恒管吳尊-Leo Wong

Leo自言一向都唔覺得自己靚仔，都係身邊啲人成日話佢似邊個，似邊個！不過佢呢個百搭明星臉，又真係可以令人聯想到好多型男明星架！除咗吳尊，仲有王力宏啦，瘦版李敏鎬啦，仲有Kenny關智斌tim！

Leo小學到中學都係讀喇沙架，係名副其實嘅喇沙仔！佢話喇沙仔嘅特質係對學校好有歸屬感，而且好有自信。中哂啦！你睇佢影相幾chok！真係少啲自信都唔得架！

除咗個樣似吳尊，其實吳尊本身都係Leo嘅偶像嚟架！佢話吳尊又靚仔又大隻，演藝事業成功，又有自己嘅生意，係成功人士嘅典範！(講個秘密俾你知，其實喺Leo咁密實嘅衣衫底下，都係一身肌肉嚟架！唔信？俾佢啲私密照你睇喇！)

又靚仔，身型又fit到咁，唔做Model嘥哂啦！係啦！所以而家Leo喺讀書之餘，都有做吓Part time model架！所以佢影相咁chok，其實都係工作需要啫……佢話…

喇沙仔出哂名係文武雙全嘅，所以Leo都一樣！中學嗰陣有玩田徑，又打手球，仲打到入港隊！而且仲有8級鋼琴嘅資格，呢手琴唔止為佢贏得「恒管王力宏」嘅稱號，仲喺校草選舉中，攞咗個才藝獎！

Leo話自己對韓妹特別情有獨鍾，年紀嘅嘢冇咩所謂，最緊要夠貼心，夠細心，歡迎大家隨時去恆管搵佢架！想再了解佢多啲？咁睇埋片啦！

嚟到2015年，「學界男女神」都要增值吓，唔止要睇盡中學界靚人，仲要殺入大專界！

所以無論你係讀緊中學定大專，只要你認為自己或者身邊嘅同學仔有呢個資格，都可以自薦或推薦俾我哋! 由今期開始，成功自薦或推薦嘅話，仲有嘢送！

參加方法好簡單，只要將想推薦嘅同學，或者自薦勇士嘅facebook ，tag喺下面 “Comment”嘅位置；再將參加者及提名人嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺Sunday Kiss facebook專頁 inbox或電郵到[email protected]俾我哋；如果成功通過編輯部審核，成為「學界男女神」，自薦或推薦者就可以得到由遵理學校送出嘅「$300課程現金券」。

「學界男女神」，等緊你嚟挑戰!

撰文: Joanne

攝影: Paul Choi

攝錄: Ming Chan

剪接: Candy

Hair:Willson@KINGS Makeup

Makeup: Emma@KINGS Makeup

鳴謝:Home 21 & Creative Co-Op Home (提供場地)

及

贊助獎品