企業強人｜預告片出爐 商戰劇情《大時代》《馬場大亨》《創世紀》經典元素
廣告
由騰訊視頻和TVB聯合製作的《企業強人》，即將於翡翠台隆重登場。呢套劇由「強人」系列嘅金牌監製羅永賢（Marco）聯同最佳拍檔編審黃偉強一齊打造，主演陣容相當強大，包括陳豪、譚俊彥、龔嘉欣、張曦雯、姜大衞、謝東閔、李芷晴、吳子冲、朱智賢、尹詩沛、李成昌、潘芳芳、余思霆、鄔嘉駿同埋吳兆麟、黃浩霆等。
《企業強人》重現無綫商戰劇的市場地位
無綫一直以嚟都致力拍攝唔同題材同類型嘅劇集，當中商戰劇更加係無綫劇集嘅招牌。當年嘅《大時代》、《馬場大亨》同《創世紀》一播出嚟就受到好大歡迎，即使重播依然引發唔少迴響同熱話。而呢次無綫除咗滲入「強人」IP品牌打造最強「戲」勢商戰劇，仲動用了兩大視帝陳豪、譚俊彥，仲有應屆金像獎男配角得主姜大衞（John哥）三大實力男演員攜手演出，陣容一曝光即刻引發網民熱烈討論。
企業強人 演員陣容列表｜騰訊視頻線上看 9月開播 1-25集劇情曝光
《企業強人》監製羅永賢接受挑戰
監製Marco透露，商戰劇雖然需要面對題材艱澀難懂嘅風險，但因為商戰劇係警匪劇同專業劇之外，最能反映港劇特色嘅劇集類型，所以佢同好拍檔黃偉強都鼓起勇氣挑戰！佢仲話，《企業強人》正正集合咗無綫三大經典商戰劇《大時代》、《馬場大亨》同《創世紀》嘅元素，當中陳豪嘅角色，就係《馬場大亨》黃日華飾演嘅李大有嘅延續。
經典角色的啟發
Marco表示：「《馬場大亨》李大有同《企業強人》趙愷最大相同之處係嗰種天馬行空、敢於突破嘅精神，佢哋都係會做啲人哋從來唔敢、唔想同唔肯做嘅嘢，例如為咗激勵士氣，趙愷可以去到好盡，又或者佢願意不斷轉換經營模式。」另外，《創世紀》喺內地更加至今都擁有一定嘅影響力同代表性。
《企業強人》預告片：
相關文章《企業強人》角色演員分析｜張曦雯5度參演強人系列衝擊視后 李佳芯曾與監製接觸
圖片來源：TVB 企業強人首輪預告劇照資料或影片來源：《企業強人》演員陣容列表、《企業強人》官方頁面
