中年好聲音3｜黃博奪99分賽果被劇透！周國豐拆解「扣1分」背後用意
中年好聲音3目錄
《中年好聲音3》「林子祥金曲之夜」參賽歌單公開
本回合主題是「林子祥金曲之夜」，12位參賽者自行揀選林子祥歌曲參賽，演出歌單如下：
- 劉洋《男兒當自強》（首次唱廣東歌）92分
- 善玥澄《人海中的一個你》84分
- 張與辰《誰能明白我》92分
- 羅逸軒《敢愛敢做》80分
- 劉曉昆《分分鐘需要你》83分
- 趙浚承《最愛是誰》84分
- 陳芷盈《千億個夜晚》91分
- 曹越《活色生香》84分
- 黃博《這一個夜》99分
- 占士丁丁《真的漢子》95分
- 李金凱《追憶》91分
- 王鄭浚仁《改變常改變》88分
今期賽制，按上回合累積排名分數，第一名參賽者可獲12分，第二名則獲11分，如此類推；此回合後最高10名參賽者會到「晉級區」，累積排名分最低2位參賽者將被淘汰，MVP可在累積排名分額外加2分！
周國豐劇透黃博突破性表現獲99分
周國豐在接受傳媒訪問時大讚黃博，強調當日黃博的表現「非常非常好」：「佢當日要唱阿Lam嘅歌曲，嗰個黃博係同我哋平時見到嘅黃博係完全唔同的。」他透露，黃博以全新的演繹方式演唱《這一個夜》，穩定度亦高，但仍堅持「雞蛋裡挑骨頭」扣分：「我覺得如果俾埋嗰一分嘅話，可能對佢太有壓力，未去到總決賽就一百分，咁咪到總決賽全部人嘅焦點都放喺佢身上。」
觀眾讚賞： 「《這一個夜》只有專業歌手先敢唱，而且唱嘅大部份都係男歌手, 呢隻歌攞99分超級難仲要阿Lam比20, 黃博嘅唱功真係無話可說, MVP實至名歸, 又再一次恭喜黃博!!」 「其實黃博超識用聲，唱什麼歌用什麼共鳴完全難唔倒，靠前靠後，把聲音都好亮。太多不同類型的音式是其參賽者無嘅。而且係自然，唔係夾硬作狀扮聲。特別仔細嘅吐字處理，每首歌都唔同，中聲三應該出一個女性為冠軍。特別她有獨特音樂感。D人成日批評外表，其實當一個歌手能夠出色享受舞台，任何外型都變得吸引。全世界中西歌手多少外型不怎麼樣，但一表演就發光。黃博從以前至現在都是走舞台，只欠缺信心，有時個性可能成為絆腳石，希望黃博今次相信自己，大台亦証明一下，有實力唔係一定要偶像樣才可以紅。加油。」
淘汰賽制殘酷 水準高難取捨
談到最新一集淘汰的任永健和阮慧珊，周國豐表示今季水準極高，淘汰並不代表選手不好：「永健又或者慧珊已經盡曬力，但確實今季競爭激烈，水準咁高嘅時候，會令到一些平時覺得唔錯嘅參賽者被淘汰。」他坦言評審公佈結果時心裡並不好受，但宣佈淘汰結果是評審的責任，都只能盡做評審的責任。
親自回應心水總決賽熱門人選
被問及總決賽的熱門人選，周國豐表示雖然大多焦點都放在黃博身上，但就認為其他選手包括張與辰、陳芷盈、劉洋、李金凱、王鄭浚仁和趙浚承等人都各有各優點。他強調「選對歌」是勝負關鍵：「佢哋水準咁近，選歌就成為決定性因素，如果更厲害但選錯歌，就會好影響表現。」
