網民狠批《愛回家》5大棄劇原因 灰爆指個「家」經常唔齊人！

第一點：TVB多位演員離巢 個「家」經常唔齊人

首先網民指出《愛回家》似乎因為TVB多位人才宣布離巢的關係，而令到個「家」經常唔齊人，重要角色離開，熊家和龍家的核心成員的減少，第二加許多新人以及一些不討好的演員下去硬捧，令《愛回家》更不討好。

第二點：新人角色不討好、加入分薄劇情

「自從集集都見到個膠面攝石人就冇睇，三姨同細龍生都走埋仲邊到係愛回家」「仲格硬加隻楊明落去完全唔match 每次見到有佢就打機算」「愛回家啲演員換咗一半咁濟, 咁重係唔係愛回家?」有網民更建議《愛回家》不如完結「愛回家但成家永遠都唔會齊人，個個都quit倒不如喺最高峰時完咗佢，唔通等成家散哂個陣先完咩」

第三點：劇情無聊只懂抽水 無晒「愛」的表現！

第三，有網民認為現時《愛回家》劇情只懂抽水，要不荒謬之極，要不就走回老套輪迴套路，龍家兄弟姊妹互相傷害以及增加了家庭和朋友間的矛盾和爭鬥等，缺乏了「愛」的表現，「大學線」的消失都讓人感到遺憾。這種改變讓一部分觀眾感到《愛回家》已經變質，不再是他們熟悉和喜愛的那個家庭故事。

「以家集集都玩胡鬧 無哂以前初初愛回家個D單元故事」「成套野無論喺熊家定龍家都完全感覺唔到愛，啲劇情又無聊，完全唔想愛回家返屋企睇呢套嘢」

第四點：聲浪大 ＝好演技 ？

有觀眾又指餘下的女角聲浪太大： 若水：好嘈、三太：好嘈、大小姐：好嘈，當中三太係嘈得嚟討喜、大小姐都多有趣、唯獨若水嘈仲要完美演繹「中年港女」，惡頂！

「成個屋企三日唔埋兩日又嘈交，同之前第一代套愛回家真係爭好遠」「仲有套嘢熊家班人做咗啲好似好溫馨嘅嘢，點知原來背後又係有原因/陰謀，呢下真係好恐怖，完全feel唔到愛，真係教壞細路」

第五點：播放時間縮減，奧運停三星期

雖然好多觀眾唔Buy，但每次有時間變動又成為了熱話，今年初為了讓路《亞洲超星團》由一周七天改為六天，引起不少粉絲不滿，其實目前《愛回家 》作為三線劇集仍是最高收視劇集，不過無綫為了7月巴黎奧運，決定停播三線劇集包括《愛回家》，令到不少觀眾感不滿。

有網民力撐《愛回家》係TVB最好看的劇集

不過亦有網民力撐TVB最好看的劇集就是《愛回家》，亦指仲有大把觀眾「成個Tvb 最好睇係愛回家」「名黎既姐 班師奶都係日日坐定定睇」「其實咁多人走的情況吓都算完整斬得幾好」「講真無人會通過愛回家，想感受到家庭既溫暖吧 講真編劇唔差啊，有陣又抽水」