香港婚後事 陳自瑤爆有人專揀「有婦之夫」埋手！花生十足連胡蓓蔚都追問
單立文勸羅天宇要對婚姻「慢慢揀」
承接上集，豹哥追擊「單身貴族」羅天宇對婚姻有沒有憧憬，天宇坦言：「（展開一段戀情）一定係向住結婚方向，但係慢慢落去好似唔係好順利，或者覺得去唔到嗰度（結婚）嘅，之後會再睇定啲先，但係依家開始年紀大、想有小朋友嘅話，又好似有少少趕。」豹哥即以過來人身份教路：「千祈唔可以急，我差唔多50 歲先結婚，慢慢揀，先揀到一個真係好嘅。」豹嫂聞言插嘴說：「咁我哋決定唔生小朋友嘛，如果佢係想生……」搞鬼的豹哥聞言竟扮愕然謂：「吓？你唔生小朋友㗎？」場面搞笑。
「婚姻係要有忍耐力，忍耐力就係要戰勝你嘅好奇心」
今集分享的真實故事花生指數十足，Winki 說有一對三十多歲的夫婦，結婚數年感情穩定。兩人婚後在家中不時聽到隔籬屋「翻雲覆雨」的聲音，屋主是一名 60多歲的油膩大叔，未幾，即有極震撼的奇遇發生在男事主身上。豹哥聽畢後即婚姻專家上身並分析說：「婚姻耐咗，你會受到啲莫名其妙嘅嘢引誘，之後你會好好奇，好奇就害死貓，好奇心係人類天生本性，婚姻係要有忍耐力，忍耐力就係要戰勝你嘅好奇心，你先維繫到婚姻。」
陳自瑤：有人專揀「有婦之夫」落手！
Yoyo 問到豹哥、豹嫂曾否有過想出軌的時刻？豹哥 Man 爆說：「如果你（結婚時）立咗誓，同佢（另一半）講過我愛你一生一世，如果你做唔到嘅話，你根本就唔係男人，係咪呀？」Yoyo 再講到有人專揀「有婦之夫／有夫之婦」埋手，豹嫂聞言說：「有呢啲人㗎咩？」Yoyo 正色道：「有，好多！」
單立文： 呢啲老公唔要得㗎啦！
豹哥就回應Yoyo，直指呢一類人道德觀念好弱、太有征服感，但作為男方就不可動搖，否則「呢啲老公唔要得㗎啦！」豹嫂就補充表示，控制唔到對方（勾引者）點諗，但自己就一定要控制自己，「因為我哋呢個行業，今時今日行差踏錯就會一筆勾銷 、沒有翻身機會 ！」豹哥繼續以婚姻顧問大拋金句：
婚姻唔係講「我愛你」，而係關乎抵抗誘惑！
陳自瑤分享「後生時」蒲吧史
之後 4 位主持齊齊蒲吧 Happy Hour，並大談昔日蒲吧史！Yoyo 自揭蒲吧次數不多：「同朋友去過幾次，我仲會去跳舞添。」諾懿追問有否艷遇時 Yoyo 直言：「有嘅，會有人行埋嚟話：『你好靚喎。』但係我冇 Show 佢。」其他人再問是否覺得酒吧沒有真愛，Yoyo 即自認傳統：「可以喺酒吧咁樣撩一個女仔，即係慣犯！」講到酒後做錯事，諾懿笑言認識太太李潔瑩的第二天已經大醉，所以太太早已見盡他的醜態，他透露有一次在好友陳敏之生日飯局喝得酩酊大醉，結果李潔瑩做了一個窩心行為，令同場的伍詠薇讚賞不已，諾懿說：「老伍第二日打畀我，佢話呢個女仔得呀！」
想知道更多相關精彩資訊，敬請留意 www.tvb.com 。
