袁偉豪內地拍劇坐電動車1舉動疑違法 被網民狠批親自落場求「放過」
袁偉豪 內地危坐電動車
影片中袁偉豪一臉倦容地坐在一架有蓬的電動車尾,拿著手機笑著拍片,首先表示:「今日唔揸電單車,坐電瓶車!」期間見他左右張望,並繼續解釋他在收工後自己一個食完飯,正在返酒店休息。片中見到他被風迎面吹到頭髮全向後飛,但他笑言:「幾爽!呢度冇打風,天氣好清涼同埋空氣幾好,因為多咗好多電車,啲空氣真係好咗好多!」
![袁偉豪 袁偉豪坐在電動車尾一臉倦容,但網民都更關心他坐電動車無戴頭盔。](https://imgs.orientalsunday.hk/wp-content/uploads/2023/10/14a_892245606524e7fdb9023.jpg)
被網民狠批「出去威唔戴頭盔」
不過網民的關注點都落在他的安全意識上,紛紛狠批他「畀交警捉到罰兩百,出去威唔戴頭盔」、「舉報,他不戴頭盔」、「我都想講,無戴頭盔仲笑騎騎」、「他不戴頭盔就算了,他還在拍視頻」、「保佑沒被交警逮到這個視頻」、「而且還是非法營運」,此外亦有網民指袁偉豪「心態未準備好做爸爸」、「就快做爸爸事事應該考慮到妻兒」等。
![袁偉豪 袁偉豪本身愛揸電單車,早前他和張振朗拍攝的《歐洲鐵騎遊》第2季播出,節目中他在德國無限速公路更飛車飛到時速187公里,事後他自責表示覺得自己太任性,有少少對唔住屋企人。](https://imgs.orientalsunday.hk/wp-content/uploads/2023/10/06_3949720496524e8c8ecf0e.jpg)
親自落場求網民「放過」
被網民群起指責「出去威唔戴頭盔」後,袁偉豪急急將片段刪除,但影片已被網民轉發,對此袁偉豪先是在小紅書「現身」表示:「這個真的不知道。」指出自己對要戴頭盔一事並不知情,之後又上微博出po承諾:「下一次會!」並附上有「謝謝,請放過」意思的「抱拳」emoji,似乎在求網民饒恕他這一次的失誤。
![袁偉豪](https://imgs.orientalsunday.hk/wp-content/uploads/2023/10/13_10122005116524e9fc0a06d.jpg)
![袁偉豪 今日10月10日是張寶兒32歲生日正日,袁偉豪就特別向劇組請假回港,為她驚喜慶生,片中他搞笑反眼說:「我同佢講我要返去同我老婆過生日,我今日唔拍啦,係咁先啦!」](https://imgs.orientalsunday.hk/wp-content/uploads/2023/10/01_1073195876524e59026a29.jpeg)
重溫袁偉豪受網民負評7件事:
1.被封「軟飯王」爆Seed鬧網民:繼續話我去做鴨!
港男出身的袁偉豪,於2017年因拍攝節目《打工捱世界II》邂逅張寶兒,二人同年認愛,但戀情未被看好。網民指袁偉豪拜金想入贅女家、「食軟飯」等等的評語,2020年台慶頒獎禮後他和老婆曬合照,更被網民開post圍插他勁走樣,同他幾年前做「牙佬」時相距甚遠,袁偉豪嬲豬爆Seed,在其個人社交網發長文,承認自己最近有點累,更晦氣講反話叫網友「繼續話我食軟飯」、「繼續話我去做鴨」,睇得出袁偉豪著晒火!
![袁偉豪 袁偉豪嬲豬爆seed寫長文去叫大家繼續批評他。](https://imgs.orientalsunday.hk/wp-content/uploads/2023/10/02_12766974896524e735945d4.jpg)
2.爆Seed鬧傳媒:欠咗你哋?
去年九月,金像獎最佳男配角得主馮皓揚退修TVB藝員訓練班的相關新聞中,提及藝訓班的星級導師包括袁偉豪,網民隨即紛紛質疑袁偉豪的導師資格,事後袁偉豪在Facebook轉發相關的報道,嬲爆留言:「我欠咗你哋班傳媒?」網民都狠批他的回應態度差,好唔得體。
![陳豪 袁偉豪 豪遊咖啡 法證先鋒5 袁偉豪疑不滿成開心速遞影射情節 爆seed「繼續無限 佢亦曾經於Facebook留言表示「我欠左你地班傳媒」?](https://imgs.orientalsunday.hk/wp-content/uploads/2022/11/356_125808188663789a16e0c1d.jpg)
3.疑不滿成《愛.回家》影射情節 爆Seed鬧「繼續無限放大?」後刪Po
TVB劇集《愛.回家之開心速遞》其中一集角色KC有對白:「我而家欠咗你班傳媒呀?」又出現「軟飲王」情節,似衝著袁偉豪而來,難怪他晚上再出po爆seed:「點解啲報道,永遠都係錯重點?明明係宣傳新歌,講吓近況,但係永遠出嚟就係錯重點嘅呢?又繼續無限放大 ?」但他轉頭又刪走這個限時動態!
![袁偉豪疑不滿成開心速遞影射情節 爆seed「繼續無限 《愛.回家》最新一集影射袁偉豪鬧傳媒的對白。](https://imgs.orientalsunday.hk/wp-content/uploads/2022/11/shot3_2080890530637894dbe5453-1024x575.jpg)
4.《好聲好戲》失準反斥節目配樂喧賓奪主
袁偉豪去年出戰《好聲好戲》第二季,聲演經典劇集《大時代》「丁蟹」,但演出表現失準,被網民狠批他以為自己能夠駕馭「丁蟹」這個高難度角色,是自視過高,他除了親身回應網民:「自古成功在嘗試,唔試過點知呢?」更於社交平台發帖直斥節目配樂喧賓奪主。
![袁偉豪 袁偉豪發帖直斥節目配樂喧賓奪主。](https://imgs.sundaykiss.com/wp-content/uploads/2022/09/111111_600_11761566726310c13d93f65.jpg)
5.直播為自己平反 斥大家無良心
袁偉豪曾在老婆張寶兒的直播中表示自兩人結婚後,網上就出現「嫁畀張寶兒」才可得到6,000萬豪宅、「食軟飯」、「(袁偉豪)係姓張」等言論,他直言自己當年十分在意這些言論,一點一滴也注入了他的內心,認為大眾將他多年來的努力抹去:
「傳媒集中報道點樣去置業,我點樣嫁咗俾你,我點樣食軟飯,每一句每一句好少嘅說話或者每一次好簡單嘅報道,其實係逐少逐少注入我內心,當然會唔開心啦。自己奮鬥咗咁多年努力,叫做有啲成績、市場接受自己、有好角色、搵到啲錢、儲到啲錢,搵到一個自己鍾意嘅人去結婚,就算到呢一刻使晒啲錢又如何呢,呢兩年都係食老本無問題,咪重新嚟過囉,仲要面對被話我食軟飯,又話我姓張,嗰啲人真係好無良心。」
6.肉麻拍片誠實招認張寶兒係佢第一桶金
袁偉豪和張寶兒於2020年結婚,翌年兩人為慶祝結婚一周年,特別安排到灣仔一間酒店Staycation度春宵,張寶兒更拍片放上自己的YouTube頻道,被指是億萬駙馬的袁偉豪,食咗誠實豆沙包,坦言張寶兒是她的最大投資,仲話人生第一桶金就是娶了張寶兒做老婆。網民都笑指袁偉豪食咗「誠實豆沙包」,為氹有米老婆終於講出了心底話。
![袁偉豪係咪食緊誠實豆沙包?](https://imgs.orientalsunday.hk/wp-content/uploads/2021/12/22_146444228961b3134b6462f.jpg)
7.上節目狂呻壓力大:層樓我唔使供咩?
袁偉豪上節目《師父有請》擔任嘉賓時,直認壓力大:「其實我唔睇嗰啲報道真係冇事,睇完反而唔開心,入到外父屋企有乜好驚?我唔會驚,反而睇完報道之後會唔舒服,點解要咁講我呢?」續呻:「我性格係好硬頸,乜都要駁嘴,所以耐唔耐就會出聲!我有我自己睇法,你哋覺得係咪係,講真,層樓我唔使供咩?我都要搵錢,我都要Keep好個樣出嚟,點知又畀你班人話我面膠、醜男!」所講「層樓」是他婚前同張寶兒以6,568萬聯名購入的複式連花園豪宅,而他也直認買樓一事是由岳父主導。
![袁偉豪做「三億駙馬」狂呻壓力大 上世得罪人靠XX一千次成功轉運](https://imgs.orientalsunday.hk/wp-content/uploads/2021/02/06_7841226796034926b29d9f.jpg)
![袁偉豪 另一個角度睇幅畫真係大得誇張。](https://imgs.orientalsunday.hk/wp-content/uploads/2023/05/19_1514816114645c726294e95.jpg)