長髮女鬼節搭巴士遇羅蘭姐即偷拍 2句話得罪所有網民：無禮貌！
長髮女鬼節搭巴士偶遇羅蘭姐 2句說話激嬲全世界：真係好唔尊重！
有長髮女於網上貼出身穿便服、戴上口罩、低調地搭巴士的羅蘭姐照片，更在照片下打上「今日七月十四，居然喺巴士度偶遇羅蘭姐，真係應節呀（附加2個哈哈笑表情符號）」，之後再續稱羅蘭姐好低調，為人隨和，氣色好好，完全不像一名90歲的老人家。
網民：第一句已令人好唔舒服！
長髮女自認為好笑的2句話，旋即激嬲所有網民，痛斥她「完全唔尊重老人家」，認為「你第一句已經令人聽得唔舒服，仲要補多第二句？」、「如果你唔識講嘢可以唔講，你第一句係咩意思」、「真係好無禮貌，你自己唔識分咩係拍戲，咩係現實，話遇到佢好應節，你無病啊？」、「呢句說話點睇都怪怪地，表達真係好有問題」、「7月14偶遇羅蘭姐有咩咁特別，如果你遇到梅姐、肥姐、哥哥，咁先叫應節」、「講嘢完全唔經大腦，但係呢2句加偷拍已經好無禮貌」。
羅蘭姐 N個搞鬼造型回顧！
2019 羅蘭成為榮譽「龍婆」
意念來源：港產電影
2019年是羅蘭姐連續第10年化身萬聖節角色，是次宣傳片是以港產電影為主題的「香港靈異結界」及「盂蘭老大街」為重點鬼域，由羅蘭姐與林雪及馬來西亞女神林明禎主演，片中的孫女林明禎為了替相依為命的外婆羅蘭姐烹調「溫體肉」，會引誘男同學回家，再烹調給羅蘭姐享用，情景令人不寒而慄。
2018 羅蘭化身「AI龍婆」
意念來源：AI機械人
這年海洋公園將羅蘭姐飾演的經典角色「龍婆」加入科技元素，進化為「AI龍婆」！廣告中，麥明詩向由羅蘭姐飾演的龍婆問米，以尋找被困在智能手機的姊妹，最後龍婆被AI機械人的姊妹上身，而成為「AI龍婆」。
2017 羅蘭扮演俏護士
2017海洋公園哈囉喂，羅蘭姐以一身恐怖護士造型登場，是次羅蘭姐扮護士騷長腿，靚呀！
2016 金髮羅蘭 Ghostbusters
意念來源：《捉鬼敢死隊》
這年除了有鬼屋「16禁」極級驚嚇鬼域主題，仲有羅蘭姐扮《捉鬼敢死隊》廣告，「隊員」仲有「卡比獸」秦煌同埋邵音音！
海報一出，即時發現其他代言人的搞鬼打扮！
「卡比獸」變身秦煌去捉鬼 Ghostbusters
秦煌同你一齊跑去捉鬼！
霸氣十足 邵音音 Ghostbusters
音音姐咁醒目，一隻鬼都唔會放過！
2015 羅蘭x羅家英，攞你命Fifteen！
意念來源：《Michael Jackson Thriller》
2014 羅蘭x夏蕙姨x盧海鵬
意念來源：JUNO加持！《殭屍LIVE》
這一年JUNO執導的《殭屍》爆紅，主題樂園直接找來麥大導演設計鬼屋。廣告甚至邀請到羅蘭姐、夏蕙姨扮孖妹！至於在《殭屍》電影中扮演看更的鵬哥，同樣有又驚又cutie的演出。
2013 羅蘭唱歌劇@哈囉喂「全日祭」
意念來源：《孤星淚》
南瓜城大起革命，實行由地底玩到上地面，狂呼「全日祭」！同你由日到夜玩盡哈囉喂「全日祭」近80項景點同活動！這年題材合家歡，大人細路都啱玩！
2012 Wyman x 羅蘭 聖羅蘭
意念來源：《聖羅蘭》
十月大潮聖
羅蘭姐與Wyman一齊現身，一身「聖羅蘭」造型登場，學足已故時裝設計師聖羅蘭的cool爆造型，搵埋香港時裝界潮人Wyman，令人非常驚喜！
2011 嘩鬼建國－－哈囉喂共和國 羅蘭驚嚇閃現
意念來源： Lady GaGa （第二代）主唱：JW
這年找來名模林莉聯同數十嘩鬼，在西貢一片場為主題公園的哈囉喂活動拍廣告片。她扮演女首相「Lady鬼鬼」，花了五個鐘化妝！哈囉喂共和國以百鬼歸巢為主題，有齊中、西猛鬼。宣傳 MV 仲有幾秒閃現羅蘭姐！少啲眼力都睇唔到！
2010 哈囉喂10周年 ! 羅蘭 + 隆胸韓妹扮Lady GaGa
「Ha ha halloween, we are waiting for your scream。」
「到十年 鬼咁癲 趁有命 癲下先。」
韓國鬼后 crossover 港產龍婆！海洋公園十月全城哈囉喂廣告中，兩人又唱又跳，當年片段於 YouTube 點擊次數高逾27萬。人氣鬼后抹甩粉面黑淚，真身是韓國女子組合 Cleo 的 韓妹蔡恩真（EJ），直認早年曾整容及隆胸，在韓打滾十年半紅不黑，想不到陰差陽錯，今鋪竟在香港靠扮鬼嚇人嚇上位！
