港女付款後遭保安箍頸扯袋拖行50米 連鎖護理用品店回應4大重點

店方回應四大重點

涉事連鎖護理用品店於今天（9日）黃昏時分作出三點回應。 首先，店方稱高度重視昨日（8日）該名顧客梁小姐在尖沙咀分店遭受不當對待，得悉事件後管理層已親身向其致以慰問及道歉，並承諾跟進事件；

第二，店方指涉事兩名便衣保安員經第三方保安公司聘用，根據調查，兩名人員違反保安公司所制定的員工守則，已被即日解僱，萬寧亦已決定終止與該保安公司的合約；

第三，店方稱已成立專責小組跟進事件，包括重新檢討店舖保安及相關流程，以防止類似事件再次發生；

第四，最後，萬寧重申，對於顧客受到的不當對待，深感抱歉，承諾未來會繼續努力改善。

港女遭箍頸及扯袋：手仍在顫抖，也忍不住流淚

她開首已表示「當我正在撰寫這篇文章時，我的手仍然在顫抖，我也忍不住流淚。」

事發在今早（8日）上午十時，她前往公司附近剛開門的連鎖護理用品店購買兩盒川貝枇杷膏，「因為今日要教兩堂Group Classes想個喉嚨舒服啲，我去咗自助付款儲Yuu積分同埋用八達通俾錢」

事主透露的當時店內只有她一位顧客，其他兩個人則在瀏覽商品。付款後，她拿著兩盒枇杷膏準備過馬路。怎料行走約50米後，突然有兩名女子一個箍住事主的頸部，另一個則拉扯我的背囊，並大聲質問事主：

「你跟我過來！你沒有付錢！你偷東西！」

事主感到非常害怕，不停地呼救，「佢哋兩個係咁扯住我行，我好驚，我係咁嗌救命，我真係係咁嗌救命。」事主懷疑該兩名女子認錯人，於是拉下口罩詢問她們是否認錯人。

事主被2陌生女子帶回店內

路途上，途人們只是偶爾看一眼並未介入，事主擔心自己會被帶走，無法再見到家人。

該兩名女子把事主拉回連鎖護理用品店，店內經理一臉茫然地問她發生了甚麼事，

「我呢一刻已經驚到喊。好彩我個褲袋袋住張收據，我就同個經理講，我話：點解你會覺得我偷嘢？呢兩個女人扯住我行50米，箍住我條頸，拉住我個背囊，你睇我張收據我係有俾到錢。」

展示了收據證明自己確實有付款後，經理回答：「係呀，你有俾錢」，事主再詢問：「究竟發生咩事？你覺得我冇俾錢，你咪問我攞張收據睇囉，唔使扯住我入返舖頭啩。」

兩陌生女子真實身分曝光 事主：一開頭唔同我講？

經理透露「兩個女人係佢哋嘅便衣保安」，得悉該兩名女子的真正身分後大驚，不禁質疑店方的處理方法：

「吓？！佢係你哋嘅同事？咁你一開頭做乜唔同我講話呢兩個女人係你哋嘅同事啊？佢哋又冇着制服，又冇職員證，無端端喺條街度扯住我係咁行，箍住我條頸。我隻手就係攞住嗰兩支枇杷膏，亦都冇鬼鬼鼠鼠（祟祟）嘅意思。你哋嘅便衣保安就等個客行咗50米之後扯返個客入舖頭嘅？其實你只要問我攞張收據，我都可以俾你睇，或者你可以去返嗰個八達通機嗰度，睇返我付款嘅情況。」

經理聲稱：我都啱啱先知佢兩個係便衣保安

經理承認他也是剛剛得悉那兩名女子是店鋪的「便衣保安」。期間一名男途人目擊整個過程，他主動表示願意作為事主的證人。

事主表示大感震驚，作為一名在香港土生土長的市民，從未遇到過這樣的事情，「我真係以為自己係俾人綁架，同埋當兩個女人同時扯走我嘅時候，我一個人係冇辦法掙扎到」， 又表示自己仍心有餘悸，「我而家隻手仲震緊個心仲跳得好快，打緊呢篇嘢嘅時候都有喊」。

便衣保安最後舉動令事主大感心寒

當一切真相大白後，其中一名便衣保安竟想和好， 令事主大感心寒，「最恐怖嘅係呢兩個女人喺呢件事完結之後，其中一個仲無端端搭着我膊頭，同我好似好friend咁話，唔好意思啊，誤會咗你」，事主立即喝停對方，並表示「你唔好掂我」。

事主暫未收到連鎖護理用品店回覆 附印有分店地址收據作證

她又透露已聯繫連鎖護理用品店客戶服務部，但目前尚未收到任何回應。