何詩蓓再奪銅牌受訪狂爆勵志金句!「東奧後想過退役」帶出正能量訊息
何詩蓓100米以最快時間晉級決賽 再奪銅牌感恩港人支持
何詩蓓100米自由泳,游出52秒64以最快時間晉級決賽,確立了奪金的有力地位,但她在賽後接受訪問時表示,儘管她排名第一,卻完全沒有感受到壓力。何詩蓓的父母今次都有入場為愛女打氣。
![何詩蓓 200米 何詩蓓100米以最快時間晉級決賽(圖片來源:viutv截圖)](https://imgs.nmplus.hk/wp-content/uploads/2024/07/10002493_1024_138171752766a96e3aca618.png)
新增: 何詩倍再度獲獎後向TVB爆料 「東奧之後有諗過退役!」
8月1日凌晨,在女子100自由泳頒獎禮完結之後,特派專員方力申連同星級奧運主持陳銘泰又再一次同何詩蓓詳談佢對於今屆奧運嘅感受,何詩蓓就話「成績都已經過咗去,重要嘅係收穫咗啲咩」,又再提到今屆有好多現場觀眾支持令她感到十分感動!被問到點樣堅持自己繼續游水嘅時候,佢就坦言其實東京奧運之後佢有諗過退役,但佢繼續選擇再次參加奧運後,就嘗試以享受心態去迎接追夢嘅過程以及高要求的訓練,「如果唔係搵到自己鍾意做嘅嘢無可能堅持落去」!
退役念頭打消之後⋯⋯何詩蓓分享成功心得
雖然首度提及想過退役,但其實何詩倍之後的分享才是重點,當她決定繼續留在泳界、參加多一次奧運時,她就決定調整心態,令自己享受難苦的訓練:
「你要搵到自己嘅Passion,當你搵到之後,每天做同樣嘅事你先唔會覺得辛苦,亦唔會覺得自己犠牲緊啲乜嘢,你會覺得慶幸每天能做呢啲事情,希望做到自己最好同埋享受自己做緊嘅嘢」
得首面獎牌後被問及「後勁不繼」、經翻查後原來唔係ViuTV記者!
不過早前在200米奪銅後,何詩蓓接受多間電視台圍訪中,就曾因為用詞不當被網民狠批!分別有兩位不同媒體記者問比賽表現,先有記者以「後勁不繼」形容何詩蓓的表現(經翻查後不是Viu記者,是一把女聲),後來,片中再有男記者向何詩蓓提問:「今次慢過上次少少,有冇覺得失望」⋯
對於這段賽後圍訪,網民狠批記者態度:「用最禮貌嘅語氣問最廢嘅問題」、「邊間主持人咁差!差!差!佢係咪要留意下自己的用詞呢!知唔知咩叫「後勁不繼」呢?佢邊隻眼見到詩蓓第四圈『後勁不繼』?」、「建議記者自己落水游下」、「對手係強到破奧運記錄,有銅都已經好叻」
方力申訪問何詩蓓200米感受 已知澳洲選手實力好強
相對TVB方力申的訪問,反著重安慰何詩蓓明白澳洲選手實力超然。小方一開始表示澳洲2位選手實力超強,而頭2個50米中何詩蓓其實都領先,算係做得非常好。何詩蓓坦承比賽充滿挑戰,知道澳洲選手實力好強,因為早在前幾個月剛破了世界紀錄。而自己的強項是一開始可以一個輕鬆速度去遊快少少,亦都知道澳洲選手通常會喺最後50米會搏盡衝上嚟,所以最後25米唔可以放棄,耷低頭好快咁去遊。
![何詩蓓 200米 TVB搵來方力申獨家專訪何詩蓓獲獎200米感受(圖片來源:youtube@TVB (official))](https://imgs.nmplus.hk/wp-content/uploads/2024/07/vs-youtube-2024tvb-008_18403981866a96e53c1d22.jpg)
何詩蓓感謝一起捱夜香港觀眾
何詩蓓表示能夠在這次比賽中獲得銅牌令她感到非常高興。她在賽場上看到許多香港區旗,感受到來自香港觀眾的熱情支持。小方提到香港觀眾捱夜睇賽事,何詩蓓就表示非常感謝香港的觀眾,2星期都要捱夜睇比賽,而自己就少上social media,睇唔到大家嘅message,但都收到大家的愛與支持,呼籲大家繼續支持香港運動員。
![何詩蓓 200米 何詩蓓感謝一起捱夜的香港觀眾(圖片來源:youtube@TVB (official))](https://imgs.nmplus.hk/wp-content/uploads/2024/07/vs-youtube-2024tvb-154_168512828966a96eb1b7208.jpg)
何詩蓓心理質素依然好!100米輕鬆0壓力!
在小方的獨家專訪中,小方表示明白何詩蓓心理質素很好,但200米拿了銅牌後,問何詩蓓100米會唔會多了壓力,何詩蓓就表示都表示不會感到壓力增加,反而更加自信,知道自己下了多少苦功,訓練有幾辛苦,所以最重要係返去好好做恢復,希望抖足精神。
小方問何詩蓓連續兩屆奪獎牌,哪一屆感覺較困難?何詩蓓回答:「每屆都不同。上一屆的期望較低,且沒有觀眾,所以壓力較小。這一屆期望更高,但我對自己的能力有信心,並且感受到大家的支持。」