黎彼得做YouTuber直斥周星馳「唔係好人」 仲爆古天樂拍劇唔見人
黎彼得 揭星爺食飯永冇埋單
現年72歲的黎彼得去年已完約離巢TVB,近日他主持YouTube節目《玖噏秘笈》,大爆不少自己在圈中的經歷,亦提及不少同圈中朋友的趣事,其中一集「名人飯局」,就講到他同星爺達哥食飯,試過一餐飯便食了近2萬港元,最後由達哥負責埋單,他說:「仲使講?周星馳點會埋單!」但他補充指兩人可能私下會計返條數。
![黎彼得 周星馳 黎彼得主持的節目《玖噏秘笈》逢星期四晚上播出。(圖片來源:YouTube@環星音樂 / 環星娛樂 WSM Music HK)](https://imgs.orientalsunday.hk/wp-content/uploads/2024/08/01_209008036466bc7d252f0b4-1024x573.jpg)
與星爺同枱食飯各自修行
之後黎彼得接受傳媒訪問,再提及同星爺達哥的飯局,他直言和星爺是同枱食飯各自修行,從來都冇偈傾,而且次次都係由達哥埋單。他又直言星爺「好cool、好mean睇唔起人,絕唔係好人」,不過他亦不當對方是「周星馳」,所以星爺不敢對他「憞起個款」,只是無視他。
![黎彼得 周星馳 1993年,黎彼得在電影《唐伯虎點秋香》中飾演滿身紋身的華府老師,最令人印象深刻。(圖片來源:《唐伯虎點秋香》截圖)](https://imgs.orientalsunday.hk/wp-content/uploads/2024/08/02a_213577910866bc7e0177046-1024x1024.jpg)
同星爺合作過5部電影
黎彼得哥坦言自己都幾十歲,星爺都冇角色可以給他做,所以兩人冇可能再合作。睇翻以往黎彼曾被封為「周星馳御用配角」之一,但原來只同星爺合作過5部電影,包括:
1990《望夫成龍》黎先生
1991《逃學威龍》王Sir
1992《武狀元蘇乞兒》考官
1993《唐伯虎點秋香》華府老師西賓
1994《破壞之王》冰室食客
網民嘲:星爺唔同佢講嘢就衰人
有網民不滿星爺經常被消費:「周星星唔係好人呢個話題講足廿年」、「唔消費周係咪無新聞出?」、「呢排做咩起勢攻星爺?」、「都幾廿歲人仲消費周星馳嚟make attention」、「個個都出嚟消費周星馳,我睇佢做戲要知佢咩人品?」
亦有網民批評黎彼得指星爺「唔係好人」的說法:「人哋返工你當識朋友,唔同你傾計就一律當衰人」、「一定要同你有話題架咩,唔同你有話題就睇你唔起咩」、「而家返工定傾計」、「人哋唔想同佢講嘢就話唔係好人」、「喺佢心目中,大劉送錢畀佢咪好人囉,星爺唔同佢講嘢就衰人」等。
爆古天樂常請病假唔見影
此外,黎彼得又指同古天樂拍TVB劇《尋秦記》時,雖然古仔零架子,但兩人唔知點解都係冇乜話題。他更爆料指當日開工,古仔經常請病假唔見影,即使兩人有對手戲都要各有各拍,他表示:「咁佢有醫生紙,唯有跳拍佢啲戲再剪返去。」
即睇黎彼得講名人飯局:同星爺達哥食飯邊個埋單?
相關文章:王晶再爆與周星馳決裂內幕 《千王之王2000》設陷阱當面鬧爆星爺!
黎彼得 曾為許冠傑寫《浪子心聲》
黎彼得年幼喪父家貧輟學,對中文有濃厚興趣的他半工讀苦學,又因參加徵文比賽而有機會在報章寫專欄,及後輾轉經朋友介紹與許冠傑合作寫歌詞,經典詞作包括《打雀英雄傳》、《浪子心聲》、《世事如棋》、《財神到》、《尖沙咀Susie》、《賣身契》等,其創作的作品雅俗共賞,不少流行至今。
![黎彼得 周星馳 黎彼得曾為許冠傑不少經典廣東作品填詞。(圖片來源:YouTube@big big channel)](https://imgs.orientalsunday.hk/wp-content/uploads/2022/02/03_42295121562132ede40019-1024x679.jpg)
黎彼得獲「鬼馬填詞人」稱號
80年代黎彼得又為張國榮填過《Monica》、梅艷芳《將冰山劈開》等都成為經典廣東歌,而他與許冠傑合作填詞的作品更是多不勝數,至今填詞量逾200首。被冠以「鬼馬填詞人」的稱號。一代詞人作品雅俗共賞,連男神黃子華都對黎彼得的才華讚不絕口。08年,黎彼得更獲頒CASH頒獎音樂成就大獎,表揚他對樂壇的貢獻。
![黎彼得 周星馳 (圖片來源:《Monica》MV截圖)](https://imgs.orientalsunday.hk/wp-content/uploads/2022/02/-2022-02-21-3.18.30_80623689562133da8e92c3.png)
同發哥好老友
發哥周潤發90年代曾經出過唱片,佢首《12分十分吋》曾經紅極一時,仲攞過音樂獎項,呢隻歌就係Peter(黎彼得)同Paco(黃柏高)一齊做策劃,所以佢同Peter咁多年嚟都keep住聯絡,一得閒就會約埋出嚟傾偈敍舊!
![黎彼得 周星馳 黎彼得同發哥好老友,兩人不時相約敍舊。(圖片來源:新傳媒照片庫)](https://imgs.orientalsunday.hk/wp-content/uploads/2019/03/nhv4dxh3MJN7gxp/e9952859d9efc5f9c9d5c8d6f2ce99b0_2322384765c9cab4532692.jpg)
即睇【大台寶藏】鬼馬黎彼得以「低」取勝:
黎彼有「鬼馬填詞人」稱號。