神耆小子蜘蛛精「程珍珠」小背心大打出手飛甩胸圍 朱斐斐離巢轉經理人做KOL
浮沉12年靠低胸上位 約滿離巢轉跑道做KOL
現年31歲的朱斐斐（Feifei）早在2012年加入無綫，做了多年佈景板角色，曾經因為壓力太大而患上抑鬱和暴食症，直到她開始接觸健身運動後，情況才有所改善，也鍛煉出美好身段，今次憑蜘蛛精角色上位，但原來朱斐斐已經約滿TVB，轉簽經理人公司，與李施嬅及關嘉敏同門，作為教練及狗狗愛好者嘅佢打算嘗試做KOL。
朱斐斐、尹詩沛街頭打交打到飛甩胸圍！
劇中兩人都對阿勇（蕭正楠飾）有意思，珍珠（朱斐斐飾）以低胸小背心＋熱褲性感造型殺到跌打館踩場，上周其中一幕，睇不過眼的魯娟（尹詩沛飾）暗寸她是「蜘蛛精」並說：「今次又整親邊度呀？」身材勁爆的珍珠反擊說：「個個都話我負擔大，好容易整親條腰，魯姑娘你呢啲零負擔嗆身材，你不明㗎喇！ 」句句有骨。其後在第11集，朱斐就直指「當情敵是大波妹時就已經先輸在起跑線！」再次攻擊尹詩沛，甚至大打出手，連胸圍都飛起！
尹詩沛意外咁多動作戲 朱斐斐著太少布礙事？
談到昨晚一集連續僕落地兩次，尹詩沛笑言：「估不到呢套喜劇出奇地多動作場口，今次應該係僕得最多次數嘅一套劇！」Nicole又謂很喜歡與斐斐撈亂骨頭這條線：「我前兩個一見到面就好多鬥嘴，又成日畀佢用身材撻我，我又經常毫無還擊之力。」
Nicole也透露了與朱斐斐街頭激戰的花絮：「去到現場先同斐度動作，女人打交通常都係扯頭髮同扯嚇啲衫，但佢實在（著得）太少布，不可以扯佢啲衫，因為太容易走光，同埋佢咁少布撻落地，都好驚佢整親。
朱斐斐曾飾演年輕版康華
朱斐斐入無綫頭12年，開頭一直未有機會上位，令她一度因壓力太大而患上抑鬱和暴食症，直到她開始接觸健身運動後，情況才有所改善，早幾在無綫倉底劇《堅離地》飾演康華角色的年輕版，上演拋棄幼女及跳樓自殺時爆喊一幕，把握機會大曬演技為人認知！
朱斐斐2012年入行事業無起色曾出現情緒問題
朱斐在2012年修讀無綫第26期藝員訓練班後入行，同期還有何廣沛、吳滻默、利穎怡、李斻芳及梁茵等，現時她除了拍劇外，還任職健身教練，及開設了一間販售健康食品及時裝的網店。朱斐斐透露曾因入行以來事業一直無起色，而開始出現情緒問題，患上抑鬱症和暴食症，一度暴肥40磅，要睇心理醫生接受治療，直到她開始接觸健身，才找到方法去發洩自己的負面情緒。
