年度十大甜品 潮食層層疊雪糕
趁時近年尾，挑選十款今年熱門嘅甜品重溫下，包括有最新的層層疊雪糕，大熱芝士撻和京都抹茶甜品等，當中有幾多款食過？（排名不分先後！）
1.最hit！層層疊雪糕
講到最新最HIT嘅甜品，一定係層層疊雪糕，在美國有幾間分店的Emack & Bolio’s 10月中開業，即引起排隊長龍，點解咁受歡迎？好大原因係七彩雪糕球層層疊起，好易呃like！
雪糕口味有23款，以及8款雪葩和乳酪，特別款式雪糕有流心蛋糕、黑莓黑白碎朱古力、焦糖花生醬等，大部分口味加入生果肉、朱古力碎和棉花糖等，顏色鮮 艷，滑溜之餘又有咬口，咁口味偏甜。雪糕筒都有幾款揀，筒邊沾有朱古力、棉花糖和脆脆的款式，暫時係獨家。據說美國曾有人疊到10球雪糕，而香港店就曾試 過疊到8球高，不過由於雪糕無加防腐劑，特別快溶，穩陣起見，店員建議最多疊三四球。
芝士撻是牛油曲奇餅底，內裡的軟心芝士慕絲，是用北海道輕味芝士別海產濃味芝士及法國鹽味忌廉芝士3種芝士混合。用上二重燒製法，先燒脆曲奇餅底， 然後加入芝士慕絲再燒焗，燒焗時芝士和牛油香氣誘人，而芝士忌廉非常滑溜。不過就算知道用料都抄唔到十足，皆因所有芝士撻都於北海道製作，再空運到港，然後再在店現場焗香，BAKE在港的員工都未必模仿到。
外國月亮特別圓? 紐約蛋糕名店Lady M的班戟千層蛋糕，有徐子淇、容祖兒等名人爭住食，風頭一時無兩 開業四個月已經在中環開分店。
查實在這班戟千層蛋糕，本地甜品店都有，但係名店出品特別講究用料、製作和賣相，主要是花工夫和時間：班戟要煎得薄可透光又唔穿要極花工夫；將煎好的班戟放涼，搽上忌廉，再一層層疊起，每個超過20層，做十個千層大約要花三小時才能完成。每日產量有限，難怪一個6吋原味蛋糕要賣$450!9吋更要$000。但食落質感的確軟如綿，最新推出伯爵茶千層蛋糕（Earl Grey Mille Crepes），全球首度發售，茶味濃香。
Lady M 中環店
地址：中環國際金融中心IFC商場二樓 2096A 號舖
電話：2865 1099
營業時間：星期一至六10am–9pm、星期日10am–8pm
下頁有：元祖抹茶芭菲
4.抹茶芭菲元祖 262年京都老字號
日本抹茶熱潮停不了，就連在京都宇治有262年歷史的抹茶老字號林屋茶園（別稱「京林屋KyoHayashiya」），都在銅鑼灣開了第一家海外茶屋。
茶是主菜，必飲頂級抹茶「天下之昔」。但女生可能更關注甜品，必試抹茶芭菲，早於昭和44年獨家首創，是日本抹茶甜點的先驅。期後率先研發出的抹茶糖果和抹茶蕨餅，都引領著潮流可謂真正的抹茶甜品元祖。最新的甜品款式是抹茶芝士蛋糕、抹茶?喱雪糕等。
5月在尖沙咀開設首間海外分店的中村藤吉，是有百多年老字號京都抹茶店，帶起抹茶甜品熱潮，半年來人氣不減。抹茶甜品多樣化，一系列抹茶和焙茶雪芳蛋糕、糖果和朱古力都是京都空運到港，必試皇牌並非經典抹茶甜品，而是近年新研發的生茶果凍，京都店每日售賣數分鐘內即售罄，人氣爆燈！而堂食的抹茶蕨餅、軟雪糕和芭菲都跟足日本配方炮製。
入秋之後，更推出期間限定的秋栗丸十芭菲，還有栗子金磚蛋糕和秋栗抹茶羊羹，全部採用名古屋愛知縣名產涉皮栗，先用糖水煮過，變化為軟嫩香甜的栗子，供應期至12月。
中村藤吉
地址：尖沙咀彌敦道100號The ONE 18樓
電話：2426 6111
營業時間：11am-10pm
備註：茶芥每位$10；堂食每位限時90分鐘，每人至少須惠顧一份飲品或食品。
下頁有：蜜瓜雪糕
6.真正蜜瓜雪糕 北海道奢華食法
提係蜜瓜芭菲，是否會想到用高杯裝住的那一種呢？但係既然係十大，當然唔普通。i CREMERiA 的日本直送Deluxe 蜜瓜芭菲，以開邊日本溫室蜜瓜上碟，上面唧上北海道牛奶雪糕，見到都會嘩嘩聲，但原來北海道人一向都係咁食法。食一啖蜜瓜，再一啖雪糕，香甜軟滑兼而有之。
店主是居港日本人 從日本進口牛奶雪糕漿，比一般雪糕漿較少穩定劑，故融得較快。另外又加入京都百年老字號「森半」的宇治抹茶粉，製成綠茶雪糕，配以紅豆白玉和日本水果，就變成不同口味的芭菲，好受綠茶控歡迎。
手工雪條今年夏天人氣急升，手工雪條店ISEE iSEE是帶起熱潮者之一。店主因牛奶敏感而自行研發的手工雪條，是於負十八度低溫將果汁冷凍而成，大約15至20分鐘就搞掂，極速冷凍令雪條結晶幼細，比一般雪條幼滑綿密，而且唔易斷！
手工雪條用料十足又講究，主要分果汁和牛奶底兩類。果汁味雪條全部採用當造生果打成，果汁比例最高達七八成，果味濃郁唔假；而牛奶則用上北海道3.6牛奶，口感豐盈。製法亦好細緻，每條雪條表面都看到果肉，其實是逐條以人手以秘方砌上，賣相吸引！
ISEE iSEE Handcrafted Icy Desserts
地址：銅鑼灣禮頓道138號希雲大廈1號舖
電話：2337 3361
營業時間：星期日至四11:30am-10:30pm，星期五六及假期11:30am-11:30pm
下頁有：沖繩紫薯雪糕
8.沖繩紫薯雪糕 迷人又飽肚
綠茶之外，紫薯亦是本年度大熱的甜品用料，而銅鑼灣Small Potato的出現，成為首間紫薯雪糕專門店。
紫薯雪糕的紫色，是來自沖繩紫薯，焗後製成薯蓉，再加入北海道牛奶做成軟雪糕，質感厚而且薯味濃郁，食一杯都有飽肚感，此外亦加上紫薯糖漿、日本紫薯粉、紫薯夾心銅鑼燒和迷你紫薯仔，配搭成成不同的紫薯甜品，紫薯迷必定已經試過。
早前有報道，美國加州雪糕店Cauldron以雞蛋仔甜筒，取代脆筒盛載雪糕球，即引來過萬追隨者。
其實灣仔早已有間雞蛋仔雪糕店Oddies，主打即製雞蛋仔、意式低脂軟雪糕及芭菲，當中的芭菲加入雞蛋仔做配料，不就是美國雞蛋仔甜筒的最初版！雞蛋仔亦唔係一般蛋味，加入了自家製Brownie，外脆內綿，又有朱古力味。朱古力之外，亦有黑芝麻等不同口味的雞蛋仔。本地亦已有甜品店抄橋，看來雞蛋仔甜筒來年都會繼續流行。
日式泡芙已經out！法式閃電泡芙Eclair（法文解作閃電）才最潮！即將於11月下旬到港的法式泡芙專門店L’Eclair de Genie來頭猛，創辦人克里斯托夫於去年及今年先後獲得年度最佳廚師；而；而餅店14年前在巴黎開業，至今巴黎有6間門市，日本亦有5間分店，明年更會開到韓國。
主打手指形的忌廉泡芙，有10款口味，泡芙面層唔係一般朱古力醬或士多啤梨忌廉塗層咁簡單，而是加入果仁和水果等用料，例如N°5柚子檸檬，泡芙上就鋪滿檸檬忌廉、柚子糖霜、瑞士酥皮和肉桂牛油糖霜，糖霜入口即溶，味道豐富，並非一味得個甜字。長期熱賣款式有合桃泡芙及鹹牛油焦糖泡芙，而其他如開心果香橙、栗子藍莓。泡芙之外，還兼賣朱古力和三文治。
L’Eclair de Genie
地址：金鐘太古廣場
開業日期：11月25日
※如欲率先接收資訊，請讚好我們的FB專頁並於「已讚好/Liked」選單設定「搶先看/SeeFirst」，多謝支持。
