蘋果雪梨無花果雪耳瘦肉湯食譜、潤肺化痰防皮膚乾燥

依家天氣非常乾燥，係時候要煲番啲潤肺 湯水喇！好似呢個湯，蘋果潤肺滋潤；雪梨清心潤肺、清熱去痰；雪耳滋陰潤肺養顏、補脾開胃；無花果潤肺利咽、理氣化痰、改善口乾、喉嚨痛、咽炎、咳嗽。呢個湯非常清潤，可以預防皮膚乾燥。呢款湯我記得佗阿仔時特別鐘意飲，會煲一大鍋，飲唔晒仲可以用來煮麵做湯底，滋潤得來又夠晒營養。