周太只得一個 洗米華一家力撐 Heidi
廣告
澳門賭業猛人、兼太陽娛樂文化老闆周焯華(洗米華) 雖然有位為佢誕下兩名子女的紅顏知己Mandy Lieu，不過佢與正印太太、洗米嫂陳慧玲( Heidi ) 若即若離，近日兩人不時同場出席活動，表現親暱，似有復合之勢！而和 Heidi 關係甚好的周家眾人，呢日齊齊盛裝出席晚宴力撐 Heidi，看來，周太的確只有一個！
雖然 Heidi 早已宣布與洗米華分開，但其實近日兩人亦有多次同場活動，洗米華對太太百般殷勤，兩人甚似有復合之勢。早前 Heidi 更罕有地在IG上載數張自己與洗米華同場、在某剪綵活動上的大合照，其中一張見到洗米華抱住細女Damiana與Heidi並排企，一家三口終於難得合照！
已離開周家的Heidi與周家人保持良好關係，尤其是洗米華與前妻所生的大仔周柏豪，兩人亦母亦友。呢日晚宴上周家眾人亦有到場撐Heidi，其中包括兩位寶貝女周梓潼及Damiana、周柏豪、還有洗米華父親等，看來正牌周太的地位，從未有動搖過！
網民見到呢張溫馨合照，留言幾乎全部都是一致讚好，稱Heidi和周家眾人相當幸福快樂，又覺得Heidi先係真正的女主人！唔知Mandy Lieu睇到會點諗？
