十大中文金曲 頒獎禮音樂會｜公布十大「優秀流行歌手大獎」得主

十大中文金曲｜十大優秀流行歌手大獎得主

1. 馮允謙
2. JW王灝兒
3. 鄭欣宜
4. 姜濤
5. MC張天賦
6. 泳兒
7. Jer 柳應廷
8. Gin Lee 李幸倪
9. 衛蘭
10. Gigi 炎明熹

十大中文金曲 頒獎禮音樂會 演出歌手名單

配合廣播九十五周年，今屆頒獎音樂會將會向樂壇巨人致敬，特別邀請新生代音樂人JNYBeatz、石山街為多首張國榮和梅艷芳的經典作品重新編曲，並聯同多位樂壇新晉演繹歌曲，歌手名單包括：

• Cloud 雲浩影
• 蘇麗珊
• Phoebus 吳啟洋
• CY 陳宗澤
• Lolly Talk
• Kerryta
• DEZ 余宗遙
• 張蔓莎
• 陳葦璇
• Jamie 張天穎
• Aiden 洪助昇
• CY Leo 何卓彥
• Chloe 黃筠兒

葉麗儀演唱顧嘉煇連串金曲

此外，一代樂壇天后葉麗儀將聯同香港中樂團轄下香港青少年中樂團在指揮胡栢端的帶領下，演繹「廣播九十五周年 金曲榮譽大獎」得主顧嘉煇的連串金曲，重現煇哥筆下的磅礡氣勢。

最有前途女新人獎｜COLLAR慘「被消失」 無得入圍新人獎

網民對新人獎嘅候選名單抱怨最大！事關大量當紅歌手都慘「被消失」，無辦法擠身入圍名單，例如COLLAR、趙祥誠一樣消失，網民質疑港台「圍威喂」。原來根據選舉準則，歌手要角逐新人獎就必須於選舉期內，首次推出個人主唱華語或粵語歌曲，同需經在香港首次發行嘅唱片發布，或經唱片公司授權網站供樂迷合法下載；最重要係歌曲於選舉期內，要曾登上「中文歌曲龍虎榜」；並經由唱片公司提名，均自動成為候選新人。

睇返紀錄，COLLAR去年曾有《Call My Name！》及《OFF/ON》打入「中文歌曲龍虎榜」的第3及第2位，而兩首歌都有入圍角逐「十大中文金曲獎」；可能其公司無幫COLLAR報名，先係佢地無法角逐新人獎的原因。

最有前途男新人獎｜魏浚笙、李駿傑入圍

「優秀流行歌手大獎」大把歌手齊齊被消失譚詠麟劉德華有份同後生爭獎　

登入港台嘅投票網站，見到有6個獎項可以投票：「十大中文金曲獎」、「優秀流行歌手大獎」、「優秀流行華語歌曲獎」、「最有前途男新人獎」、「最有前途女新人獎」及「全球華人至尊金曲獎」

但有眼利網民發現被傳遭港台「封殺」嘅謝安琪、許廷鏗、Serrini、方皓玟同樣消失投票名單上，連橫掃　多個嘅頒獎禮威風八面的林家謙、近日開騷人氣急升嘅陳柏宇、陳蕾、岑寧兒都齊齊消失，無法角逐「優秀流行歌手大獎」，反而「四大天王」嘅郭富城、劉德華，年過七十嘅譚詠麟就有份入圍，份量級前輩齊齊同後生爭獎咁話！

港台狠飛無綫後大批歌手承諾出席 傳MIRROR再上紅館舞台

港台今年隆重其事，《十大中文金曲頒獎禮》於5月6日假紅館大搞，港台已向唱片公司廣發邀請，消息指大派歌手都答應出席，同去年和無綫合辦《香港金曲頒獎典禮》，星光暗淡嘅場面完全兩回事。有傳MIRROR將於5月出席港台嘅頒獎禮，係佢哋自去年7月28日演唱會事故後，首度合體再登紅館舞台，對自爆有創傷後遺症嘅「鏡仔」來說，紅館舞台絕對係一大考驗！

鏡粉一向出名投票最有效率，頒獎禮消息一出已經唔少fc為偶像拉票，相信不少獎項絕大機會成MIRROR嘅囊中物。

港台頒獎禮向來口碑保證 惟舊年同無綫合辦被狂插

《香港金曲頒獎典禮2021/2022》係去年由無綫同港台首次合辦，取代過去無綫《勁歌金曲頒獎典禮》及港台的《十大中文金曲頒獎音樂會》，當時MIRROR因綵排演唱會而缺席，另外有大量歌手不在港無法出席。網民話成個頒獎典禮都有TVB《流行經典50年》的風格，直指仲衰過新城頒獎禮，仲有當紅嘅歌手全部缺席，如林家謙，張敬軒，MC張天賦等等，全然唔見人影，出席歌手數目應該係有史以嚟頒獎典禮最少的一次！當時偲有鏡頭捕捉到菊梓喬疑似悶到瞓著，同以往港台《十大中文金曲頒獎音樂會》星光熠熠嘅場景截然不同！