黃宗澤扮女人合集！變索妹4個造型行街食雪條 網民笑言：似蔣雅文

黃宗澤AI濾鏡惡搞變索妹食雪條 網民大叫：拳頭硬晒

日前網上瘋傳一條短片，片中有位貌似黃宗澤的索妹打扮好幾個不同造型遊走在街上，仲吃著雪條表情挑逗。相信都只是AI濾鏡而已，但畫面相當搞笑，引得一班網民哭笑不得，有人留言：「睇到硬晒，拳頭」、「澤囝嚟」、「邊到似女人」、「臨瞓前俾我睇啲咁嘅嘢！」、「似蔣雅文」，更有網民暗示似葉璇：「成隻葉船咁」。

黃宗澤晒肌照被惡搞

黃宗澤(Bosco)出晒名係肌肉猛男，高大又靚仔，喺劇集《飛虎之潛行極戰》飾演飛虎隊成員，大騷健碩肌肉！點知晒肌一幕被網民瘋狂惡搞，幫佢配上唔同女裝打扮，瑪麗蓮夢露都出埋！Bosco自己都留言話笑到流眼水！

唔知係咪黃宗澤都覺得都自己扮女人幾好睇，日前佢喺社交網嚟一個晒冷，一次過貼晒自己過往的扮女人造型，留言問網民：「上一次問的係軍裝，今次問係女裝！多年來我穿過的女裝，你哋最喜歡哪一套？」見到套緊身皮衣同粉紅女僕裝，真係不得了…

之後仲有兩張扮AV封面的電影海報，見到黃宗澤一臉鬚根，扮到好性感的嘴張開，其實似乎佢對易服一啲都唔抗拒！唔知將來仲有機會睇佢扮女人演出呢？