楊冪被指一年無見女兒小糯米 劉丹一句不經意「完美補刀」
文:東方新地|圖:TVB娛樂新聞台截圖、楊冪微博及新傳媒圖片庫
劉丹爆楊冪、小糯米無見近一年
77歲的「丹爺」劉丹依然精力充沛,近年除了忙於為無綫拍攝處境劇《愛·回家之開心速遞》外,又一直為已離婚的兒子劉愷威撫養孫女小糯米,日前劉丹出席《愛·回家之開心速遞》的宣傳活動時,罕有提及前新抱楊冪,原來因為疫情關係,楊冪近日被指已經有近一年無同女兒小糯米見過面,劉丹回應時直認此事。
![劉丹透露小糯米即將升小二,令他感慨時間過得好快。(圖片來源:TVB娛樂新聞台截圖)](https://imgs.orientalsunday.hk/wp-content/uploads/2021/07/01_146819167460f690191b2dd.jpg)
劉丹:無聽過孫女掛住媽咪
劉丹直言,無聽過孫女小糯米話掛住媽咪,又理解地指因為疫情關係,的確好難見面。他表示現年7歲的小糯米自己有一部手機,因此不清楚她們兩母女有否透過視像通話,又指小糯米的手機只會有限度地使用。
![劉丹指小糯米平日在電視上看到他便會叫爺爺,見他在劇中被人欺負時更會喊出來。(圖片來源:TVB娛樂新聞台截圖)](https://imgs.orientalsunday.hk/wp-content/uploads/2021/07/07_132444575860f6902466cc1.jpg)
劉丹的言論就引來大量內地網友不滿,支持楊冪的網民認為:
「生育的生理痛苦都是女性在承擔,十月懷胎生下來,怎麼會不愛她,強行與自己的女兒分開本來就很殘忍,實在沒必要還要說這種話造成二次傷害。」
更指責劉丹說這種話只是為了「找存在感」、「一家人消費楊冪」等,令「劉丹稱楊冪小糯米因疫情一年沒見」的話題在內地一度登上了熱搜,不過香港網民都力撐劉丹,認為「根叔」劉丹比楊冪人氣更高,不需要「消費」對方。
![香港網民都力撐「根叔」劉丹比楊冪人氣高。(圖片來源:網民留言截圖)](https://imgs.orientalsunday.hk/wp-content/uploads/2021/07/03_65900569760f6901d2f990.jpg)
當年重溫:
劉愷威、楊冪離婚 小糯米留港讀書
2013年奉女成婚,婚前愛晒恩愛做黐頭芒,婚後反而互動愈來愈少,傳足多年婚變的劉愷威及楊冪在2018年冬至當天終於通過經紀人公司宣布離婚,並表示會以家人方式共同撫養女兒小糯米。不過結婚後同老公互動少、陪女抱女次數更加少,網友統計過一年陪女不過23日的楊冪卻在離婚後卻一度動作連連,有網友質疑係工作室團隊出招打慈母牌,一心想爭番女兒撫養權。
![劉丹](https://imgs.orientalsunday.hk/wp-content/uploads/2019/01/nhv4dxh3MJN7gxp/rgv_10120750515c419bf6cfdfa-710x1024.jpg)
劉丹主動減產
據知情人士透露,一心以為可以活到老拍到老深愛演戲的丹爺,前年曾主動向電視台提出要減產:「 小糯米一出世就留喺香港,由爺爺嫲嫲照顧又喺香港返學,丹爺都以為就算兩公婆離婚都唔會有咩變數。不過有傳楊冪一直同奶奶關係唔好、離完婚又盛傳佢想爭番個女,佢始終係媽媽,一旦爭起上嚟爺爺嫲嫲一定輸蝕,丹爺一嚟怕孫女生活節奏被打亂、二嚟都真係被家事煩到唔想日日返廠,所以做咗咁多年《 愛‧回家 》最近第一次叫監製同編劇幫手寫少啲戲,想對住多啲個孫女!」
![相比之下劉愷威顯然更享受小糯米的爸爸身份,晒過愛女信同畫作,去 年開學日又親自抱女返幼稚園。](https://imgs.orientalsunday.hk/wp-content/uploads/2019/01/nhv4dxh3MJN7gxp/rg_11004586275c419db776b9f-1024x1005.jpg)
劉丹 為孫女搬屋
楊冪和劉愷威離婚後,小糯米繼續留在香港讀書,由爺爺劉丹照顧。丹爺曾接受訪問,分享入行演藝圈多年心得,又大談兒子劉愷威、新抱楊冪以及孫女小糯米的生活趣事。講到孫女小糯米,丹爺就笑到合唔埋口,仲話佢古靈精怪,睇嚟丹爺好錫孫女!早前劉丹全家搬屋,一來是因為校網,二來希望孫女有自己一間房。「佢都係時候要自己一間房,依家嗰度大啲、多間房。」
![劉丹親爆楊冪一年無見小糯米 直言無聽過孫女話掛住媽咪](https://imgs.orientalsunday.hk/wp-content/uploads/2018/12/nhv4dxh3MJN7gxp/tungstar5198953-1024x683_6622012485c1e3436beaa5-1024x683.jpg)
小糯米似公關 周圍同同學打招呼
問到孫女性格,丹爺笑說:「佢好奇怪,佢返學,一入到學校門口,主動同小朋友打招呼,同學仔啲名佢記得晒,周圍打招呼,好似做公關咁,見到鍾意嘅老師,自己走埋去拖,老師名又係記得晒,佢有個好處,就係成日笑,我同個仔都係鍾意笑,可能係遺傳到我哋啲基因,學校啲老師都話佢係『Happy Girl』,哈哈!」
![劉丹親爆楊冪一年無見小糯米 直言無聽過孫女話掛住媽咪](https://imgs.orientalsunday.hk/wp-content/uploads/2018/06/nhv4dxh3MJN7gxp/dsc_3820_9975311705b23aab7a29c2.jpg)
孫女又有無遺傳到丹爺嘅演藝細胞呢?
丹爺笑說:「通常佢曳係我扮衰人,我會扮惡叫佢個名,有時我問佢爺爺做咩發脾氣,佢會扮番我發惡個樣,好多古靈精怪嘢,好好玩!」不過丹爺就唔係好想孫女成日曝光,所以好少帶孫女出街,返學、去街都係嫲嫲帶多,因為一見到丹爺就知道到佢係小糯米啦!
![出世至今四年半,小糯米一直留在爺爺嫲嫲身邊 生活,平時最常見 都係爺爺嫲嫲同家 中外傭抱實照顧。](https://imgs.orientalsunday.hk/wp-content/uploads/2019/01/nhv4dxh3MJN7gxp/ef_10276968585c419cc8c5c17-1024x981.jpg)