Slide the City千呎滑水梯瀡到香港

踏入五月，氣溫飆升到三十度以上，企喺街已經大汗疊細汗，即時勾起大家玩水上活動鋪癮。啱喇，源自美國嘅Slide the City，就最鍾意喺大城市鋪設一千呎長嘅巨形滑水梯，俾你大街之上瀡走熱浪！今個夏天，Slide the City終於䢫到香港，活動地點及日期等細節，五月底先至正式公布，而有興趣嘅讀者，於五月二十日前，可以透過官方網站免費優先登記，屆時就有機會喺早鳥優惠推出之時買到平飛！如果報名人數超出限額，將會以抽籤決定可享早鳥優惠的幸運兒！

睇多啲：活動及門票細節
再睇多啲：優先登記早鳥優惠

有片睇：Slide the City影片介紹

活動及門票細節

雖然官方未正式公布活動細節如舉行地點等等，但綜合其他地區的活動資料，大概可以歸納出以下幾項。

年齡及身高限制
個別地區年齡及身高限制稍有不同，但美國、英國及日本的Slide the City都要求參加者年齡不低於五歲及身高須超過115厘米。

拍攝限制
玩得Slide the City梗係想影相拍片！美國、英國官網都講到明可以用GoPro一類的運動攝影機，甚至帶埋自拍神棍都得，希望香港照跟啦。編輯提提大家，如果手機唔防水，就記得帶定防水機套喇！

門票種類及售價
預計有三種，以Slide the City日本站為例，就有一回券、三回券及全日任玩VIP Pass，售價折算成港元後大約如下。

再睇多啲：優先登記早鳥優惠
有片睇：Slide the City影片介紹

優先登記早鳥優惠

提提大家，將於亞洲另一站日本台場舉辦的Slide the City，VIP全日門票一日就無晒、早鳥預售門票七日賣清，就連正價門票都係不到兩星期就賣晒！想玩香港站，就要趁早撲飛啦！登記毋須付款，有機會優先以早鳥價買平飛，如人數太多會以隨機方式分配早鳥名額，屆時成功登記得參加者將會獲得電郵通知，優先登記截止日期為五月二十日。

優先登記（timable）
http://timable.com/slidethecityhk

有片睇：Slide the City影片介紹

Slide the City HONG KONG官方Facebook
http://www.fb.com/slidethecity.hongkong

撰文：Ken