公子會|23歲Yoyo葛綽瑤分享四段感情 爆男友為求發洩出軌分手
目前單身的Yoyo葛綽瑤分享A4 其中一位男友是同校師兄,當時因為同班女生喜歡上師兄的好友,而開始留意到對方。她更自爆:「本身點解會留意呢班師兄,係因為當中有個師兄鍾意咗我好耐,但我就無喜歡佢。可能因為佢太進擊,令我有啲壓力。」
![葛綽瑤 公子會 Yoyo樣子甜美,她的感情生活都甚豐富。](https://imgs.sundaykiss.com/wp-content/uploads/2022/12/20211112010556_2_1636650356_66981805639efd6515051-1024x900.png)
師兄求愛死纏爛打 拒絕收兵做娘娘
那名暗戀她的師兄,會留意她回到學校的時間,然後每日站在同一個位置等她回來。一眾主持人起哄,指這種根本是癡漢行為,葛綽瑤則謂:
「當我feel到時已經即刻拒絕咗佢,我唔係好鍾意人哋keep住咁做,而我又唔係想同佢發展,所以叫佢唔好再等我,但第二日佢都仲係度。」
男友去O Camp似去夜總會?
現年23歲的葛綽瑤,在過往四段感情中有兩段都是因為男方愛上別人而分手。同校師兄則是因為二人在交友上有分歧而令戀情告終:「佢控制慾比較強,導致我兩年幾都無異性朋友。去到佢要升大學去O camp,佢讀傳理系所以女仔比較多。記得有次佢呃我話去旅行,本身話去五日,去到前一日又話其實去十日,再發現成團十幾個人但得兩個男仔。」主持人再度起哄:「咁梗係要呃你啦,講到去O camp好似去夜總會咁!」最後因為男方寬己嚴人的態度,令二人越來越多分歧,最後決定分手。
![葛綽瑤 公子會 Yoyo畢業於香島中學。](https://imgs.sundaykiss.com/wp-content/uploads/2022/12/yoyoyokot-1_2008606223639efd618d817-896x1024.jpg)
還未開始已經結束
葛綽瑤越講越多,還有一個她未有算進四段戀情中的對象:「佢被我捉到,我同佢有拖過手同剩係錫過一次,就發現到原來佢唔係有另一個,係有另外三個,都係校外人。」她跟該名同班同學交往一個月就決定分開,到畢業後,僅餘兩名還有聯絡的異性朋友告訴葛綽瑤,當年已經見過那個男同學背著她跟其他女生單獨唱K。葛綽瑤直認自己都容易被人呃:
「拍拖好少管對方,覺得乜嘢關係都需要信任。」
檢討分手導火線 拒親熱致男友偷食?
回看葛綽瑤大部份戀情都因為「同一原因」而分手,主持人火火認為一定是自己有問題需要去檢討。葛綽瑤終於講出重點:
「可能就係因為我無係身體上俾佢地發洩。」
葛綽瑤無慾望 主持人誠心忠告
葛綽瑤都承認可能因為自己太乖而導致分手:「可能我太早返屋企,有啲男朋友要做兼職返夜,就可以同人哋去食宵夜。」森美則直指出重點:「你守身如玉齋拍拖而令男仔走!」葛綽瑤暗示無性需要,自認佛系:「係。我自己無乜太大呢個慾望。」
火火聞言即認為她適合年紀較大的對象,劉翁則謂:「你而家搵男友最緊要睇佢有無樂悠卡,如果有就啱你喇!」
葛綽瑤到商台節目《公子會》任嘉賓,接受森美、火火及劉翁訪問。
葛綽瑤指和姜濤感情線為BB級
葛綽瑤於ViuTV劇集《季前賽》中同姜濤有感情線,早前接受Viu1的專訪大爆劇中的趣事,她指和姜濤的感情線比較「BB」,如果劇情需要而需要獻出螢幕初吻時,她都不介意。她又自爆希望可以把螢幕初吻獻一位男歌手,更直言若成真便「無憾了」。
![葛綽瑤 公子會 葛綽瑤 yoyo Yoyo大讚姜濤和肥仔係好對手。](https://imgs.weekendhk.com/wp-content/uploads/2022/10/312912318_530936405485080_389328412983284707_n_1354916732635a4330da419.jpg)
最想向樂壇前輩獻吻
提到和姜濤的感情線時,葛綽瑤指因為劇中角色的感情線比較「BB」,所以也不是太親密。她又指自己只是按照劇本去演出這個角色,所以做好份內事。如果劇情需要而需要獻出螢幕初吻時,她都不介意。不過她爆自己希望把螢幕初吻獻給張敬軒,因為自己覺得張敬軒不論在對人對事的精神和態度,還是音樂作品上都出色。自己一直也很欣賞他,如果可以獻給張敬軒便「無悔了、無憾了」。
![葛綽瑤 公子會 葛綽瑤 yoyo 葛綽瑤 提到和姜濤的感情線,葛綽瑤指因為劇中角色的感情線比較「BB」。](https://imgs.orientalsunday.hk/wp-content/uploads/2022/10/pic76_48555098463586451a5716-1024x830.jpg)