超能使者｜楊證樺綠葉王大派洋蔥 童星帶入戲難以抽離：拍到好唔開心！

「高佬」楊證樺演技超班 綠葉王大派洋蔥

TVB台慶劇《超能使者》昨晚一集劇情高潮迭起，特別是高佬（楊證樺飾）父子的一場生死離別戲最令網民印象深刻。劇情講到高佬兒子「明仔」為了幫父親籌錢患肝，遭小混混利用運毒，連累誤食「有餡」朱古力的同學仔身亡。當中父子相遇後相擁爆喊的一段真情對話，令網民紛紛嗌感動：「喊死」、「明仔父子做得好好」、「囝囝幾好戲」。

楊證樺一度未能抽離角色

在《超能使者》中飾演高佬的楊證樺演技超班，由痛心打仔到回憶父子溫情畫面，及至毒死兒子後喊到口水鼻涕都流埋，幕幕都讓人痛心。楊證樺亦表示這是入行以來最心痛的角色，並且表示在接到劇本到拍完都未能抽離角色：「當初監製同我講呢個故事時我已經想喊，一埋位就好有感受。因為劇情要親手殺死自己個仔，由接到劇本到拍完個人都Keep住沉醉喺角色入面，好唔開心。」

拍劇期間多辛酸

除此之外，楊證樺透露每次拍攝前都要花至少半小時以噴槍化出「肝病妝」，而且因為顏料太傷皮膚，令他在拍攝期間爆晒瘡。現實中也是好爸爸的楊證樺在接受傳媒訪問時，坦言不敢與兩個仔仔一起收看自己出演的戲份，他表示覺得劇情太淒涼，加上最後要親自毒死劇中兒子，怕看完後不知該如何向兒子們解釋。

可愛童星們搶Fo

在劇中飾演「明仔」的潘墨凌亦獲監製和網民大讚，楊證樺表示明仔非常乖巧，每次都會讀熟劇本、做足功課先到現場。除了明仔之外，飾演楊卓娜女兒「晴晴」的林靖文亦因為日前的爆喊戲引起不少網民的關注，晴晴更在社交平台留言感激監製和一班前輩，非常識做！

超能使者劇透：高佬父子被擄走

第6集《超能使者》講到高佬對打算與明仔以死謝罪感到十分慚愧，向眾人坦告自己患癌命不久矣……唐詩詠等決定為人為到底，輪流保護高佬和明仔，但陳展鵬以家人為由拒絕參與，唐詩詠、陳山聰、林子善感不屑。高佬知道始終紙包不住火，打算盡快離開香港暫避一會。眾人護送高佬父子準備離開，卻被社團人馬找至，以寡敵眾，高佬和明仔遭擄走。堂口大會之中，王君馨卻見高佬出現。另一邊廂，陳展鵬和劉穎鏇發現了明仔的藏參地點，陳展鵬為證明自己不是懦夫，深入敵陣營救……

詳情：6-10集劇情劇透：林子善對劉穎鏇心動 劉佩玥婆媳不和

楊證樺當舞蹈員參加新秀入行

不說不知，楊證樺13歲已經童星入行，又曾當舞蹈員，1996年在美國紐約參加「全球華人新秀歌唱大賽」（同屆冠軍為何韻詩），取得當地冠軍後回流香港，沒有參加香港舉辦的總決賽而直接加入TVB。為甚麼不參賽與何韻詩較量？「我知我輸梗㗎喇，諗諗吓覺得演員條路長啲，咪直接簽TVB藝員約。細個發明星夢先參加歌唱比賽，但歌星好講機遇，有機會當然都想做。」

楊證樺入行前一直當舞蹈員，但有感舞蹈員生涯短暫，做演員卻可以做到老。「Dancer可以跳到幾多歲吖？30幾歲都硬晒啦，就算轉做排舞師都有限，做演員就可以做到80歲，演出範圍亦闊好多，我鍾意做日本人都得呀。」楊證樺在默默耕耘下，終憑2010年無綫劇《巾幗梟雄之義海豪情》的日本人宮崎隊長，獲金牌監製李添勝及觀眾大讚，即使未必講得出真名 楊證樺 ，觀眾都一定認得宮崎隊長。

太太Janice則於2000年底演藝學院畢業入行，兩人合作拍劇無數，早已認識十多年，但從來不過電，直至幾年前timing到，兩人恰巧搬到附近居住，約食飯多見面後終於走在一起，但他們沒有刻意宣揚感情事，所以2015年註冊結婚時，有藝員同事以為他們拍劇，Janice笑說：「嗰日有其他同事嚟觀禮，即刻將啲相擺上facebook，有同事睇到就問拍緊咩劇？我話係真㗎！之前有人問咪講拍緊拖，冇人問就唔會講囉。」

遲來的緣份仍能促成小生命到來，Janice以40歲之齡順產誕下囝囝Eugene，無懼風險，「我一直都有check住唔怕，因為我覺得順產比較好feel、順其自然，媽媽生仔一定痛，女人係要經歷下，而且順產對BB好啲，對媽媽身體恢復都好啲。」

見到個仔就叉足電

兒子轉眼間長大，楊證樺和Janice形容他是一個開心BB，臉上經常掛上笑容，惟他沒有耐性，比較忟憎、心急，Janice說：「佢學行會向前『舂』，因為佢太心急想行，搞到成日仆親。」楊證樺笑稱兒子最喜歡出街，對身邊的事物十分好奇，即使自己忙拍劇又忙於打理餐廳生意，就算多勞累都會陪兒子出街玩。「一見到個仔就好似叉咗電，幾攰都唔記得咗，有時拍完劇返到屋企，個仔話想行街街，我都會帶佢落去行一行。」

演技精湛的楊證樺和Janice，當然有應用在湊仔之上，兒子有隻心愛公仔名叫Stephen，每晚都要攬實睡覺，楊證樺和Janice就利用Stephen與兒子談天哄他入睡，因為兒子對床前故事沒甚興趣，阿Man笑說：「佢係比較自我啲，我哋講故事佢冇咩反應，鍾意自己發掘嘢玩、周圍摸嘢，好似一個工程師。」看着兒子一天一天長大，阿Man猶如看到自己的童年，每日都用心教導他，並學習如何做個好爸爸。「唔可以迫佢做佢唔想做嘅嘢，適當時候都要話佢、要say no，但唔畀佢又會扭計，究竟點樣取得平衡呢？湊仔真係一個好大學問。」

《踩過界》演聾啞夫婦

無論戲份多少，兩人對每個角色也十分認真，一邊湊仔一邊刨劇本。早年為準備拍攝《踩過界》， 飾演失聰人士的楊證樺和聾啞人士Janice，到聾啞中心跟老師學習三堂並拍片記錄，一放工就睇片練習，每日練十個鐘，練足一個月，Janice更需學習手語，壓力非常沉重，她說：「我都係靠死記，每日學少少累積上去，好似砌積木咁砌啲對白。不過同老公一齊拍嘅好處係可以喺屋企對劇本，佢又幫我睇啲手語做得啱唔啱，好彩BB嗰陣唔難湊，練一陣又睇吓佢。」

那段時間兩人更需為兒子的健康奔波，因兒子打完一歲針後發過幾次燒，一次楊證樺為《深宮計》試造型時，收到外母的電話稱兒子發燒，即刻撲返家送他入醫院，經檢查之下證實為扁桃腺發炎，「阿仔需留院兩日，我就全晚陪住佢，放低所有工作。」

雖然兩人不會讓兒子做童星，但長大後就由他自己選擇，楊證樺發覺兒子有遺傳他們的演藝潛質。「有次我帶佢去買鞋仔，佢一聽到舖頭播disco音樂，即刻跟住beat跳舞，可能遺傳咗我。」

楊證樺細仔出世

2016年12月10號布細仔出世。楊證樺、沈可欣選擇在公立醫院生BB，佢哋特別出POST鳴謝醫護人員照顧，阿Man細仔重3.27KG，都算係大碼BB，佢又透露有全程陪產同親手剪臍帶，問到會唔會追多個囡囡，佢話未必會，因為怕太太陀B辛苦，而且見到太太生B好痛佢都好心痛，所以暫時兩個都夠晒數。

楊證樺 沈可欣晒靚靚孕照

雖然已經係第二胎，但是可欣都係第一次影大肚相。本來陀大仔宏志嗰陣，就已經約好日子影相，然而大仔衝閘，提早出世，所以最後就影唔到，當時可欣都好失望，還在產房哭了！

第一胎影不成，到有咗第二胎，證樺都好體貼咁為老婆圓夢，大仔一齊影！十分溫馨！