胡蓓蔚被單立文兩句收服 極少鬧交 讚豹哥不煙酒不溝女 1招維繫28年感情
相愛28年互有攻守！豹哥、豹嫂恩愛秘訣大公開！
相愛 28 年的豹哥、豹嫂恩愛如昔，身為「單身狗」的羅天宇請教兩人愛情保鮮法，豹哥大拋婚姻哲理：「婚姻係兩個人三唔識七喺埋一齊，之後產生一種化學作用叫愛情，之後到你 Commit 要照顧一生一世，講就易囉，當你途中遇到咁多嘢嗰陣，你個心會唔會動搖？會唔會想放棄？你要重拾正軌去鞏固番個婚姻，係好艱難，一段婚姻共富貴係好容易，共患難就唔容易。」豹嫂則指最近因一事令她有新的領悟：
「最近我激親我老公，激到佢睇醫生，原本係好小事，但大家喺度互頂，佢話：『你收聲！』我話：『我好冷靜，你有咩資格叫我收聲，我做咩要收聲，我依家叫你收聲！』之後佢個胃就唔舒服，個肚好多氣，Gur 咗幾日，跟住佢去睇醫生，食咗兩個月胃藥。」
如果老公不在場，胡蓓蔚又會如何形容老公？早前豹嫂獲好友陳敏之邀請，在她的個人YouTube Channel節目《Chi Chat》做嘉賓。陳敏之和單立文(豹哥)因拍戲而認識，後來因為一些聚會認識豹嫂。在節目中，豹嫂大讚老公豹哥的優點，分享婚姻的保鮮方法。
胡蓓蔚有無試過「精神出軌」？
節目開首，陳敏之認真地問豹嫂︰「佢係咪你初戀？你係咪佢初戀？」豹嫂聽後反應甚大說︰「梗係唔係啦！你黐線，你問呢個問題……佢點會係初戀？」陳敏之再問對方︰「你覺得佢好曳？」豹嫂續說︰「佢唔係曳，佢幾多歲人呀？點會初戀呀？如果我係佢初戀，佢先至慘呀！」被問到有無試過精神出軌，豹嫂說︰「我覺得嗰個人靚仔，我會直接同佢講，但佢見到靚女，唔會認『係咩？OK啦』，冇乜所謂，我哋都會睇靚仔靚女。」可見更豹嫂非常隨性、真實、有話直說而結為好友 。
胡蓓蔚肯主動認錯維繫感情 被單立文兩句收服
被問到16年的婚姻當中，有沒有吵架，豹嫂指一段婚姻中沒有吵架是不可能的，一對夫婦當然需要磨合。陳敏之問到那應如何解決，追問︰「你哋有無嗌過交？」豹嫂說︰「有但好少，通常真係我做錯咗，做咗啲佢忍唔到嘅嘢，有一次我飲醉酒，然後發脾氣，返到屋企佢就鬧我，我通常一被人鬧就即刻承認錯誤，因為我想佢停，同埋知自己衰；相反如果係啱，我梗係力爭到底。基本上佢唔鍾意我飲酒，但係我哋身邊嘅人，全部都係飲酒嘅。」更笑言是否順得人豹哥作出讓步，豹嫂笑言數次的吵架都是源自自己，自己每次都是主動道歉，令到事情淡然。另外，豹嫂指自己人生常遇到問題，都會同老公商量︰「有時真係好唔開心，我老公有一樣嘢好勁，佢可以一針見血，兩句說話就收咗你。」
單立文不煙酒不溝女最大優點亦是最大缺點
數到豹哥的優點，豹嫂可為滔滔不絕，指豹哥「唔煙唔酒唔溝女」，更為「胡說八道」群組的爸爸一樣，非常照顧各位朋友、姊妹。講到每次開派對時，他更化身為村巴司機「村長」，駕車接到會飲醉酒的所有朋友回家，豹嫂笑說︰「我哋架車叫村巴，呢樣嘢係要加番啲分數佢嘅！你有無見過成村人飲醉酒，喺佢架車度有幾嘈？佢又要播歌啦……佢真係好好。」豹哥毫無怨言，令到各人大讚。
對於老公最大的優點，豹嫂笑說︰「佢曾經自己讚過自己，但曲解咗嚟講，佢話自己人生最大嘅缺點係……但我覺得佢係講緊自己嘅優點……佢話佢就晒我，我心諗『你真係好叻，好識講嘢』；其實好多嘢都唔係睇表面，兩夫妻真係會一個就晒一個咩？其實……算啦，講起都兩行眼淚。」
時裝達人胡蓓蔚如何做好收納？
最後被指是時裝達人又非常喜歡購物的豹嫂，被陳敏之問到如何收納衣物服飾，又如何做到最多的mix & match，豹嫂指首先要多謝各大品牌的贊助，其次就是要做到不浪費的「斷捨離」，將不會再穿的衣物分類好，再轉贈絡其他有需要的後輩，以求令到家裡整潔。
