炎明熹驚喜亮相重頭劇《逆天奇案2》 格仔短裙look好搶鏡!
炎明熹客串《逆天奇案2》
總監製劉家豪在《逆天奇案2》除了確定原班人馬上陣演出,仲找來多位重量級藝人客串,他在微博晒出多張劇照,其中提到「Gigi 炎明熹強勢加盟,逆天2 全速拍攝中。 」這個好消息,Gigi穿上露肩露腰上衣配短裙look在奔跑,非常吸睛!身旁還有關嘉敏及趙璧渝扶着Gigi逃離險境,身後則有人舉起Gigi炎明熹的紙牌應援。
![炎明熹 逆天奇案2 Gigi穿上露肩露腰上衣配短裙look在奔跑,非常吸睛!](https://imgs.orientalsunday.hk/wp-content/uploads/2023/08/7b7f35edgy1hgwek7q9bvj218g0tm46p_136531009064db2dca9a2e9.jpeg)
網民估又係演自己
網民從紙牌應援推測,紛紛留言:「期待炎明熹Gigi的演出。下次可以演吓「炎明熹」以外的角色」、「又係演自己哈哈哈」、「哇哇哇好期待炎明熹呀」。
![炎明熹 逆天奇案2 《逆天奇案2》拍攝得如火如荼。](https://imgs.weekendhk.com/wp-content/uploads/2023/08/-2023-08-15-3.47.40_131748105264db2f74079ae-770x1024.png)
炎明熹年初客串《愛.回家》
Gigi大把工作在身,她在農曆年初五客串演出《愛回家》做返自己,又會引發連串事件。自言由小學開始已經係《愛回家》捧場客,對首度獲邀參與演出,坦言非常興奮:「我一路都有追開,佢哋嘅內容令我睇完之後好開心,每集又會帶出一啲信息,好生活化。呢個處境劇我由細睇到大,小學時係《八時入席》,後尾又有唔同系列。」
![炎明熹 逆天奇案2 炎明熹 Gigi演返自己,喺新威龍開粉絲見面會。](https://imgs.orientalsunday.hk/wp-content/uploads/2023/01/123_96789795463d110b508e5a-1024x750.jpg)
炎明熹私伙簽名相贈Philip仔
Gigi在劇中於新威龍廣場舉行粉絲見面會,Philip仔(梁禹勤飾演)為見偶像,與好友技蘭特地走到新威龍廣場,因為圍觀的人太多,加上他們太矮而見不到Gigi,所以技蘭叫Philip仔踩住他的「肚腩」跳到台上見Gigi。Philip仔成功跳到Gigi面前,最後Gigi在自己的性感低胸相上簽了名再送給Philip仔,令他十分開心。原來劇中的性感低胸相是Gigi的私伙相,是Gigi在節目《聲生不息》中演唱《眉飛色舞》時的造型。
![炎明熹 逆天奇案2 炎明熹 炎明熹在自己的性感低胸相上簽名,送給Philip仔。](https://imgs.weekendhk.com/wp-content/uploads/2023/01/ss_90120606863d29eeeee392-1024x547.jpg)
劇中炎明熹Gigi:我超級鍾意根叔《揸流灘》同大四喜
劇情之後講到大小姐(林淑敏飾演)為兒子Philip仔安排與偶像Gigi見面的機會,Gigi更說認得熊家的人,因為經常上《慌張西望》:「我超級鍾意根叔《揸流灘》同大四喜。」十分搞笑,最後更獻唱一曲《好想約你》。
![炎明熹 逆天奇案2 炎明熹 Gigi年初五「登陸」《愛回家》,眾人嚟張大合照。](https://imgs.orientalsunday.hk/wp-content/uploads/2023/01/3456_67042694863d111ec4ce49-1024x691.jpg)
炎明熹同「根叔」劉丹合照圓夢
Gigi指可以同劇中角色真正合作,感覺既榮幸又夢幻:「真係不可思議,冇諗過以前甚至依家仲一直睇緊嘅劇,會有機會遇到佢哋。」自言最尊敬角色「根叔」劉丹的Gigi,非常希望有機會同根叔合照:「我知佢做咗好耐,好開心可以加入呢個大家庭,因為我見到佢哋好似屋企人咁相處,又會互相叫對方阿爸、家姐或者阿妹,然後佢哋亦都好照顧我。」Gigi今次參與演出之後,仲大讚劇中道具相當逼真:「我一直以為新威龍廣場係一個真嘅廣場,然後Key個名落去,後來先知原來係一個廠景。」
![炎明熹 逆天奇案2 炎明熹 Gigi最鍾意劉丹,當然要合照啦!](https://imgs.orientalsunday.hk/wp-content/uploads/2023/01/234_17049199363d110ef5aee5-1024x759.jpg)
炎明熹想多拍劇:好有趣
Gigi話希望日後可以再多點拍劇,因為非常鍾意同幕後工作人員相處,Gigi話:「我一直好想拍劇,我覺得拍劇好有趣,我好鍾意同工作人員相處,佢哋真係非常之好,好似屋企人咁,所以我希望儲多啲經驗同能力後再拍劇。」講說話充滿童真嘅Gigi,笑說拍攝當日遇到兩名相當可愛嘅小朋友,還送上兩粒朱古力氹小朋友開心,佢興奮咁話:「嗰日誤打誤撞帶咗兩粒朱古力,其實原本我係想試吓個味,因為冇食過,最後我就一人一粒請佢哋食,啱啱好,Yeah!」
![炎明熹 逆天奇案2 炎明熹 電梯佈景都令Gigi嘖嘖稱奇。](https://imgs.orientalsunday.hk/wp-content/uploads/2023/01/566_204301104063d111721e9e3.jpg)