奪命提示大結局劇透陳豪客串｜監製爆「終極Big Boss」老虎面具人奪命遊戲
奪命提示陳豪客串｜監製文偉鴻親揭終極Big Boss 2大線索指向
官方今日突然投出「再有終極Big Boss」震撼彈，令不少網民再度開啟查案Mode，有細心網民留意到，在第一集劇情中，姜姐在天台拿著電話詢問Julie誰是殺死其女UC真兇時，Julie回了一句「等朕Check吓」，並認為這可能意味著陳豪將驚喜客串《奪命提示》Big Boss。對於網上對終極Big Boss的種種揣測，監製Jazz接受訪問時就給出兩大重要貼士，他大方透露終極Big Boss是「視帝級人馬」，而且之前亦未曾在Jazz的作品中飾演過奸角！
「新一輪嘅奪命遊戲即將開始」
至於在搶先看預告片中，隨住「新一輪嘅奪命遊戲即將開始」呢句對白後，片段就先後展示咗終極Big Boss嘅背影、嘴部及手部特寫；「老虎面具Big Boss」嘅手除咗有明顯被火燒過嘅痕跡，仲有極其華麗誇張嘅戒指裝飾。
丁子朗發火辭職唔撈！？
方子超(丁子朗)向郭柏飛(陳山聰)辭職，仲發火鬧晒成team人表明唔再合作！究竟發生咩事令佢變成咁？大家記得留意進入結局篇嘅《奪命提示》喇！
重溫文偉鴻監製劇集歷代Big Boss
「全城競猜Big Boss」向來是監製文偉鴻（Jazz）劇集特色，由《使徒行者》的錢瑞安（鍾景輝飾）、《城寨英雄》的楊竹鑾（區瑞偉飾）、《鐵拳英雄》的路向東（吳家樂飾），去到《超能使者》的威仔（沈震軒飾），Big Boss競猜之路均是「反轉再反轉」；不過去到對上一部《隱形戰隊》的匡勝天（陳展鵬飾），Jazz忽然「反傳統」在劇集宣傳前期已將陳展鵬Big Boss身份揭盅，並反過來以張力十足的警匪鬥智角力劇情，以及展鵬出神入化的演技，吸引觀眾追看劇集。
奪命提示｜謝東閔「Big Boss」現身狂報仇
昨晚謝東閔飾演嘅「和事佬」真實身分被揭開，原來佢就係一直以Julie身份在背後操控眾人嘅Big Boss，更捉走了劉力（林子善飾）作為人質，為ASIB帶來沉重的打擊。而謝東閔昨晚更連環在ASIB隊員面前虐打林子善，最後林子善更為救陳山聰同劉佩玥不惜犧牲自己，令唔少觀眾都唔捨得林子善嘅角色就此慘死！
