愛回家|池美麗冧爆陪王俊棠賀壽被問幾時「回家」戲裏戲外都係孝順女
廣告
TVb處境劇《愛回家之開心速遞》中有唔少令觀眾印象深刻嘅角色,而鍾凱琪飾演的池美麗以及王俊棠飾演的池富就係例子之一。雖然2人都已經離開咗《愛回家》劇組,但係鍾凱琪就戲裏係外都係孝順女!當王俊棠係爸爸一樣嘅鍾凱琪,日前仲特登趁喺內地旅行期間,帶住媽媽去同王俊棠慶祝生日, 冧爆對方至於更被唔少網民問幾時會「回家」!
愛回家最新劇情劇透
鍾凱琪早前趁住去內地玩時幫爸爸王俊棠補祝生日兼過父親節!(圖片來源:IG@yukimi_chung)
鍾凱琪戲裏係外都係孝順女
鍾凱琪目前專注於日文導師嘅工作,甚少出現在幕前。雖然日文導師嘅工作繁忙,不過仍然唔影響鍾凱琪嘅孝心,更趁住有時間帶媽媽去中山玩。而鍾凱琪日前亦晒出多張與王俊棠的合照,並配文表示:「到內地當然不可以不找我阿爸棠哥」,更直言:「雖然近年少見了很多,但!! 7年感情不是假的」睇得出鍾凱琪果然十分有孝心!
![愛回家之開心速遞 鍾凱琪 鍾凱琪早前趁住去內地玩時幫爸爸王俊棠補祝生日兼過父親節!(圖片來源:IG@yukimi_chung)](https://imgs.orientalsunday.hk/wp-content/uploads/2024/06/-2024-06-19-5.46.19_409326426672ae3869383.png)
上個月是王俊棠的生日,鍾凱琪不單止補慶生日,仲連埋父親節一齊慶祝。鍾凱琪更特意預訂餐廳同準備「長壽麵」,冧爆爸爸池富!王俊棠仲笑稱:「你特登上嚟就係同我慶祝,你特登走上嚟,我真係覺得你有少少『陰無』(陰謀)。」之後仲孖住鍾凱琪齊齊去唱K,開心指數報燈!
![愛回家之開心速遞 鍾凱琪 王俊棠表示估到鍾凱琪「有少少『陰無』(陰謀)」!(圖片來源:IG@yukimi_chung)](https://imgs.orientalsunday.hk/wp-content/uploads/2024/06/-2024-06-19-5.43.38_17102196826672af4bbe8af.png)
王俊棠被仔仔大爆熱愛內地
早前王俊棠嘅細仔王東泰在社交平台大玩Q&A,有網民留言問「棠哥係咪常駐內地」,獲王東泰回覆表示「佢熱愛中國,如果香港冇咩事佢都想留喺內地,同埋好好搵。」直指爸爸王俊棠將工作重心轉移到內地,因此在香港的活動相對減少,所以乖乖女鍾凱琪今次約王俊棠見面,都係趁去內地時先成事。
![愛回家之開心速遞 鍾凱琪 王俊棠嘅細仔王東泰喺社交平台表示爸爸鍾意留喺內地。(圖片來源:IG@stupidjames)](https://imgs.orientalsunday.hk/wp-content/uploads/2024/06/-2024-06-19-6.18.15_8696764766672b514a6a09.png)
網民留言呻掛住池家
雖然今次嘅聚會只有池富同池美麗,少咗由阮政峰飾演的池子孝,但係就已經成功勾起一班《愛回家》fans留言表示好掛住「池家」。更有網民留言問池美麗幾時會「回家」,不過鍾凱琪就只係表示:「這個要等公司安排」睇嚟幾時有得回家仍然有待確定。
![愛回家之開心速遞 鍾凱琪 唔少網民都留言表示好掛住鍾凱琪飾演嘅池美麗。(圖片來源:《愛回家》截圖)](https://imgs.orientalsunday.hk/wp-content/uploads/2024/06/-2024-06-19-6.23.55_1262655226672b1d23a6bb-1024x778.png)