呂爵安霸氣維護林明禎 正面回應緋聞女友關係 粉絲轉移大鬧馬會安排不當

Edan呂爵安 出口護緋聞女友林明禎

Edan的緋聞女友林明禎即將在本月13日來港舉行見面會，Edan表示不需要特別出席見面會就能見到她，並叮囑媒體對林明禎「手下留情」：

「要見面我自己約佢，唔使咁樣。大家嗰日手下留情，有咩就問我，唔好難為她！」

但他否認「錫住」林明禎，而是作為男士應有的風度。

認同林明禎有聯絡 望大家「畀啲空間」

Edan坦承與林明禎偶爾會聯繫，在她休息期間也了解過她的健康狀況，並相信她已經康復。他續說：「大家畀啲空間我，咁樣畀大家繼續講落去就……唉！有好消息就畀大家知。」在旁的花姐亦幫口：「我係『阿媽』都未知，『阿媽』知道再話畀大家知。」

Edan曾大方認同林明禎歐洲食飯

Edan早前出席活動時就被問及最近與林明禎的緋聞，被在場記者恭喜嘅Edan就表示：「未有得恭喜住喎」、「都幾得意，我人生都未試過男士見到我都恭喜我。」不過Edan就透露飛去歐洲其實係去工作，但就大方認有同林明禎食飯：「同明禎本身都係朋友，喺歐洲的確有同佢食過餐飯。」更搞笑稱：「唔講以為我參加咗奧運」、「好似為港爭光咁。」亦澄清了被指與林明禎飛去台灣慶生一事：「直程流啦，我係同媽媽妹妹去嘅。」

與前緋聞女友袁澧林冇聯絡

此外Edan又被問到另一緋聞女友袁澧林最近加盟香港女子甲組球會，疑似轉跑道，Edan只表示同對方冇聯絡，也不知對方鍾意踢波：「只知道佢一向鍾意運動，做運動好吖，我都鍾意打籃球，都想有日組隊參加籃球聯賽。」

Edan於開鑼日連唱了3首歌曲《My Apple Pie》、《月光奏明曲》及《Again》，有片睇：

失戀粉絲鬧馬會安排失當：「當狗咁L」

不少Edan的粉絲都有參加馬場這次開鑼儀式，其後在threads發文大鬧馬會安排失當！事關這次活動只有150個名額，抽中的粉絲先要俾一百大元之餘，進場要排好幾個小時的隊換手帶，然後被馬會安排坐在最側邊的位置，而正面台的位置卻讓馬迷佔領。粉絲質問場地保安偶像表演期間應該只有「限定手帶人士」進場，卻換來不好的態度以及不正面回答問題只說「I don’t need to explain to you」「一係你離開」粉絲表示真是一肚氣，指馬會「食晒2家茶飯」形容被「當狗咁L」！不過都有粉絲幫口指並不是每個職員以及保安都是這樣，也要感恩馬會找偶像表演，有不公平情況，但可以接受，更認為不清走馬迷是沒有問題「沙圈係for馬迷睇馬唔係比你班人霸位追星」