莊錠欣盼孖馬國明再續前緣 網民唔收貨嗌換人：係都小迪啦
莊錠欣自爆同朱千雪超深厚友誼
莊錠欣於2013年在TVB劇集《On Call 36小時II》中與朱千雪合作，朱千雪在劇中更飾演她的繼母，即使2人年紀相差10年，但係關係就照舊friend到不得了，就連Elkie近期舉辦首個香港演唱會時，朱千雪都有現身支持！而莊錠欣日前接受訪問時，就直言好開心與朱千雪嘅友誼可以keep到咁耐，更透露「過幾日都會去佢屋企拜年探BB」。
莊錠欣盼與馬國明再續前緣
除咗提到與「繼母」朱千雪嘅友誼外，莊錠欣更透露期待未來能與更多香港藝人合作，特別係早於《On Call 36小時II》時已經與其結緣嘅馬國明，更稱無論係做兄妹或扮演情侶角色都冇問題。
網民唔收貨！召喚「養女」冼迪琦
雖然莊錠欣透露盼與馬國明再續前緣，但係唔少網民就直言更想睇馬國明與現年26歲的「養女」冼迪琦合作：「想睇冼迪琦同馬明再做父女多啲」、「但係兄妹定情侶都係小迪吸引啲」、「係都小迪啦」、「可唔可以搵小迪返嚟合作？」
馬國明冼迪琦「養父女」17年後世紀同台 「三代同堂」合照原來仲有佢？
25歲「香港首席美少女」冼迪琦（小迪）由童星做到台灣啦啦隊女神，於港台兩地都擁極高人氣！冼迪琦童星時期在TVB參演過高達30部劇集，其中最為人熟知嘅就莫過於在《律政新人王II》飾演馬國明嘅養女一角。雖然冼迪琦目前專注於台灣發展，但係仍不時會回港出席活動。日前（4日）冼迪琦返港出席活動時，更重遇「爸爸」馬國明同1位大前輩「三代同堂」！
冼迪琦重遇「養父馬國明」仲「三代同堂」
在最近的一個品牌活動中，「馬國明養女」冼迪琦（小迪）以《Code Geass 反叛的魯路修》中的C.C.造型亮相，她直言是「父女重逢的一天」，事關「養父馬國明」都有出席活動。2人曾在十多年前合作《律政新人王II》，小迪飾演馬國明的養女。小迪仲大讚「馬明爸爸」十年如一日，跟十多年前合作時長得一模一樣，好像吃了防腐劑！又指馬國明戲裡戲外均是個暖男，見面時即噓寒問暖，勾起不少當年做童星的回憶，仲指如果有機會回港拍劇，想再跟馬國明合作，但可以不用演父女，演兄妹也可以。
而今次的活動中，李龍基也有份出席，馬國明更笑言跟「父皇」基哥及「養女」小迪同時出席活動，簡直是「三代同堂」！馬國明又大讚小迪已長大成人、亭亭玉立，仲希望他日有女兒的話，想像小迪一樣精乖伶俐。
小迪4歲出道做童星 曾拍30部劇
1999年出生的小迪，於2003年正式童星出道，16年間曾經拍過30部TVB劇集，包括《當四葉草碰上劍尖時》、《隔世追兇》、《阿旺新傳》、《學警狙擊》、《烈火雄心3》、《巨輪》及《愛．回家之開心速遞》，更飾演過宣萱、鍾嘉欣、田蕊妮及胡杏兒等女演員的童年版。但要數到最為人印象深刻的，就不得不提她在《律政新人王II》中的演出，憑着飾演馬國明養女「辛家寶」而為人熟悉。
