而印象中最多學生哥叫Pizza食，尤其係菠蘿火腿Pizza！食一個餐有塊薄餅加一隻燒雞肶及一杯汽水，先係廿幾蚊，當年嚟講真係好抵食。另一回憶就係沙田新城巿廣場分店，唔少小朋友都會隔住塊玻璃櫥窗，欣賞師傅不停手轉轉整薄餅。公司如今已經不再做快餐，轉了型賣「波仔飯」，唔知大家食波仔飯嘅時候，食唔食得出當年陽光一代嘅味道呢？

撰文︰Pan

相片︰網上圖片及YouTube