許廷鏗爆TVB對歌手好刻薄 靠「廚餘資源」出歌 被問幾時出櫃霸氣5字回應

許廷鏗談TVB：啲觀眾唔知我做緊乜

現年34歲的許廷鏗在2017年與TVB約滿，後來加盟的香港華納唱片於2021年約滿，沉寂一段時間後，在上月初他宣布創立個人唱片公司「自許紀錄」。日前擔任「FHProductionHK」的單元「熊館」嘉賓時講述自己離開TVB的感受，許廷鏗透露和TVB滿約後加盟唱片公司是因為「喺電視台做歌手好奇怪」，同時表達了自己在電視台擔任歌手，令到他的歌風很混亂。

電視台歌手無方向

他說：「TVB後期有時就係我自己想做，有時就係啲劇集嘅片尾曲，啲觀眾唔知我做緊乜。」表示了在電視台做歌手沒有一個方向、定位，導致自己甚至是觀眾不知自己的發展，從而坦白了自己離開TVB的主要原因。

TVB對歌手好刻薄？

後來談到出唱片的資金時，許廷鏗指：「我做緊大碟嗰啲錢，係因為劇集用剩啲錢先可以做碟。原來要喺一啲肥水流田之後濕腳嘅位，我先可以用嚟做自己想做嘅音樂，跟住我就覺得唔得啦，我真係想做音樂。」

自己開公司更敢言？

許廷鏗自己成立公司後，離開了以前的種種約束後似乎變得更加敢言。在FHProductionHK ig發佈的一段短片中，有一個網民的留言引起了許廷鏗親自回覆，該名網民問許廷鏗：「後庭鏗幾時出櫃。」充滿挑釁意味，一般歌手都會選擇不回覆，但許廷鏗卻高EQ回應該網民「關唔關你事」再加上一個笑到落淚的表情，可見他對於任何話題都不再被規矩限制了自己的感受了吧。

有網友讚賞熊館的製作： 「每個明星上黎都睇到佢地心底想講既野，呢一點熊館做得好！」、「熊仔好sensitive 好適合做主持 會感受到嘉賓情緒 又會用自己的幽默適當咁處理到嘉賓的情緒 好好睇」

21歲參加歌唱比賽入行 又係森美做主持

許廷鏗於2009年參加無綫電視（TVB）歌唱選秀節目《超級巨聲》，奪「最強人氣獎」，繼而成為無綫合約藝員曾獲力捧。2017年5月，許廷鏗離巢過檔香港華納唱片，並於2021年約滿。2021年10月4日，許廷鏗宣佈創立個人唱片公司「自許紀錄」。

許廷鏗暗示與胡鴻鈞「情已逝」：原本覺得做到一世朋友

許廷鏗（Alfred）今年6月推出首張自資黑膠唱片《2021》，宣傳其間其實真係「乜都敢講」，早前接受TVB娛樂新聞台《StarTalk》訪問時，提及當初離開華納是「被分手」，更暗示與胡鴻鈞友情不再，直言：
「產生誤會嘅機會高好多，原本覺得做到一世朋友嘅人，當唔係日日見，就發現冇想像中咁鞏固。」

許廷鏗離開華納原來係「被分手」

許廷鏗自組公司再自資出碟，早在2015年時已有自組公司的想法，經歷過星夢及華納的磨練後，儲夠子彈同經驗決定跳老闆。他坦言2021年對他來說變化很大，年頭奪得男歌手金獎後，本身打算與華納商討新碟發展方向，豈料在毫無預兆之下，就要分道揚鑣，簡單說就是「被分手」。自此他逼著重新計劃自己的事業，慶幸與華納仍然保持友好關係，希望可以做到和而不同。許廷鏗自組公召再自資出碟，與華納被分手之後，要重新計劃自己的發展。

許廷鏗暗示同胡鴻鈞反面：原本覺得做到一世朋友

許廷鏗在訪問中自爆，疫情期間與朋友少見面，產生誤會的機會大增，有些朋友此情不再，似乎意有所指在談論與胡鴻鈞的關係。他說：「受疫情影響人與人之間少見面，產生誤會嘅機會高好多。我身邊有啲關係起咗變化，以為原本覺得做到一世朋友嘅人，當你唔係日日見，就發現冇你想像中咁鞏固。」

他又說過往工作上認識的同事還不能稱上「朋友」，他慨嘆：「好殘忍，有啲同事成日見，自己覺得係好認識佢，但係當唔需要見嘅時候，你同佢唔會有好多共同話題。當疫情大家要喺自己屋企嘅時候，發現我真係想搵嗰個，未必係日日見嗰個。有啲人反而唔需要日日見，反而喺嗰陣時好想同佢傾計。所以疫情之下，某程度上得到嘅多過失去嘅，雖然有啲以為好穩固嘅關係失去咗，但同時亦都搵到邊啲先係我好想去好好經營同鞏固嘅關係。」

胡鴻鈞撻著蔡思貝後疑與許廷鏗反面

胡鴻鈞與蔡思貝2年傳出撻著，隨後就同許廷鏗冇friend做，當時許廷鏗宣傳新歌接受訪問時，親口承認與胡鴻鈞絕少聯絡，連對方快有新劇推出也不知情，可見親密關係已不再。提到胡鴻鈞每年例必與他慶祝生日，許廷鏗表示仍未有對方的消息，他更抵死自嘲是「讀者」，也期望胡鴻鈞能給他一個說法，不要令他蒙在鼓裡。他又說自己有主動聯絡胡鴻鈞，但對方音訊全無，更表明不認識與胡鴻鈞傳緋聞的蔡思貝！

而胡鴻鈞當時亦有回應與許廷鏗的關係：

「過咗去嘅嘢唔好提，我哋向前望，我有聽佢新歌，我依家都忙預備新歌，我請好多人食檸檬㗎，又畀好多人請食檸檬。（你同許廷鏗好耐冇見？）我同好多朋友都好耐冇見。」

即重溫許廷鏗點講！