呂麗君「撻訂」豪宅訂金盡失 大劉曾稱賤人:冇腦㗎!
大劉:蠢到隻豬咁
人稱大劉的華人置業(0127)前主席劉鑾雄於11月舉行記者會,當時亦對呂麗君買入晉環的行為有所回應。他指:「人地有錢FULL PAY,佢唔係架,俾10%(首期),另外又俾15%稅政府,人地有錢佬太太俾晒錢買晉環,佢就唔係架,冇腦㗎,咁點樣成交,蠢到隻豬咁,豬頭炳嚟㗎」。
![呂麗君 晉環 劉鑾雄 呂麗君 大劉劉鑾雄今日11月10日)下午3時半突然宣布開記者會。](https://imgs.orientalsunday.hk/wp-content/uploads/2023/11/photo_6228613439140509281_y_459656309654dfdd131163.jpeg)
仲有3伙
據悉包括上述單位,呂麗君曾於2021年5月大手買入晉環4伙單位,合共斥資逾1.4億元,涉及過千萬元「辣招稅」。除了上述最新撻訂個案外,有指其餘3伙豪宅,例如1B座39樓A室,當時成交價約3,483.9萬元,消息指當時發展商已通知代理把單位重新銷售,但成交紀錄冊顯示,至今依然未終止買賣。但該單位目前依然未完成交易。餘下2伙單位同樣為1B座高層A室,2021年5月份成交價同樣超過3,500萬,兩個單位至今依然未完成交易及殺訂。
曾暗示幫過「賤人」一次
大劉亦有在早前記者會爆料,透露對方曾有困難有事相求,並與呂麗君達成「商業協議」。大劉以個人名義向呂麗君買入位於灣仔壹環頂層特色戶,成交價4,000萬元。是次大劉使用首置名義,入市只支付最高樓價4.25%的稅款。不過事件過後,劉鑾雄於記者會上稱:「後悔之前幫個賤人,應該由佢破產」雖然沒有指名道姓,但字裡行間都暗示出他講的就是前女友呂麗君。
![呂麗君 晉環](https://imgs.sundaykiss.com/wp-content/uploads/2023/12/01_165117087463b38faf22a57-1024x803_15546460626583af83583a5.jpg-copy_15546460626583af83583a5.jpg)
呂麗君回復單身 成為「超級富婆」
呂麗君在與大劉分手之前,曾為對方育有一對子女,雖然兩人高調分手,但大劉表示自己依然會履行父親的責任,照顧呂麗君所生一對子女的額所有教育和生活開支。除此之外,大劉表示自己過往已經餽贈大量禮物包括現金、首飾、豪宅給予呂麗君,總值超過港幣20億,直指女方「已是超級富婆,無需要我任何經濟支持,也可過着富裕的生活。」
![呂麗君 晉環 劉鑾雄 呂麗君 大劉 劉鑾雄 大劉 呂麗君 大劉 大劉一直很疼愛子女,雖然同呂麗君分手,但依然有履行父親的責任,照顧呂麗君所生一對子女的額所有教育和生活開支。](https://imgs.orientalsunday.hk/wp-content/uploads/2022/12/unknown_121085892_1030786657368297_6469184765452800456_n_105071671263037e5c90153-1024x675_201805599163a7c2cdd332c-1024x675.jpeg)
回復單身的呂麗君也一直住在山頂白加道獨立屋,近年改名為呂姵霖,以此名字成立基金,推廣教育及藝術發展。閒時又會去跑步、攀石、做瑜伽等等,過著「超級富婆」的單身生活。
大劉絕對不會分身家給「賤人」
有記者問大劉,是否「一定唔會分俾某啲人,某啲賤人」,他即講得非常激動:「賤人梗係唔會啦!你呢個問題都有少少問題啦!我長命一萬歲都冇機會啦!佢實破產㗎!貪到死,乜嘢都要借,你睇佢買嗰個晉環,畀10% deposit,畀15%政府!你夠薑嘅,你畀晒現金啦!我見啲有錢佬老婆畀現金,收租唔駛驚個payment吖嘛,但畀10%deposit,畀15%政府,你話係咪傻㗎?問題都唔係問題嚟嘅,你話係咪傻傻哋吖。」他續稱,由幾歲𡃁仔瞓地下到今日,從未見過如此壞的人:「我見壞人都見唔少,但咁X賤咁X壞嘅人,都係第一次見!」
大劉打算再改遺囑:「牙膏claim三次」、「納米型賊仔」
有記者問大劉最近一個月有否改過遺囑,他表示自己一早已經分了遺囑,不過現時打算再改,又指有人係「納米型賊仔」:「我早排一早分咗,我而家要再改,都要老婆執行我嘅意思,你聽唔聽得明啊?我而家自己乜嘢都冇!但係我相信我呢個老婆陳凱韻,叫我做乜我都會做。」
他坦言,會計部check單check得非常嚴謹,不開名狠批某人會執單亂claim數,專門搜刮細數目,係「納米型賊仔」:「佢(指)唔止牙膏claim三次,喺超級市場地下啲單,佢都執嚟claim,你估我唔知咩?」
大劉又指有人轉賣手袋圖利:「佢最擅長係點呢?買咗個名牌袋之後,平價賣返出街。我記得40幾年前去夜總會,啲舞女最鍾意搵老襯。5千蚊買日本時裝,我就收返4千蚊現金,時裝舖就剩袋1千,40年前好興呢啲嘢㗎。」被問到看好哪個兒子日後掌管公司,大劉僅表示:「能者居之」,不便回應。