奪命提示｜張彥博極速激減8公斤做Final Boss 等足3年有劇出透露合約情況

Apr 16 2025

TVB劇集《奪命提示》即將播放至大結局，今次除咗幾位主角備受關注之外，唔少配角嘅演出同樣令觀眾十分期待！近年主攻內地市場嘅44歲張彥博（Bob）同樣係話題之一，首次挑戰動作戲嘅張彥博，更為角色極速修身，更在早前訪問中大爆與TVB嘅合約狀況……

奪命提示｜張彥博第22集登場！為角色極速修身

相隔3年再有新劇集作品推出的張彥博，在第22集以神秘黑色頭盔造型登場，首次挑戰動作場面嘅張彥博今次更一改以往的童顏乖乖仔，及音樂才子形象上陣。而為咗告別招牌Baby Face及更配合角色，張彥博除咗喺短短2-3個月內激減8公斤（約17-18磅）外，更不停曬燈甚至「油黑」自己，一洗青靚白淨形象，希望可以完美發揮角色形象！

奪命提示張彥博張彥博為角色在1個月內激減8公斤。（圖片來源：TVB） — 張彥博為角色在1個月內激減8公斤。（圖片來源：TVB）

奪命提示張彥博張彥博的角色名叫凌烈，被指是真正的幕後神秘訊息人 Julie。（圖片來源：TVB） — 張彥博的角色名叫凌烈，被指是真正的幕後神秘訊息人 Julie。（圖片來源：TVB）

奪命提示張彥博第23集登場的女角色韓楓係張振朗舊相識，由莊易羚飾演！（圖片來源：莊易羚IG） — 第23集登場的女角色韓楓係張振朗舊相識，由莊易羚飾演！（圖片來源：莊易羚IG）

奪命提示張彥博莊易羚在《黑色月光》飾演智障孫女，今次變成型格女臥底！（圖片來源：TVB） — 莊易羚在《黑色月光》飾演智障孫女，今次變成型格女臥底！（圖片來源：TVB）

《黑色月光》郭鋒「智障孫女」背景公開曾參加選美被指撞樣周秀娜

奪命提示張彥博大眼張彥博在23集還會戴上假髮扮作醫生行兇，今輯的招牌白髮還未曝光！（圖片來源：TVB） — 大眼張彥博在23集還會戴上假髮扮作醫生行兇，今輯的招牌白髮還未曝光！（圖片來源：TVB）

《奪命提示》劇情第21-25集劇透｜黑頭盔疑犯張彥博登場 ASIB有內鬼！

奪命提示｜張彥博大爆與TVB合約狀況

距離2022年《金宵大廈2》和《食腦喪Ｂ》，張彥博已有三年未有近作品，今次出演《奪命提示》其實係2023年初拍攝，張彥博就坦言十分期待。不過對於兩年冇劇拍，唔少人都紛紛猜測張彥博會唔會係下一個離巢嘅藝人。早前張彥博出席《奪命提示》宣傳活動時，就大方透露現時與TVB嘅合約情況：「其實我份約係keep住每一年都update」不過就冇明確講去與留，只表示希望「有多啲機會拍嘢畀大家睇」，並稱「可能公司未覺得有啱嘅角色畀我去演出」。