38歲譚凱琪凸肚現身孕味濃 搏殺期推劇暫別娛圈

原文刊於：東方新地

幸福人妻譚凱琪 老公買樓送車錫到燶

譚凱琪入行廿年，依然保持童顏與纖瘦的少女身段，2013年加盟無綫開始拍劇，最近在新劇《降魔的2.0》及《飛虎之雷霆極戰》的演出都令人眼前一亮，今年2月她宣布與拍拖八年的男友莊日宇私訂終生，二人於2月20日入紙登記結婚，貪諧音是「愛你愛你愛愛你」，並旋即在3月舉行婚禮，行動快過閃電。

莊日宇雖是一名金融才俊，但家底豐厚，拍拖至今待譚凱琪如珠如寶，生活上照顧周到，15年他以1,500萬在九龍塘畢架山購入豪宅築愛巢，另外，譚凱琪平日駕駛的50萬Benz名車，也是男友家族名下，有指莊日宇之前開設的餐廳，也將一部分的股份轉到譚凱琪名下，可見婚前已對愛妻愛護有加。知情者透露：「Zoie一早已經係半個莊家新抱啦！」

譚凱琪搏殺期突推《 BB大晒》一劇

譚凱琪曾揚言婚後會繼續幕前工作，不會引退做少奶奶，不過夫家卻另有想法。男家錫到佢燶，幾年前Enrico父母已經催婚想抱孫，仲想Zoie婚後專注湊B享福唔好再捱得咁辛苦，不過Zoie見喺無綫個勢幾好，好多監製都畀機會佢上，所以想畀多少少時間自己搏殺，Enrico都想Zoie開心，所以有共識遲啲先結婚，因為Zoie想喺40歲前生B，唔想做高齡產婦，佢哋結婚係結得好急，亦有傳已經造人成功，因為未夠三個月怕小器唔講得，咁啱咁橋Zoie為《 BB大晒》試咗造型都唔拍，又推埋另一套劇，大肚之說就更加似層層啦！」

傳有孕獲女皇級全天候照顧

Zoie早前現身公司安排的宣傳記者會，身穿桃紅色闊身裙全程戴上口罩，只露出纖幼四肢，腹部明顯隆起，腰肢亦硬繃繃，有晒孕婦懷孕前期的徵兆。陀住莊家金叵羅的譚凱琪停工多月，有老公莊日宇女皇級全天候照顧，踏入懷孕中期亦要外出放風保持心境開朗，5月31日兩公婆由畢架山寓所出發，先去黃埔會合家姐譚凱欣，然後一行三人到中環Soho區搵食。現場所見，正在享受悠長假期的譚凱琪狀態非常之好，一條吊帶長裙外披絲巾再加平底涼鞋，完全是孕婦裝束無誤，只要絲巾稍為移位或是她輕輕彎腰，脹卜卜的孕肚便無所遁形。

拍拖八年都唔喜歡見光的莊日宇，為陪大肚譚凱琪惟有做跟得老公，近月他不時做司機車出車入，上周六（6月6日）又車載老婆外出食晏，同行還有疑似是莊媽媽的女長輩，身穿西裝短褲套裝的譚凱琪，腳踏平底鞋，一雙白滑長腿非常搶fo，三人前往九龍灣食飯，飯後莊日宇一馬當先走在前面，留下疑似奶奶與譚凱琪邊行邊傾，在腰帶緊箍下，食飽飽的譚凱琪孕肚更加呼之欲出。有說女人陀仔係人生中最幸福的日子，結婚生仔好比一條不歸路，繼好姊妹陳凱琳之後，譚凱琪即將成為下一個母憑子貴，生完再生無限期絕跡幕前嘅女藝人。