反黑英雄 顏仟汶飾演吸毒者減10磅嘔白泡 搣甩肉地大獲好評
「賣女對白」自私又絕望
在一個關鍵場景中,顏仟汶的角色在極度痛苦中向張振朗的角色提出「賣女對白」,透露出她的自私和絕望,「你鍾意我個女?我1皮(1萬)賣斷畀你,1皮嫌貴?8千攞去。」這段對白不僅展示了角色的複雜性!
為角色減10磅搣甩肉地
為了更真實地呈現吸毒者的形象,顏仟汶在拍攝前刻意減肥:
「接呢個角色時我仲係有啲肉地嘅,話明係一個吸毒者,冇理由係肥嘟嘟㗎嘛,之後用咗一個禮拜時間減咗10磅。」
她的妝容也極為樸素,以近乎素顏的狀態出鏡,增加了角色的真實感。
監製提高演出難度 嘔白泡場景特別困難
Sophie提到,飾演西敏寺的過程中遇到了不少挑戰,「佳導同阿Ben(方浤酌)都唔希望我演到好似平時啲道友咁,唔想要手震、流晒鼻涕嗰啲,演起上嚟都有啲難度。」她還回憶起拍攝嘔白泡的場景時的困難,「當日好凍,因為要不斷咁瞓喺地下度,地下嗰啲寒氣令我好容易投入到嗰場戲!」
保持身材與日常生活
對於網友對她的外貌和身材保養的讚賞,Sophie表示她已經54歲,保持身材並非易事,「其實身形真係難Keep嘅,因為到咗某個年紀就淨係識得肥,唔會識得瘦,所以我通常都係少食多餐,食少少唔餓就會停,唔會食得太飽或者過量。」她還透露自己喜歡做家務和照顧家中的貓咪,這些日常活動也幫助她保持活力。
顏仟汶參加《中年好聲音2》未能入圍 Facebook放負:對不起我無用
去年顏仟汶在《中年好聲音2》海選也有現身,可惜落敗而回,令佢深感不快。
顏仟汶:希望等我嘅人生更加豐富啲!
去年顏仟汶在電視城門外接受訪問時表示:「未入行之前,我係參加新秀歌唱大賽,參加咗好多次,3次啦,咁都入咗百強,咁到中學畢業之後入訓練班,都擺低咗唱歌,(所以其實你一直都好鍾意唱歌?)鍾意嘅,但唱得好唔好就唔係自己講啦,所以好大勇氣去報名,希望等我嘅人生更加豐富啲!」
![反黑英雄 顏仟汶 中年好聲音 plt (圖片來源:TVB)](https://imgs.orientalsunday.hk/wp-content/uploads/2023/06/12-6-2023-11.49_809472910648695ca32f0f-1024x567.jpeg)
最後102強選手會見傳媒,不過並沒有顏仟汶份,而她在社交網站顯得心情相當低落,她寫道:「對不起我無用,讓支持我的失望了,爸爸對不起,我心情真的很難過。」
![反黑英雄 顏仟汶 中年好聲音 plt 顏仟汶未能入圍中年好聲音2相當自責。(圖片來源:顏仟汶Facebook)](https://imgs.orientalsunday.hk/wp-content/uploads/2023/06/qcvlswwgru7mavbvoc7wprbzukpqt-ypdvu72a71o9g_35708355664d9fc6cb617e.jpeg)
52歲顏仟汶TVB演活《一舞傾城》媽媽生
現年52歲的顏仟汶相隔三年再拍TVB新劇《一舞傾城》,飾演萬國城夜總會三大「媽媽生」之一的「曼莉」。顏仟汶一出場就被社團人士「麻鷹」李嘉羞辱,被逼含西瓜及下跪。不但睇到網民都替佢感到委屈,仲大讚顏仟汶將角色演得入型入格,由造型到講對白的語氣、表情都似足媽媽生。
![反黑英雄 顏仟汶 中年好聲音 plt 現年52歲的顏仟汶相隔三年重返TVB,飾演新劇《一舞傾城》媽媽生「曼莉」。(圖片來源:《一舞傾城》劇照)](https://imgs.orientalsunday.hk/wp-content/uploads/2023/05/ngan_12_1024_16340921236475d8952ccf6-1024x682.jpeg)