東張西望天發｜鄉音繼母疑吞4千萬祖屋終現身 爭產計劃曝光 網民：何太2.0

東張西望天發｜遺囑名字寫錯

現年47歲天發從小生活在這座佔地踰三萬平方呎的祖屋中。1997年，天發的父親認識了賈女士並再婚。天發透露，他未能親自參與遺囑的立案過程，當時父親因腎衰竭晚期，生命垂危，被告知只餘一年壽命：「我覺得係我阿爸神智不清下簽呢份遺囑，因為阿爸無理由連個仔要咩名都唔知。同埋個賈女士廣東話唔正，有啲大陸口音，（可能）佢聽錯咗，導致我中、英文名都錯。」

他表示父親的遺囑中，交代流浮山3萬呎地業權分為三份，其中一份屬於他，一份屬於繼母賈女士，另一份則為維修基金。如果牽涉買賣，則是天發與賈女士一人一半。然而，遺囑中的一個名字錯誤，將「天發」（Tin Fat）誤寫為「添發」（Tim Fat），使得天發的合法權益受到影響。

東張西望天發｜慘遭趕走及斷水斷電

自父親離世後，天發與繼母賈女士把部分土地出租以獲取收入。自2018年起，賈女士開始獨霸租金收入，今年更以賣地為理由向法院申請強制繼子天發搬走。天發拒絕搬離，結果慘遭斷水斷電。

賈女士在節目上堅稱遺囑的執行是正當的，並聲稱天發「無資格」與她爭辯。此外，賈女士還在警方到場時堅稱所有物品應歸她所有，並質疑天發的身份。昨日報道播出後，隨即引起網民熱議，更有不少網民直言賈女士是「何太2.0」。

東張西望天發｜質疑繼母一早策劃爭產

天發直言繼母賈女士一早策劃好全盤的爭產計劃：「佢想將錯就錯，呃住我先，佢話等賣地先搞返遺囑，咁我咪信佢囉。我覺得盤算好多嘢，有曬計劃。」天發又指自己不會放棄：「除非死咗，唔係我唔會放棄。」

其後，節目團隊跟隨天發到祖屋領取物品，但到達時只見眼前的祖屋已被鐵板重重包圍，而且駐守屋外的保安員也禁止天發進入，只把部份物件搬出門外交收。天發看到被弄至亂七八槽的祖屋亦感到相當心痛。

東張西望天發｜繼母賈女士終現真身

保安其後報警，警方要求土地持有人到場，故此賈女士在律師陪同下終於現真身。天發即上前質問，然而繼母透露執達吏曾表示天發過了4月17日之後，仍不取回物品，屋內物品便會屬於她。

賈女士說：「係我個名，我哋係按遺囑寫，係我擁有，若果遺囑上唔係佢個名，佢冇資格喺度同我哋拗。佢要證明遺囑上個名，係你呢個『天發』，你先嚟同我拗，而家你都無資格。」在旁的《東張西望》主持梁敏巧開口表示當時天發已曾表其名字寫錯，天發亦表示：「嗰時提你改返正，但你無……」

賈女士一邊耍手示意表示：「無、無、無，第一，無收到佢書面通知我；第二，佢無通知佢老竇。（梁敏巧指佢爸爸走咗喎？）已經寫咗喇，寫咗遺囑先死，唔係死咗先寫，係咪？」天發向繼母賈女士提出：「老竇唔知個仔叫咩名？」賈女士竟表示：「咁呢個要問佢喇。」

東張西望天發｜繼母賈女士：畀佢住咗十幾年，想點啊？

其後，賈女士又表示：「如果遺囑上唔係你個名『天發』，咁你就去律師樓證明你係呢個『添發』，先嚟同我講遺囑啲嘢。」她還詢問在旁的警察：「我講得啱唔啱，阿Sir？」對方即避談：「阿Sir唔方便評論。」

至於之前曾經分予租金予天發，賈女士透露是自己的主意：「份遺囑你老竇根本無寫你個名，我哋一齊去律師樓，寫遺囑時，我問『爸爸你真係唔寫佢個名？好似唔係幾好喎！』」其後她更質疑天發被非親生仔：「第一，唔理係咪你個仔，都係哎吔仔，都喊咗咁多年爸爸，多少都畀啲啦。」

期後賈女士急步離開，主持梁敏巧繼續追問：「有無愧對走咗嘅先生（天發父親）？」賈女士表示：「唔係，我先生走咗十幾年，我畀佢（天發）住咗十幾年，想點啊？（所以你覺得仁至義盡？）啱啊，佢（天發）自己做啲咩，佢（天發）自己知。（佢做咗啲乜？）心知肚明。（係咪因為錢唔顧親情啊？）我唔理啊！」

東張西望天發｜賈女士突否認繼母身分

最令人驚訝的是，此時此刻賈女士更否認是天發的繼母，還說：「佢自己做過乜事佢自己知。」梁敏巧向賈女士說：「你老公係佢親生爸爸，係咪要咁絕情？」賈女士即回答：「你去搵你老竇啦！」

東張西望天發｜父母遺照、爺爺財物全被掉清光

賈女士隨即返回私家車，天發追問她：

「你同我講清講楚先，你做乜要避呢？你咁心虛做乜呢？你頭先話我唔係你繼仔，你想霸曬啲財產、金錢，你就一走了之，係咪？你做乜做到咁絕，爺爺啲財物、爸爸遺照、我媽媽遺照，你全部掉曬，你而家認錢唔認人喎。」

對此，身在私家車上的賈女士竟點頭表示同意。

東張西望天發｜大律師提出關鍵：寫錯名唔重要

對於這宗牽涉遺囑的爭產事件， 大律師陸偉雄向主持人表示，立遺囑時可能當事人講錯或者寫錯：

「呢啲手民之誤，法庭係有權更改。最重要可唔可以實現立遺囑嘅人嘅意願，如果佢係想畀呢個人，佢只係講錯、寫錯佢個名，其實唔重要。」

他續指， 若有人證或物證作實，例如當時有其他人見證，或有身份證號碼佐證：「如果證明到身份證號碼係指向被寫錯名嘅人，咁嘅情況下，我相信法庭願意改遺囑。」

東張西望天發｜網民開關注組 建議天發向1人求助

如早前「何伯&何伯老婆關注組」一樣，有網友在FB開設「賈女士天發關注組」，一夜間竟有超過700名網民加入，有人更發起投票詢問「何馬（新何太）vs賈女士，邊個衰格啲？」，暫時投票有86%認為賈女士，其實都有不少人留言表示：「Why not both？」、「兩個都衰」等言論。 期間，有網民提議天發找「正義女俠」翁靜晶求助，更有好心網民隔空向翁靜晶求助，希望她能替天發討回公道，成功爭取父親的遺產。