東張西望何伯｜新何太視他為寶 大爆五名子女反對再婚原因 1緣故突抽起訪問
何伯續集再受訪 何太爆金句：「阿叔畀咗身體我、畀咗肉體我⋯」
昨晚（11日），《東張西望》於結尾曾播放一段預告片。何太與何伯在茶餐廳受訪，環境與日前他們被網民「捕獲」的茶餐廳一致。《東張西望》節目預告透露，何伯夫婦一直沒有離開香港，雖然外界有不少閒言，就連TVB也派出阮兆祥抽水嘲笑，兩公婆大方接受訪問，何太於片中表示：
「阿叔畀咗身體我、畀咗肉體我，就留咗啲錢畀佢仔女保管，佢仔女攞錢去，我就要跟佢捱苦，先證明到人哋係真愛，咁傻嘅！唔通有錢就唔係真愛咩？咁奇怪。」
再度出面強調，自己對何伯出於一片真心，據了解全新的採訪內容會在周日晚播出，有觀眾懷疑二人如此高調受訪背後可能另有動機。
新預告片出爐 指五名子女爭產
今晚（12日），《東張西望》沒有播放何伯夫婦再度接受訪問的片段，但有在片尾播放一段新預告。片段中， 看到主持梁敏巧訪問何伯夫婦， 新何太在鏡頭稱「我點解要當佢（何伯）係獵物？我當佢係寶」， 又直言「啲人真係奇怪」。
東張西望「何伯何太」專訪續集內容曝光！何太再爆金句反擊傳聞
大爆5子女反對再婚真正原因
對於老父再婚，五名子女一致反對一事，新何太表示：「果個女人唔係我，佢哋一樣反對」， 身旁的何伯也認同，還表示「佢哋爭遺產吖嘛」；新何太表示由於已與何伯結成合法夫夫妻， 所以該五名子女便先下手為強。此外，對於外界一直被指「灌迷魂湯」、「飲死你呀！有毒呀！」何伯即反對，還認為新何太煲的湯反而令他很精神。
網民鬧爆TVB 心水清觀衆推測原因
不少觀眾看過周六晚上的預告，誤以為新訪問將安排於周日晚上播出，結果全晚未有提及何伯，令到不少觀眾感到失望，在「何伯及何伯老婆關注組」更有大批失望的網民留言大表失望，紛紛表示：「何伯去左邊點解冇嘅」、「TVB回水」、「呃咗今晚收視」、「搞到我睇左成晚，呃人呃好d，好唔好？」、「我仲僕返屋企開電視添」、「詐騙呀，佢地夾埋詐騙左我地啲時間呀！！」。
不過，有心水清的觀眾似乎預料得到，並猜測主要原因是母親節，「今日邊到敢播吖，母親節喎，唔驚所有媽媽講粗口問候佢2個再加杯葛電視台咩？」、「今晚抽起都啱嘅，母親節，攞景咩」。
