張敬軒罕談感情事 父母極大分歧影響感情觀 自揭拍拖次數 1習慣嚇怕對象

張敬軒談入行艱辛

節目中，軒仔回顧了自己入行二十年的心路歷程，從一個孤身來港發展，到成為香港樂壇的頂尖歌手，這段旅程充滿了不易。主持人黎芷珊詢問他在這個過程中犧牲了甚麼，軒仔坦承：「一個內地人嚟香港（發展），你會覺得你有咩唔好嘅新聞，會好似變咗一個內地人嘅典範（代表），好多因素令我覺得輸唔起。」他還透露為了保持嗓子，連最愛的酒都不敢多喝，這是他生活中的種種自我約束。

42歲張敬軒：這兩年是人生最好的時候

談及未來十年的規劃，軒仔表示希望能將自己多年來的經驗傳授給後輩，讓他們找到事業上的捷徑。他對目前的生活感到滿足，並說：「快樂呀，行到42歲呢兩年係我人生最好嘅時候，我有自己團隊，無論做演唱會或者拍Youtube都有好反應，自己派嘅歌反應又好好，爸爸媽媽生活又安穩 ，自己想食嘅嘢又食得起，想去嘅地方又去得起，覺得人生好圓滿，但要Keep住落去係唔容易。」

生活習慣嚇怕對象

一直以來，不少網民都很好奇他的感情生活，軒仔透露自己開始渴望被照顧，但他也坦白自己不容易讓他人進入自己的生活。他自認惡頂，表示即使有緣人，如果對方在他家中的行為讓他不滿，那麼關係也可能就此結束。

他即場舉例說明：「譬如有Potential成為情人嘅人，同一班Friend嚟到我屋企，會喺我屋企攞起啲嘢嚟睇睇，但係佢擺唔番啱個位，咁我就會行埋去擺番啱，咁就完咗喇。」

父母分歧極大 愛情觀深受影響

節目中，軒仔也分享了對父母關係的看法，他認為父母之間的矛盾影響他的愛情觀。他坦言：

「我覺得我係愛過，其實父母係影響咗我嘅感情觀，佢哋兩個係南轅北轍，佢哋到依家都係唔夾，我見到我媽嘅痛苦，嗰種矛盾到依家40幾年都係冇解決，佢哋到離開嗰一日都唔會解決得到，我唔可以畀我人生係咁。」

他進一步表示，如果遇到真愛，他願意為對方淡出舞台和退休，好好與對方共度餘生。

為父母早已安排好自己的身後事

軒仔也透露早已為自己安排身後事。他透露在2012年時，因為一條甩色的牛仔褲，導致他十隻手指變黑，令他非常擔心。他說：「點洗都洗唔到，仲要係入面黑出嚟，好似中咗毒咁！我係一個有疑病症嘅人，嗰時又有Depression，醫生朋友即刻安排我入私家醫院，所有嘢Check完都係正常。嗰6、7日我係人生第一次覺得，如果我突然間死咗，阿爸阿媽點呢？我打電話畀我身邊嘅人安排好曬啲嘢，之後突然之間發現，嗰排著緊嘅牛仔褲點解摸完之後（對手）愈嚟愈黑嘅？原來係條牛仔褲甩色，一條牛仔褲冇咗我10萬蚊，（為咗呢件事）整咗10萬蚊呀住院！」

其後，張敬軒馬上為父母的安排自身的身後事：「我打電話畀Johnny Yim（著名音樂人），同佢講要做幾個Project，叫佢幫我編曲，如是者Johnny幫我整咗70首歌，嗰70首歌係舊歌翻唱，我就錄曬。雖然牛仔褲事件已經過咗去，但呢件事好似一個炸彈，如果我突然間走咗，我剩低嘅嘢係唔夠阿爸阿媽過生活。」