香港小姐2023｜首輪面試佳麗質素參差自信Mode變潛力圖

娛樂

Sundaykiss

Jun 12 2023

《香港小姐2023》今日展開首輪面試，無綫在電視城門口安排傳媒採訪參賽者，各位面試佳麗面都表現大方，除口罩影相，不過一如以往，首輪面試質素參差，想見到高質佳麗似乎都唔容易！

《香港小姐2023》首輪面試佳麗一覽

《香港小姐2023》於6月10日進行首輪面試，今年的參賽者中不乏高質靚女，更有貌似台灣演員宋芸樺相當具冠軍相，另外亦有不少餅印藝人，翻版游嘉欣、翻版舒淇、翻版陳庭欣等。

香港小姐2023｜首輪面試騎呢組代表：

香港小姐2023 面試 18歲Joanna左）同媽媽一齊嚟！ — 18歲Joanna（左）同媽媽一齊嚟，不過就似兩姊妹多啲囉！（圖片來源：youtube@TVB娛樂新聞台）

香港小姐2023 面試呢位好熱情畀心心，不過就... — 呢位好熱情畀心心，不過就…（圖片來源：youtube@TVB娛樂新聞台）

香港小姐2023 面試 Kivi主修中文大學中國研究，後面嘅武器原來係古琴嚟。 — Kivi主修中文大學中國研究，後面嘅武器原來係古琴嚟。（圖片來源：youtube@TVB娛樂新聞台）

香港小姐2023 面試呢位 25歲Hazel 好進取！ — 呢位 25歲Hazel 好進取！（圖片來源：youtube@TVB娛樂新聞台）

香港小姐2023 面試好多北方佳麗參賽，白衫係23歲Cherry來自深圳，在港大讀Master。 — 好多北方佳麗參賽，白衫係23歲Cherry來自深圳，在港大讀Master。（圖片來源：youtube@TVB娛樂新聞台）

香港小姐2023 面試呢位報稱48kg... — 呢位報稱48kg…（圖片來源：youtube@TVB娛樂新聞台）

香港小姐2023｜高質組代表：

香港小姐2023 面試咁多位佳麗之中，佢最有冠軍相！ — 咁多位佳麗之中，21歲莊子璇最有冠軍相！（圖片來源：youtube@TVB娛樂新聞台）

香港小姐2023 面試「山寨舒淇」譚筱白去年都有參加面試。 — 「山寨舒淇」譚筱白去年都有參加面試。（圖片來源：youtube@TVB娛樂新聞台）

香港小姐2023 面試呢位有啲似冠軍港組陳庭欣！ — 20歲Christy有啲似冠軍港組陳庭欣！（圖片來源：youtube@TVB娛樂新聞台）

4位參加者率先睇！翻版舒淇40萬網紅仲有高材生

今屆主題為「Hello Miss Hong Kong」，歡迎17歲至27歲的世界各地佳麗報名參加，不少參加者已經率先在網上公布自己已報名的消息，當中有幾位都是網紅，以下率先帶大家看一下4位參加者！

香港小姐2023 面試香港小姐2023 香港小姐左起為應屆友誼小姐邢慧敏、亞軍暨國際親善小姐許子萱、冠軍林鈺洧、季軍暨最上鏡小姐梁超怡。 — 左起為應屆友誼小姐邢慧敏、亞軍暨國際親善小姐許子萱、冠軍林鈺洧、季軍暨最上鏡小姐梁超怡。（圖片來源：YouTube@TVB娛樂新聞台）

香港小姐2023｜參加者1. 嘿莉

嘿莉在小紅書及微博都擁有超過7萬粉絲，據知她在各大社交平台上擁有的粉絲總共超過40萬，嘿莉積極經營各個社交平台，拍攝的短片以搞笑風格為主，她亦經常做出各種誇張表情，深得網民歡心，她畢業於美國俄亥俄州立大學，現時在香港中文大學修讀碩士課程，她曾經自爆接過有43萬收入的廣告，此外，她亦有創業，擔任移民留學顧問，輕鬆月入有10萬！

香港小姐2023｜參加者2. XIAOBAI

XIAOBAI在小紅書雖然只有一千多名粉絲，樣貌甚具辨識度，有網民指她長得像容祖兒、舒淇及陳凱琳混合體，她本身亦身兼模特兒、演員、主持等多項職業，興趣多多。據知XIAOBAI現時有在香港電台第一台主持《放眼大灣區》環節，此外，她亦有拍攝平面廣告，不時獲邀出席品牌活動等。

香港小姐2023｜參加者3. Cassie蕊蕊子

Cassie蕊蕊子眼大大、皮膚白淨，樣貌很甜美，她畢業於香港大學經濟及工商管理學院，對投資創業甚有研究，她曾於多間內地互聯網公司工作，包括字節跳動（ByteDance）、Tik Tok、亞馬遜(Amazon)等，似乎又再出現一名高學歷、美貌與智慧並重的佳麗！

香港小姐2023｜參加者4. Leonoraccc陳達爾

Leonoraccc陳達爾畢業於香港中文大學歷史系，她自爆一直有個女團夢，曾經報名參加選秀比賽，希望可以出道。

《2023香港小姐競選》招募片以「美麗的準則」為主題

今屆香港小姐的招募影片以「美麗的準則」為主題，講述：「唔同年代嘅女性，都有同一個疑問，『美麗嘅準則』係咩？要好似趙飛燕咁輕盈？抑或楊貴妃咁珠圓玉潤？唔同人、唔同種族，對咩叫靚都有唔同嘅睇法，但如果『美麗嘅準則』係一條方程式，擁有黃金比例係咪就等同最完美，人靠衣裝係咪就會變成藝術品？其實，做人點解要畀咁多社會標準框住？」最後影片總結：「只要有自信，『美麗嘅準則』咪就係你囉！」