CHILL CLUB頒獎禮 9 大焦點！姜濤MC首度同台、Serrini爆冷奪女歌手！
1. MC、姜濤同奪「大數據至尊歌手」首度同台
今年大會新增設MOOV 音樂平台最受觀眾喜愛嘅歌手 （排名不分先後），三位得獎者是張敬軒（由Thor 代領）、MC 張天賦及姜濤，姜濤上台領獎時主動提起自己與MC是首度同台，台上直言有點 「不知所措」，而MC就笑得十分開懷。
2. 年度女歌手Serrini自爆拍完ViuTV綜藝「釣到個獎」
今年壓軸男女歌手獎分別由Anson Lo和 Serrini奪得，當中以女歌手獎項賽果算是爆冷，擊敗了大熱的GinLee和陳蕾，連得獎者Serrini也大感驚喜，她在台上提到想不到自己為ViuTV演出了《漁樂無窮 》這個節目後就「釣到個獎」，她預算得獎難免引起爭議，在台上向觀眾說「要鬧鬧我啦！」
3.一開場音響就現問題 最穩係Jay Fung？網民：JF又驗音響
CHILL CLUB頒獎典禮2024開場就搵嚟一班歌手齊齊獻唱表演，當Ian帶來《抱抱無尾熊》的演出時，似乎遇到了耳機故障，一度摘下耳機調整。而且不少歌手都有所失準，就連MC都有走音情況出現，令網民質疑是否音響出現問題「亞博音響真的差，好弱」「音響係咪有問題」但似乎一到馮允謙 Jay Fung出場時，網民就表示「JF又驗音響」「證明音響無問題」「JF真係好穩」
2. 低胸男歌手Tyson Yoshi VS 周殷廷!
CHILL CLUB頒獎典禮造型方面男歌手似乎更吸晴例如Tyson Yoshi（程浚彥）以及周殷廷！Tyson Yoshi（程浚彥） 一向都出名大隻，早前出席叱咤頒獎禮時，因低胸成「黃金畫面」。今次Tyson去CHILL CLUB頒獎典禮都非常大方，再次大v低胸裝出席，令不少網民再次尖叫！
周殷廷YT以一貫西裝造型出席非常帥氣，恤衫扣少2粒鈕，胸肌若隱若現！
3. 湯令山Gareth. T 造型引網民熱議
湯令山Gareth. T以一身白色背心搭配黑色背囊亮相，加上湯令山上台拎獎時只簡直說了一句「多謝大家」，引起了網民的熱烈討論，有的認為Gareth. T幾型，又的認為Gareth. T太寸穿搭太hea。
4. Stanley邱士縉奪男新人獎、Nancy Kwai 歸綽嶢爆擊敗Marf
今年的CHILL CLUB頒獎禮2024，Anson Lo盧瀚霆先拔頭籌憑藉《浪漫殺死巨蟹座》一曲，榮獲「年度流行歌曲」殊榮，Anson Lo表示「我好鍾情就咁棟喺度唱歌嘅人嚟」。而Chill Club年度新人男歌手就由MIRROR成員Stanley邱士縉奪得，Stanley在奪獎時他特別感謝Tiger，並表示獎項對他意義重大。他承諾如果未來有機會推出個人作品，一定會全力以赴。其他MIRROR成員都非常戥大表哥開心，姜濤更用手機記錄這一刻。
至於女新人獎則由華納女歌手Nancy Kwai 歸綽嶢得獎，擊敗了「親生女」Marf。
5.表演環節鋼琴手勁吸晴 IG: joyce_cheung_pno
CHILL CLUB頒獎典禮2024頒發完「搖滾歌曲」獎後再有表演環節，而當時彈鋼琴的琴手非常吸晴，唔少網民都表示想知琴手係邊個，原來係Joyce Cheung 張貝芝！張貝芝自少就接受古典音樂訓練，16歲已經考獲英國皇家音樂學院的鋼琴文憑以及英國聖三一音樂學院的大提琴文憑，超厲害！
6.最「震撼」版《愛情當入樽》網民：有字幕都聽唔明
頒發完「跳唱歌曲」後，第三部演出以重金屬音樂為主，名為「Screaming In The Unverise」，邀請了FIESTER、Instinct of Sight、凡枯、Maniac及Marf邱彥筒等樂隊參與。第一位出場的女子樂隊FIESTER翻唱了Twins的《愛情當入樽》，震撼網民表示原來《愛情當入樽》可以唱成咁有「金屬感」，而且她們版本卻引來網民的洗版式批評，紛紛留言表示「Twins原來已經唱得好好」。
第三位出場的凡枯唱出《樂極忘形》，網民更都感慨唔多識欣賞，睇埋字幕都唔知佢唱緊咩「唔識欣賞」「佢點樣做到 我睇字幕都唔知佢唱緊咩」「睇住字幕都唔知佢唱到邊」「大型驅魔現場」
網民大讚CHILL CLUB包容不同音樂不同聲音
亦有唔少觀眾大讚CHILL CLUB今次的安排，展示香港多元化的音樂以及令觀眾欣賞更多不同的音樂表演「《Chill Club 》有一樣好便是包容不同音樂不同聲音」「最欣賞CHILL CLUB比好多機會知名度唔高的人上節目同上台玩」，有網民更表示「香港觀眾好低質」「井底之蛙」
7. Tyson Yoshi代林家謙領獎爆金句：「唔係我勁、係佢哋廢」！
林家謙獲「Chill Club年度創作歌手」獎時因未能出席，改由好友Tyson Yoshi代領。一開始Tyson Yoshi明顯不知情，上台尷尬表示「林家謙搵啲咁嘅嘢搞呀」不知說什麼好的Tyson突然指「我而家講咩係咪都入佢數架啦」然後爆出一句「佢話，唔係佢勁，係你哋廢」全場爆笑！
其後好友Serrini又被邀請上埋台笑言「我係比佢（林家謙）好啲的創作人」台下Tyson以及肥仔拍手大笑。Serrini立刻把握機會，以自己的廣告時間來大力推銷自己。Serrini宣布將不再為林家謙創作歌曲，而是轉而為其他以「J」字開頭的男歌手提筆，如Jer柳應廷、Jeremy李駿傑等，並半開玩笑地說今天出席頒獎禮的目的是為了「搲擄」。網民都留言成晚最好睇係佢哋。
