真實評鑑｜Aveeno嬰兒沐浴洗髮露+成人燕麥沐浴露用後感

Mar 26 2024

香港除了天氣反覆無常，室內外溫差亦相當大，長久而言容易令皮膚屏障脆弱，導致乾燥痕癢、泛紅過敏，不僅大人叫苦連天，就連小朋友都「深受其害」。想加強皮膚防禦力，保持白滑肌膚，便要選用成分天然又富有保濕效用的沐浴露了～著名的天然燕麥護膚品牌Aveeno是不少人的首選，其採用天然成分+科學研製而成，有效增強肌膚天然屏障及護膚保濕。今次Sunday Kiss便邀請我們的30位親評專員，連同編輯為我們實測一下，及分享她們的真實用後感！

天然燕麥護膚品牌 Aveeno全面保護敏感肌膚

作為天然燕麥護膚品牌的Aveeno，向來以天然純淨成分及創新科技，萃取出燕麥活萃，打造一系列高質產品，不僅無添加防腐劑並經過皮膚敏感測試，能助肌膚恢復平衡、強化天然屏障並舒緩乾燥不適，任何膚質都適用。Aveeno除了致力於守護肌膚健康外，亦非常注重地球的保護，採用再生塑膠料製成瓶身，進行道德採購與耕種，並堅決反對動物實驗。其中Aveeno® Daily Moisturizing成人燕麥沐浴露和Aveeno Baby® Daily Moisture嬰兒天然燕麥沐浴洗髮露，更是深受大家歡迎：

Aveeno® Daily Moisturizing成人燕麥沐浴露

全港銷量No.1*敏感肌沐浴露品牌
採用北美食品級非基因改造的天然燕麥
潔膚同時舒緩乾敏狀況
無添加皂、色素及Paraben防腐劑等致敏成分

Aveeno Baby® Daily Moisture嬰兒天然燕麥沐浴洗髮露

美國兒科醫生No.1推薦品牌^及全港銷量No.1*敏感肌沐浴露品牌
寶寶的沐浴露首選，初生BＢ都岩用
蘊含可平衡肌膚微生態的天然益生元燕麥
特別添加天然精油和滋養成分
低敏性且不澀眼，不含色素、皂及Paraben防腐劑等成分

^根據IQVIA於2023年執行的兒科醫生調查結果，AVEENO是美國開架產品中嬰兒清潔及嬰兒乳液類別排名第一的兒科醫生推薦產品

編輯專評｜實測Aveeno成人燕麥沐浴露真實用後感

Laundy

沖完涼就冇咗個種好乾、緊繃嘅感覺！Aveeno成人燕麥沐浴露真係可以做到潔膚同時舒緩皮膚乾敏嘅狀況！而且配方無添加皂、色素及Paraben防腐劑等致敏成分，作為敏感肌嘅我用起嚟就更放心啦～重點係用完Aveeno燕麥沐浴露沖涼過咗好多個鐘後，都依然feel到皮膚充滿滋潤感，簡直一試愛上！

Sunday Kiss邀請了30位親評專員分享真實試用效果，到底他們對Aveeno沐浴露+洗髮露分別的評分是怎樣呢？

以上的評分是30位親評專員試用Aveeno 天然燕麥沐浴露 + Aveeno Baby 嬰兒天然燕麥沐浴洗髮露後，根據特定評分準則而得出分數結果。

Winbe

最近嘅天氣成日忽冷忽熱，皮膚搞到勁乾燥，我自己非常注重皮膚嘅濕度同埋滋潤度，所以會揀一啲特別滋潤嘅沐浴露。我對於Aveeno絕對有信心，之前已經用過超級多佢哋嘅沐浴露，沖完涼皮膚都唔會特別乾，就算唔搽body lotion都冇問題。同埋最欣賞佢哋成份天然，所以對於好驚Chemical嘅朋友，就唔需要擔心。我亦俾自己嘅初生BB用Aveeno Baby 嬰兒天然燕麥沐浴洗髮露，佢採用天然燕麥，可以溫和清潔BB嘅肌膚，唔洗驚BB沖完涼會皮膚乾燥。

Sophie

我由細到大都係敏感性皮膚，一轉天氣或者潮濕啲皮膚都極易敏感，又紅腫又痕。今次試用Aveeno成人天然燕麥沐浴露，聞落有淡淡燕麥清香，質地好易推開起泡，唔洗捽咁多次而導致過度摩擦皮膚，感覺好溫和唔刺激。沖完涼都唔會覺得「痴笠笠」，反而好潤唔乾燥，就算我咁敏感嘅皮膚都覺得好舒服，皮膚過咁成晚都依然覺得好滋潤同有彈性。

Atlas好明顯都遺傳咗我嘅敏感肌，超易起粒粒，加上初生寶寶嘅肌膚好薄，要幫佢揀一隻啱用嘅沐浴液真係好難！見到Aveeno嬰兒天然燕麥沐浴洗髮露係採用北美食品級非基因改造嘅天然燕麥，不含色素、皂、Paraben防腐劑、石蠟油及矽，成分咁天然我就放心好多！之前佢手多多「R」紅嘅位置都舒緩咗唔少，性價比好高！

Wen

波兒同我都係敏感乾燥肌，如果天氣好乾嘅時候，媽咪嘅皮膚直程會裂開，皮膚狀態亦唔穩定，但用咗Aveeno成人天然燕麥沐浴露後，沖完涼明顯唔再皮膚痕，同時唔會油笠笠，清爽得嚟又保濕，我波兒都試用嬰Aveeno Baby 嬰兒天然燕麥沐浴洗髮露，成分天然之餘質地好水潤，低敏性同不澀眼配方用落都好放心。

Baby Zedric

沐浴露最怕好大陣香料味，擔心多添加劑，但今次試用嘅Aveeno 成人天然燕麥沐浴露、Aveeno Baby 嬰兒天然燕麥沐浴洗髮露，兩隻都有淡淡清香，聞落好舒服，而且質地絲滑、容易起泡。Zedric研究過發現兩款產品成份簡單，bb同敏感肌人士都可以安心使用，例如Zedric爸嘅皮膚就係敏感肌，訓醒、轉天氣、沖完涼都容易乾燥繃緊、今次用呢隻Aveeno 成人天然燕麥沐浴露，Zedric爸話皮膚洗完乾淨又舒服，而且完全冇繃緊。Zedric都好滿意Aveeno Baby 嬰兒天然燕麥沐浴洗髮露，細細枝佢都可以自己拎住吱，唔澀眼配方玩幾耐泡泡都唔驚，隨時隨地Happy bathing time together

otis_tamjai

香港嘅天氣成日變，令到一家大細嘅皮膚都好難適應，為咗增加皮膚天然屏障，令肌膚達致平衡有活力，經介紹下就試用Aveeno 成人天然燕麥沐浴露同Aveeno Baby 嬰兒天然燕麥沐浴洗髮露，用完之後皮膚乾燥痕癢嘅情況真係改善咗好多，唔單止更柔嫩光滑，仲帶有淡淡清香～Aveeno更分別配有大人同嬰兒配方，真係好貼心，幫我哋一家帶走乾燥敏感肌，守護好每一寸肌膚。

Yin Ting

我哋用咗一排之後，皮膚乾敏嘅情況好咗好多，特別鍾意佢淡淡嘅香味，感覺好自然清新，之前女女夜晚瞓覺會不自覺咁四圍搲，搲到背脊/手臂位置都損晒，用咗Aveeno Baby 沐浴洗髮露之後呢個問題已經解決咗。以前沖完涼皮膚依然會好乾燥同好痕，就算搽潤膚膏亦都解決唔到呢個問題。宜家轉用咗Aveeno之後，無論大人定小朋友嘅皮膚亦都慢慢變得水嫩，乾燥痕癢全部bye bye～

Kit Yee

Aveeno成人天然燕麥沐浴靈同Aveeno Baby 嬰兒天然燕麥沐浴洗髮露都十分滋潤到我同小朋友嘅肌膚。我地嘅皮膚好易乾燥，試過用其他品牌嘅成人或者嬰幼兒沐浴產品，用完之後都係覺得好乾，甚至出現龜裂，自從試用咗呢兩款Aveeno沐浴露約一星期後，明顯感覺沖完涼肌膚無咁乾，少咗裂紋，變得水潤健康，我同小朋友都好鍾意。

Sung Yan

用咗Aveeno 成人天然燕麥沐浴露潔膚之後，明顯感覺到皮膚獲得清潔嘅同時飲飽水，感覺到皮膚表層慢慢形成保護膜，乾燥敏感情況改善咗好多！另外，囡囡好動活潑，經常玩到成身汗，所以每日都同佢用Aveeno Baby 嬰兒天然燕麥沐浴洗髮露沖涼，不澀眼配方、親膚低敏，對乾燥嘅肌膚具有天然強化同舒緩作用，為缺水皮膚補充水分。加上佢配方溫和，無添加色素、皂、Paraben防腐劑，即使夏季一日沖幾次涼，都唔驚對肌膚做成任何刺激～

Pik Yan

彤媽同彤彤皮膚本身都係偏乾，冬天有時沖完涼出嚟皮膚好快就又乾又紅，彤彤仲會因為皮膚太乾而不停搲痕，搞到成身損晒。而妹妹早排心口皮膚敏感搞到又紅又起粒粒，彤媽而家轉咗用Aveeno成人天然燕麥沐浴露沖涼，用咗一排皮膚乾燥嘅問題舒緩咗，仲慢慢回復水潤光澤，保濕效果令人驚豔。而兩姊妹就轉咗用Aveeno Baby嬰兒天然燕麥沐浴洗髮露，呢隻沐浴洗髮露係天然無添加防腐劑，配方融入咗能夠舒緩肌膚嘅天然燕麥，仲特別加入天然精油同滋養成分，用嘅時候會有淡淡嘅燕麥香，泡沫質地亦好幼滑，妹妹用咗一排心口無咁紅同埋啲粒粒都開始退啦。

Suet Kuen

由於本人天生係嚴重敏感肌膚，容易受到天氣轉變或外界污染，而引致敏感、泛紅、痕癢或出疹，加上係醫院輪班工作，每次接觸完病人都會用酒精搓手液或用鹼液洗手。頻密地接觸酒精，令到雙手嚡十十之餘，皮膚又乾爭爭，加上返到屋企會即刻沖涼，但頻密沖涼令皮膚越洗越乾，越乾就越痕癢。

好彩俾我遇到Aveeno成人燕麥沐浴露，佢溫和配方岩哂敏感肌用，仲加入天然燕麥嘅珍貴成份，為肌膚提供補水鎖水、築起健康的屏障，解決我日常因工作導致肌膚乾燥泛紅嘅情況。而且，足足有1L的家庭裝，適合全家使用，性價比極高。而我兩個囡囡，一出世就已經遺傳咗我嘅敏感肌膚，一有轉天氣嘅時候就會容易誘發濕疹，變得痕癢難耐，很多時候半夜三更就會因為皮膚痕而瞓唔到，而用過Aveeno嬰兒燕麥洗髮沐浴露之後，囡囡都返唔到轉頭，因為除咗加入上述嘅燕麥成分外，仲加入咗保濕精華，達致潤膚功效，減低誘發皮膚敏感泛紅、濕疹等問題。