We嘩！充氣嘉年華　彈彈彈到唔捨得走

糖果障礙賽　放電氹氹轉

糖果障礙賽由兩個呈巨型8字的障礙遊戲組成，雙8字圈內有不同糖果造型的障礙物，小朋友穿越障礙物後再從兩組爆谷滑梯瀡落嚟，不過條滑梯真係好斜，非常刺激！玩完兜返一個圈仲可以再瀡多一次滑梯！啱晒啲有無窮精力嘅小朋友啊！

下頁有啱細仔玩的糖果屋

糖果屋　啱晒細蚊仔

「糖果屋」專為高度80至90厘米的細仔而設，是由雪糕、薑餅人及棉花糖組成的三合一彈床， 入面仲有內附小型障礙物、彈床及滑梯等迷你設施！

下頁有：走入鯊魚個口

鯊魚世紀　玩晒三大遊戲

外型特別的「鯊魚世紀」集合彈床、障礙及滑梯於一身，可以一次過嘗試3種不同遊戲。小朋友由「鯊魚口」進入彈床區再通過障礙區到達滑梯，要走入鯊魚口，小朋友驚唔驚呢？

下頁有：會變色的波波

「體感光球」 會變色的波波

點解個波波識變色嘅？只要小朋友拎起波波、滾動，或者搖動等動作，光球就會跟着小朋友的動作，而轉變七彩繽紛的顏色，一個發光嘅波波都令沙律妹玩到停唔到手！拍攝當日，攝影師哥哥叫沙律妹拎個藍色波波嚟，不過拎到過嚟時，波波就變咗紫色，於是佢將個波波拍到變返藍色！

下頁：隔空夾禮物

「地球探索體驗」　美國研發互動遊戲

「地球探索體驗」是由美國研發的互動體感遊戲，小朋友可隨意砌出不同的沙堆，透過Kinect素描後，即時將預設地形資訊投射在沙堆上，經撥動沙堆電腦從而軀動，令沙堆表出現不同的山河變化！

“Fun Cap”　隔空夾禮物都得？

“Fun Cap”以體感觸控來隔空夾禮物，挑戰大小朋友的手部協調及腦筋，只需將手掌放喺感應範圍，就可以軀動機械臂移動，咁就夾到啦！不過對於小朋友來說都有一定難度，沙律妹入咗6次錢先可以夾到3個禮物波波啊！

We嘩!冬日嘉年華

日期：2015年12月24日至2016年1月3日
時間：11am-7pm
地點：數碼港商場全天候廣場及數碼廣場
票價： 每項遊戲$10至$80不等（詳情稍後公佈）

撰文：Fiona Fong

相片：Fiona Fong、Ming Chan

※如欲率先接收資訊，請讚好我們的FB專頁並於「已讚好/Liked」選單設定「搶先看/See First」，多謝支持。