RubberBand代泥鯭反思致歉｜批評姜濤觸發公關災難兩面不討好

Q: RubberBand發文道歉講咩？

RubberBand發文為批評姜濤致歉：浪費了公共媒體資源...即看： 道歉全文

May 11 2023

《CHILL CLUB頒獎典禮》已圓滿告一段落，不過場外花生仍多羅羅！話說MIRROR成員姜濤在《CHILL CLUB頒獎典禮2023》奪得男歌手銀獎，台上逐一向11位成員「示愛」，感動全場，當晚MIRROR橫掃多個獎項，成大贏家。有指，當晚缺席頒獎禮的樂隊RubberBand鼓手泥鯭（黎萬華）原來人不到卻mon住電視，連環出po疑似嘲諷MIRROR及各成員。今天(10日）晚上，RubberBand在IG發文道歉。

RubberBand發文為批評姜濤致歉：浪費了公共媒體資源

「對於隊友近日失言而引起的風波，我們感到非常抱歉。經過隊友間反覆討論，今次事件確實得到一場反思，在仍然堅信社會應要存在自由的言論空間的同時，我們亦深明表達手法、尊重不同聲音的重要性。對於是次事件引起之擾攘爭持，還有浪費了公共媒體資源，我們希望藉此向各受牽連單位及人士致歉。」

rubberband 泥鯭姜濤泥鯭 RubberBand在IG發文道歉 — RubberBand在IG發文道歉（圖片來源：IG＠RubberBand）

rubberband 泥鯭泥鯭 rubberband Chill Club 奪銀獎的姜濤亦在台上逐一感謝MIRROR 11位成員。 — 奪銀獎的姜濤亦在台上逐一感謝MIRROR 11位成員。（圖片來源：ViuTV截圖）

網民批評：表達意見又何需道歉

對於今次道歉，不少網民紛紛表示：「表達意見又何需道歉」、「尊重你地決定，btw你地冇做錯到」、「多元化社會唔係要接納唔同意見咩？」、又強調「RubberBand一直係無變過！」

rubberband 泥鯭泥鯭姜濤 — （圖片來源：IG＠RubberBand）

RubberBand缺席CHILL CLUB頒獎禮

RubberBand獲《CHILL CLUB頒獎典禮2023》的樂隊銀獎，不過未有出席，由主音6號拍片道謝，表示「多做音樂少做無謂嘢」。泥鯭在FB出po撐隊友：「唱好啲歌先做啲小動作啦，＃全晚最啱聽嘅評語」。

rubberband 泥鯭姜濤泥鯭 RubberBand雖缺席頒獎禮，仍獲頒樂隊銀獎，金獎是Dear Jane，銅獎是ToNick。 — RubberBand雖缺席頒獎禮，仍獲頒樂隊銀獎，金獎是Dear Jane，銅獎是ToNick。（圖片來源：FB＠RubberBand）

泥鯭寸姜濤：修哥都講唔出啦！

當晚泥鯭連環出po：「多謝說話定係『鼓勵』說話？！WTX？！係咪short X咗？！修哥都講唔出啦」，「嘩，頒唔尷尬，攞唔尷尬，唯有睇嘅尷尬」、「又一個大台誕生」、「依家諗返當年亞太區最受歡迎男歌手真係’”實至名歸”」、「下屆叱咜司儀會點玩呢段感言？」

rubberband 泥鯭泥鯭寸姜濤「唱好啲歌先做呢啲小動作」 — 泥鯭寸姜濤「唱好啲歌先做呢啲小動作」（圖片來源：MW Lai）

泥鯭 rubberband 泥鯭姜濤當晚表演環節，掀起全場氣氛，更獲讚修身成功。 — 姜濤當晚表演環節，掀起全場氣氛，更獲讚修身成功。（圖片來源：影片截圖）

泥鯭 rubberband 泥鯭姜濤上台講感言時，隊友們十分驚喜，反應各異！ — 姜濤上台講感言時，隊友們十分驚喜，反應各異！（圖片來源：大會提供）

泥鯭連環出po狂寸姜濤被指「恰細路」

泥鯭連環出po疑似暗寸大會偏私MIRROR，疑似寸爆姜濤獲男歌手銀獎時的感言，又疑似嘲諷男歌手金獎Anson Lo，狠批「又一個大台誕生」，「歌迷會夾份請個寫手同看護畀佢啦」、「建議先做言語治療」，泥鯭再抵死留言：「我想喺度嘥大家小小時間，我要借呢個機會去多謝我隊友」。

網民起罵戰：留言同揀女人一樣無腦

泥鯭的社交網突然變得很熱鬧，有網民洗版為MIRROR護航，「身為前輩講呢啲，抵你無運行」、「你哋以為自己喺樂壇大哥？無品！」、「留言同揀女人一樣無腦，要黃心穎」。

rubberband 泥鯭姜濤泥鯭 rubberband 黃心穎泥鯭黃心穎似乎收起副「姣婆格」，從良做好女友… — 黃心穎亦中槍。（圖片來源：IG@jacquelinebwong）

網民再指：「雖然你哋一把年紀，不過仲有時間努力嘅，唔好再妒忌人啦」。泥鯭粉絲起罵戰：「唔啱睇就過主，做乜要去人哋FB度吠？」、該網民反擊：「就因為你無品到隔離都知，擾民！」泥鯭粉絲即反駁：「講擾民真係無人及你哋班姜嬸，塞住個銅鑼灣搞亂交通」，該網民再回罵：「咁呢啲控制唔到，得人心藝人先可以有咁嘅場面，真係前無古人」，泥鯭粉絲炮轟：「你死返去MIRROR嗰邊求存在感啦！你哋鍾意喺紅館點玩都得，但唔好搞亂銅鑼灣囉！」