情侶商場攬錫 網友：世風日下

事緣有網民喺討論區發帖，話「身處又一城冰埸，一對男女喺休息地方係咁咀，我就坐喺佢隔離望住，我心諗佢話我望佢就鬧爆佢！啱啱有位媽咪走黎話叫佢哋入去咀飽先，呢個位好多细路，你哋有冇廉恥架！佢哋仲笑笑口然後走番出去溜冰！(原來真係無廉恥架)我自己都有對仔女，見到咁真係要好好教佢哋乜嘢係羞家 。」

「佢哋瞌埋眼好陶醉咁咀咗3次，每次4,5分鐘，跟住男嘅隻手係個女仔背脊、pat pat係咁摸，又係女耳背慢慢錫，公衆地方咁嘅行為我真係接受唔到！可能我比較保守」

有網民覺得情侶攬攬錫錫好正常 版主無需過度反應

網民回應：「死囉，我同老公係條街都會心血來潮都會咀兩啖，阿仔係度都會咁。乜咁樣都係係廉恥」

「Kiss吓攬吓都唔得?! 講到要浸豬籠咁嘅? 如果你同個仔或女真係覺得咁驚咁難接受，咁你哋唔好出街同人接觸喇，你哋嚇親人呀….」

「打下車輪, 未至於冇廉恥」

有網民覺得公開場合錫冇問題 但有小朋友係周圍就要注意番

「唔只kiss,係上下其手咁摸對方，真係教壞细路。萬一细路當玩有樣學樣，有冇人接受到自己個女在公眾地方被人摸身摸勢？」

有網民認同版主 認為公開場合攬錫太開放

「有次去食飯飲嘢，見到對男女巢足一粒鐘，仲不段伸脷打車輪，其實咁急，不如去爆房啦，全場見到佢地咁，個個都笑佢地，真係勁核突」

「唔好意思，我自己係比較保守嗰類，接受唔到d細路係公衆地方又攬又啜仲揸下摷下！」

其實要情侶間有親密行為真係好正常，不過如果有好多小朋友望住，都係唔好太過火好啲。