待嫁新娘王君馨的健美之道

Nov 23 2016

恭喜王君馨！與拍拖多年的男友訂婚，君馨的代表作，絕對是《城寨英雄》入面的花曼，角色先邪後正，為父母復仇而放棄自己一切，默默向上爬，現實中的王君馨，在美國長大，後來隻身赴港選美，至今年終於捱出頭，除了為角色苦練八極，又積極運動練成20.5吋蛇腰，其實君馨飲食一向健康，且看其健美之道。

編輯：sunday KISS

待嫁新娘王君馨

現年30歲的TVB藝人王君馨於11月16日，跟拍拖11年的圈外男友Daniel低調入紙申請註冊結婚！君馨接受訪問時表示收到很多祝福，昨晚才正式公布喜訊！另外她希望結婚後不用再分隔兩地，想男友在香港搵工，盡快學好廣東話，組織幸福家庭！真是甜到漏呀！

王君馨早前在劇集演花曼一角，除咗睇得仲要打得，而且花曼長期要着旗袍同緊身戰衣，有少少肥肉效果便不足完美，所以君馨開拍前努力修身，務求以最fit狀態示人。

君馨會做大量高強度運動，包括掌上壓、Step-up同現時好流行嘅平板支撐(Plank)，連羽毛球都打埋，全方位運動燒脂！

除咗運動，君馨對飲食亦相當有節制，試過先食兩隻茶葉蛋，再到健身中心操練兩個鐘，完成訓練後只飲一杯果汁解渴！即使拍完《城寨》可以放鬆啲，君馨都堅持晚餐要有肉有蛋有菜，保持營養均衡！對比《My盛Lady》同《熟男有惑》時有肚腩，手臂又肉地，君馨現時簡直fit過當年選港姐呀！

關鍵詞