「天皇嫂」方媛晒長腿變超模　網民爆笑留言：條腿仲長過城城成個人！

撰文：東方新地 圖片：方媛小紅書、方媛微博、東方新地

方媛近年母憑女貴

一直有傳「天王嫂」方媛曾參加「天王嫂訓練班」，成為優秀學員成功嫁郭富城，生埋兩個女更加母憑女貴，要風得風，告別淘寶女模的日子，方媛脫胎換骨，唔使做之餘，仲有老公城城出資畀佢大搞網上時裝生意。

拍出超模身高

近年方嫂成個人Upgrade晒，出入上流社會高級場所，亦有國際時裝品牌搵她影相做代言，周身名牌變身闊太。日前她在小紅書上載了多張靚相，照片中的方媛身穿粉紅色的Tube Dress，背景是中環的匯豐銀行總行，只見方媛全身的個人照影到9頭身超模一樣，兩張躺在沙發上的照片，不知是P圖過度還是低炒角度問題，身高約1.6米的她，睇落腿長竟然有1.5米，真係好震撼！

網民表示嘆為觀止

香港網民睇到方媛張相都嘖嘖稱奇，有人笑佢年齡同身高都係假，只有老公郭富城係真，更有網民爆笑指方媛條腿仲長過城城整個人，不過小紅書中的方媛粉絲就好欣賞她，留下很多讚美的留言。

回顧當年方媛冇P圖真身

今時今日的方媛，生咗兩個女依然保養得宜，被指身材和樣貌都沒有太大改變，更看不出已經34歲，不過當年方媛未識城城仍是𡃁模時，曾為本刊拍下一輯靚相，其身材與樣貌同現在都判若兩人喎！方媛未經P圖的真身，有圖有真相。