Eric Kwok否認拍MV唔找數！投訴人刪文潛水環球高層回應拒絕捲入糾紛

Aug 10 2024

8月9日是郭偉亮（Eric Kwok）與葉佩雯（Grace）相識的24週年紀念日。這對夫妻在2011年於香港紅館的舞台上求婚並結婚，成為首對在紅館完成這兩個重要人生大事件的娛圈情侶。在這特別的日子，卻因為做XiX經理人而鬧出不少風波，更被疑似業界人士留言狙擊狠批「識做新聞唔找數」！

夫妻檔共同打理女子組合與團員家長鬧不快

去年，Eric Kwok開始擔任女子組合XiX的經理人，而Grace則復出擔任該組合的形象總監。夫妻倆為了XiX的發展不遺餘力，Eric甚至表示自己忙到沒有時間進行休閒活動。不過在這個重要的紀念日，Grace在社交網站上分享了一段短片，並寫道：「Happy Anniversary 24th！相識24年，今日點都要抽啲時間去慶祝，雖然最近很超忙！好耐冇二人世界拍嚇。我哋決定今餐飯唔傾公事，唔覆電話，好好享受這餐慶祝飯。感恩遇上你，my love，my best friend，依家並肩作戰一齊工作，互相勉勵！」。

郭偉亮 eric 夫妻二人恩愛放閃，在慶祝活動中，Eric為Grace送上了一大束鮮花，並一起享用了日本料理，網民對他們的恩愛表示讚賞，認為他們是圈中的模範夫婦。（圖片來源：EricKwokIG） — 夫妻二人恩愛放閃，在慶祝活動中，Eric為Grace送上了一大束鮮花，並一起享用了日本料理，網民對他們的恩愛表示讚賞，認為他們是圈中的模範夫婦。（圖片來源：EricKwokIG）

郭偉亮 eric XiX最新代言廣告中，被踢走的成員Vici在7月尾的廣告版本中，都有份演出。（圖片來源：廣告截圖） — XiX最新代言廣告中，被踢走的成員Vici在7月尾的廣告版本中，都有份演出。（圖片來源：廣告截圖）

郭偉亮 eric 最新版本都已經將Vici刪除了。（圖片來源：廣告截圖） — 最新版本都已經將Vici刪除了。（圖片來源：廣告截圖）

網民指Eric Kwok現身跟場唔滿意又唔講「拍完出埋先講」?

不過在這重要日子，卻有一位網民於網上鬧爆Eric Kwok，開名怒斥Eric Kwok因唔滿意做出嚟嘅MV成品而唔找數，網民又聲稱，佢哋兩公婆當日跟場乜都唔講，反而「拍完出埋先講」。

投訴人語帶譏諷爆CutBudget 「唔識又要搵錢」

該網民喺網上發文聲稱幫手拍完MV傾好晒詳情但結果不如預期：

「片都出埋，你呢條女都踢走埋，而家同我講唔滿意做咗出嚟嘅嘢所以唔畀錢」

該網民又指「好多錢咩？已經cut咗budget啦。好心你哋兩公婆咪做咁多無謂嘢，要搞女團就plan好，自己唔識又要搵錢你去搵嗰顧問啦」。不少網民建議呢位網民如果有實據不妨立即「報《東張》」。

郭偉亮回應查詢建議對方向導演收錢

郭偉亮回覆傳媒時，強調早已付款給MV導演，對於網民的言論Eric Kwok表示「都唔知發生咩事」，建議對方向統籌的導演收錢，其後XiX所屬唱片公司環球的高層亦回覆傳媒，表示「已將MV費用交給Eric Kwok的公司」，到底有冇找數、錢到了哪裡去？令事件頓變成各有各說法的羅生門，不過經過一日後，投訴人已潛水噤聲，投訴文章消失掉，帳號已轉為Private 。

郭偉亮 eric 網民開名怒轉Eric Kwok夫妻，不過在郭偉亮澄清後，此帖文已經消失掉，投訴者亦「潛水」將帳號轉為Private。（圖片來源：網上截圖） — 網民開名怒轉Eric Kwok夫妻，不過在郭偉亮澄清後，此帖文已經消失掉，投訴者亦「潛水」將帳號轉為Private。（圖片來源：網上截圖）

Eric Kwok大爆Vici莊殷玥家長過份干預

回說 Eric Kwok與團員Vici（莊殷玥）的糾紛，早前在活動記者會上，Eric Kwok 澄清Vici是被踢走而非退團，更大爆主因係佢嘅家人過份干預：「XiX係由15歲，當時係14-16歲（組成），所以好需要家長嘅配合」「無奈嘅就係Vici呢一家人呢，我同我太太都用咗好多時間同好多心機去磨合，但係始終都係磨合唔到」「明白家長係好想參與，好緊張自己個細路，但係好多參與就變咗干預，咁呢個干預就令到大家開始就冇呢個尊重，互相開始唔尊重，亦都開始失去咗信任。」

郭偉亮 eric Eric Kwok早前於XiX活動上未有透露Vici是否退團，只係表示Vici近期將會有一段日子都唔會參與XiX的活動。不過昨日（4日），Eric Kwok就召開「XiX解體重組記者會」，並澄清成員Vici係被踢走而非自己退團。（圖片來源：youtube@tvb娛樂新聞台） — Eric Kwok早前於XiX活動上未有透露Vici是否退團，只係表示Vici近期將會有一段日子都唔會參與XiX的活動。不過昨日（4日），Eric Kwok就召開「XiX解體重組記者會」，並澄清成員Vici係被踢走而非自己退團。（圖片來源：youtube@tvb娛樂新聞台）

郭偉亮 eric XiX當日出席活動被問及Vici退團一事時，大家都封口唔講太多，只表示如果Vici退團成員們都一定會唔開心。（圖片來源：youtube@tvb娛樂新聞台） — XiX當日出席活動被問及Vici退團一事時，大家都封口唔講太多，只表示如果Vici退團成員們都一定會唔開心。（圖片來源：youtube@tvb娛樂新聞台）

Eric Kwok踢走Vici一身輕

Eric Kwok除了大爆無法與Vici的家長磨合外，更呻自己與太太葉佩雯都十分痛苦：「我都痛苦咗好耐，軟硬都試過，令我覺得呢個世界有啲人真係無辦法相處，既然咁辛苦不如分開啦，我覺得佢無咗我會開心啲，正如我無咗佢都開心好多。」Eric Kwok亦坦言顯示有雨過天晴嘅感覺：「就好似個天陰天行雷閃電落好多雨，落咗六七八個月，忽然之間今日晴天個感覺，我終於覺得我哋有運行啦！」

郭偉亮 eric Eric Kwok於記者會上澄清Vici被踢走一事後，更大爆主因係無法與Vici的家人相處，更直斥佢哋干預太多。（圖片來源：youtube@tvb娛樂新聞台） — Eric Kwok於記者會上澄清Vici被踢走一事後，更大爆主因係無法與Vici的家人相處，更直斥佢哋干預太多。（圖片來源：youtube@tvb娛樂新聞台）

郭偉亮 eric Vici早前被傳出退團，日前Eric Kwok就親自澄清係將Vici踢走而非退團。（圖片來源：IG@vici.chong） — Vici早前被傳出退團，日前Eric Kwok就親自澄清係將Vici踢走而非退團。（圖片來源：[email protected]）

郭偉亮 eric Vici現時社交平台仍然顯示係XiX的成員。（圖片來源：IG@vici.chong） — Vici現時社交平台仍然顯示係XiX的成員。（圖片來源：[email protected]）

Vici長文感謝團隊獲家姐留言安慰

Vici昨日（4日），亦在社交平台上發表了感言，並在文中特別感謝Eric Kwok、葉佩雯以及XiX團隊。又表示生命充滿挑戰，自己亦是時候重新學習，未知是否將專注於學業。而Vici的發文亦獲家姐留言安慰：「妹你見到留言有咁多鍾意你嘅人，唔好為一啲討厭你嘅人而放棄，要為嗰啲鍾意你嘅人同自己而努力！你明我講咩啦」「家姐想講我見到你每一分努力，同埋跨過重重難關，我覺得你成熟咗成長咗。當然唔係每條路都順，不過過完呢關啦，依家係level up！」