余文樂老婆是誰？王棠云29歲墨爾本出嫁 「皮帶大王」千金背景起底
相關文章：《與天地對話》余文樂回憶「一出道就想退出」！ 全靠呢位前輩點醒！
余文樂老婆王棠云家底猛料 2017年底與余文樂閃婚
2017年36歲的余文樂，2017年12月初突然在instagram宣佈婚訊，他與29歲「皮帶大王」千金王棠雲結婚，2人拍拖1年便共諧連理，出嫁時王棠雲還被指孕味濃，及後2018年5月10日，妻子王棠雲在香港港安醫院剖腹產下7磅兒子余初見（Cody Yue）；2020年6月21日，余宣布妻子再度懷孕。同年12月5日，余文樂宣布妻子早已在9月產女，名為余初心（Celest Yue），母女平安。
盤點余文樂圈中緋聞女友 情歸有米台模好開心
余文樂縱橫娛圈多年，入行拍港台節目曾與唐詩詠拍拖，其後仲有盧巧音、黃伊汶及吳雨霏拍拖，緋聞女友仲有楊丞琳、舒淇及周冬雨等。2016年認識了台灣有米名模後，效法郭富城玩「閃婚」，成為傳媒追訪焦點：
余文樂被譏借力上位做潮人
據當年知情人士透露，原來二人交惡於城城結婚前、兩年前郭富城50歲生日會時，余文樂已經得失一班富貴朋友：「當時傳聞就話係城城同樂仔唔妥，不過城城生日，樂仔都有出席，表面上又好似冇乜事。其實不和係沈嘉偉同余文樂，城城同Chilam講義氣，又因為件事見到余文樂真面目，當然亦都同沈嘉偉同一陣線。事緣當年余文樂搞自己品牌Madness，乜都唔識又冇人脈，起步都係向沈嘉偉取經、又係靠沈嘉偉穿針引線識咗好多日本潮人。呢幾年Madness開始上軌道、一句多謝都冇，前兩年沈嘉偉想搵I.T.同Madness合作，余文樂覺得自己品牌上咗位、唔想益人。小小嘢睇得出余文樂忘恩負義，梗係唔會再有得做friend！」有咗潮牌可以反面不認人、今時今日有埋富貴老婆，富貴friend自然一早當係過眼雲煙！
王棠云原名王予柔「皮帶大王」獨生女
王棠云（Sarah Wang），1988年9月23日出生，本名王予柔，出生於台灣台中市，台灣女演員，因拍攝中視《流氓校長》飾演「常有希」一角而打開知名度。王棠云是全球最大皮帶廠亞美集團總裁王東生的獨生女，曾被指介入台灣名模白歆惠與前籃球明星毛加恩的戀情，2016年底公開承認與毛加恩結束三年情，迅速與余文樂撻着。
彭于晏出席余文樂婚禮城城、沈嘉偉、張智霖無影
2017年不少藝人「唔聲唔聲」娶老婆，潮人娛余文樂又點可以脫節？大囍之日一星期前出席電影《狂獸》首映時依然密不透風絕口不提，一個星期後已經拉大隊身在澳洲墨爾本娶台妹王棠云過門。話就話低調溫馨一切從簡、出席賓客只限新人至親好友，真正好感情，如15年前拍台劇《愛情白皮書》已經相識的彭于晏一樣山長水遠飛到去。其實余文樂一向貌似好人緣，近年更越級挑戰，成為城城、沈嘉偉、張智霖邊爐腳，亦曾經為埋堆分期付款連換十架超跑，不過四月城城大婚，兄弟班獨欠余文樂，今次輪到余文樂小登科，一班富貴朋友全部唔見人。
余文樂首度親揭停工七年因由 為家人甘變湊仔公！
余文樂在節目首度親揭停工七年因由 ：「人生係你自己揀嘅，如果你放棄，唔好羨慕喺山頂嘅人就得㗎喇。 」2016年演出電影《一念無明》的余文樂，曾獲第53屆金馬獎提名但未得獎，之後在拍攝《春嬌救志明》及警匪片《狂獸》後已經停工七年，余文樂喺節目就講出佢嘅原因，原來成家立室及做咗爸爸後，佢將家庭放得更重嘅余文樂，坦言依家陪伴家人比完成工作重要：
「做嘢係做唔完，冇嘢係做得完，尤其是我哋呢一行…要記得唔好等屋企人出事先陪佢，有時間嘅時候，就多啲陪佢哋，我覺得呢樣嘢大於一切。」
