哥哥離世 惠英紅自責至今：他整個人生可能不是這樣

撰文：Kammy｜圖片來源：節目截圖，惠英紅微博，惠英紅Instagram

四哥離世惠英紅陷情緒崩潰

惠英紅家中有8兄弟姊妹，她跟四哥惠天賜的感情多年來都十分要好。惠天賜是個著名的武打演員，可惜在2012年，惠英紅在社交平台上對外公布，惠天賜在北京猝死，終年55歲。這件事令惠英紅一度陷入情緒崩潰的狀態，最近她在內地節目中再次談及這件事時，都一度感觸落淚，可見他們的感情深厚。

惠英紅在節目中透露，當年有很多演員都到北京工作，她就鼓勵哥哥：「你去那邊找機會，總比在香港找不到機會。」最後，有電影邀請惠天賜擔任第一男主角，她就叫哥哥要用最好的狀況去出演，叫他好好地減肥。豈料，惠天賜疑似減肥過度，惠英紅表示，當時哥哥一個月就減了30多公斤，令她十分害怕。惠英紅指：「他就不怎麼吃飯，大量的運動，可是因為他身體一向都不太好，在那個過程，其實他就是在『謀殺』自己。」

後來，電影製作公司跟惠英紅說，找不到惠天賜去試造型，而經理人亦聯絡不到對方，當時惠英紅已經心知不妙，並叫經理人上門找他。惠英紅指：「他（哥哥）關門了，那一破門去，就是看到他坐在沙發，面對電視，電話沒電，已9天了……」

惠英紅自責多年 終得釋懷

惠英紅重提事件時，表露得有點難受，可見她對事件依然耿耿於懷，她更自責：「可是我不提議他上來（北京），要不提議他去好好整理（自己），或者我說，不要拍這個小電影，拍這個，可能我跟他們很熟，你可能一直可以拍，就不會有這個事情。」

節目中，他們安排惠英紅去跟惠天賜的經理人梅姐見面。梅姐表示，惠天賜生前在北京生活得很好，每朝起床都練功，又會跟工作人員談天，惠英紅聽完哥哥的故事後終得到釋懷，更認為可以不再自責，不再逃避。

不過，事件至今已經過了7年，但惠英紅多年來都不敢看亡兄的東西，甚至不把哥哥的東西留下。後來，節目組安排她獨自再看惠天賜的影片，她表示從沒想過哥哥就這樣離開：「希望他下輩子不要再當演員，多讀一點書，家裏不是那麼窮，他整個人生可能不是這樣。」

惠英紅：希望媽媽會同我講一聲「以你為榮」

惠英紅2017年憑《幸運是我》贏得第三座香港電影金像獎最佳女主角獎，電影講述腦惠英紅患有退化症，希望藉以喚醒大家關注。其實，惠英紅母親亦有患腦退化症，更因病於2016年去世，當時惠英紅奪獎致詞時曾一度在台上淚如雨下：「其實今次點解我咁激動，因為我拍呢套戲其實係想畀我媽咪。我媽咪係有十幾年嘅老人痴呆症，佢之前係癱喺床上﹐連飯都唔食，呢套戲係希望大家可以包容佢哋。」

其後，惠英紅續說：「我上次攞獎係為自己，我今次攞獎係為咗阿媽，畀佢知道我冇丟架。我媽媽啱啱過身幾個月，其實我好希望媽媽會同我講一聲『以你為榮』。媽，我冇丟姓惠嘅架。」

2016年，年屆90、惠英紅母親病逝，當時惠英紅既傷感，但又帶半點釋懷：「親愛的母親，這些年你實在太辛苦了。如今能夠與爸爸在天上相聚，是一種福氣希望你一路好走，爸爸會照顧你的，你的子女個個都佷好，不要掛念我們，好好在天堂享福吧。我們愛你。」

母生前一度病情惡化感內疚

惠英紅當年拍《幸運是我》時，曾透露初頭諗住唔拍呢套戲，因為要演八十歲太老，接受唔到，又覺得冇信心做，但係想拍佢媽咪嘅嘢，因為媽咪五十幾歲已經老人癡呆，但佢哋唔知，蹉跎咗佢好多時間冇幫佢醫病，個關係愈嚟愈惡劣。

惠英紅表示，當時對媽媽好差，唔體諒，淨係覺得佢變得不近人情、好煩、冇責任感，「原來佢係有腦退化症，到佢七十歲有次跌傷，醫生同佢傾偈，覺得佢思維好混亂，話佢係好嚴重嘅老人癡呆，一照完磁力共振，我好震驚，見到佢頭骨好大，個腦得好小，原來因為我無知，唔知佢病冇幫佢、冇體諒佢，好內疚、好自責，因為我哋個年代一路覺得老人癡呆係八、九十歲，冇諗過我媽咪五十歲就開始有，所以今次拍呢部戲，好想拍我媽咪真實嘅嘢，想俾訊息有緣者多啲關注腦退化症呢個病。」

當年惠英紅戲接戲下， 連拍了七部戲，「我唔想咁，但有好嘅劇本唔想放手，有啲今日拍完、明日開新，但我唔俾自己疊期，第一我唔想兩套都唔好，第二我鍾意每個角色都設計到唔同，我唔想影響自己。」

因退化症 學懂包容

被問到後尾同媽咪點關係點，惠英紅指：「佢成日會唔記得嘢，係用忍耐、包容，盡量陪喺身邊，好坦白講，照顧者都係辛苦，因為佢幾分鐘嘅嘢都唔記得，戲入面有一場講電視搖控器嘅衝突，其實係現實中我媽咪同我一條好大嘅刺，我媽咪一日五、六十次叫我開、關電視轉台，但佢完全唔記得幾分鐘前係叫我熄電視，我一行開，佢就嗌晒救命要我嚟開電視，有次我太嬲，忘記咗要包容，開完電視，將搖控器掟向佢身邊，鬧：『你係咪想整死我，我好攰，你究竟俾唔俾我抖？』」

惠英紅續指：「我阿媽突然好委屈、好徬徨，含住眼淚話：「我真係唔記得呀！」我見到，唔敢再糾纏，即刻行開，因為我唔想將件事拖好長，佢會記住，我行開冇耐，我阿媽眼淚都未收，又笑住嗌我開電視，所以我拍嗰場戲專登將個情緒攞番出嚟，呢場戲好多人睇完都喊，但我唔係刻意想人喊，而係真實我當時感覺到我媽咪嗰種徬徨無助，想演繹番出嚟，for訊息又好，for拔番我心中條刺又好。」

孝順女惠英紅指，媽媽生前冇認得任何人，食嘢要灌，更坦言：「如果我早十年知佢個病，可能未至於咁差。」不過，惠英紅媽媽最終都不敵病魔與世長辭，但相信如果惠媽媽見到惠英紅今日嘅成就，都會以佢為榮。