三命｜林愷鈴擁超強學歷 獲封最美學霸 名校出身 憑實力搣甩「龔慈恩個女」
林愷鈴橫掃各大頒獎禮新人獎
現年25歲的Ashley橫掃各大頒獎禮的新人獎，她在個人社交平台上載「CHILL CLUB推介榜年度推介24/25」勇奪女新人銀獎的照片，並謙虛寫下得獎感言：
「好好好多謝每一位投票俾我嘅朋友！
作為新人，
我知道自己未做到最叻，
我嘅作品亦都唔係最mainstream。
所以我真係好想
多謝大家支持我加入樂壇呢個新嘗試，
你哋嘅鼓勵係我好大嘅動力！嚟緊我會繼續忠於自己，不忘初心
做多啲唔同嘅創作
繼續保持純粹之餘
我亦會變得更加強大！
希望大家會繼續對我好奇啦！」
最後她更感激公司同事、家人和朋友一直支持：「有你哋喺身邊，我更有膽量同力氣去做自己想做嘅事 :)」
今年1月1日的叱咤頒獎禮上，Ashley勇奪叱咤新力軍女金的殊榮，擁有高學歷的她，連林海峰都不禁說了一句：「老師見到佢都會叫佢老師」。
林愷鈴《三命》表現獲讚
除了音樂創作細胞出眾之外，她近日在ViuTV熱播劇集《三命》表現獲外界讚賞， 於劇中飾演漫畫家「林海琪」的Ashley，其文藝氣質與角色完全匹配。
龔慈恩女兒林愷鈴名校出身
最靚星二代林愷鈴絕對唔止得個樣，她曾就讀名校聖保羅男女中學附屬小學及聖保羅男女中學，自小已品學兼優。畢業後升讀港大建築系、鋼琴小提琴長笛聲樂樣樣皆精更懂作曲填詞，且個性聽教聽話和勤力好學。
事實上，Ashley自兩歲起已經開始學習各種樂器， 例如鋼琴、小提琴、中提琴、長笛、非洲鼓等等，也曾接觸朗誦、繪畫、圍棋、游泳、劍擊、騎馬等不同課外活動，興趣廣泛。她在八歲時已考獲六級鋼琴兼八級聲樂資格，極具有潛質。
相關新聞：叱咤2024｜內向Ian陳卓賢罕談父母 屬「難湊小孩」成長背景曝光
17歲被睇中簽約 IB 41分考入港大第一志願
2017年，剛滿17歲的林愷鈴因為龔慈恩關係，被杜琪峯睇中，與媽媽一同簽約成為杜Sir銀河海潤旗下藝人，雖然正式出道，受各大品牌熱捧又做埋劉華監製大電影 《熱血合唱團》女主角。
不過Ashley始終堅持以學業為重，以IB (國際文憑大學預科課程) 41分優異成績 (滿分45)考入第一志願港大建築系後，更是把學業放在第一位，演藝工作暫時都是以廣告和品牌活動為主，但求賺吓零用累積經驗。
半工讀書 大學畢業感言感激2大「最強後盾」
2022年，半工讀書的Ashley終於順利畢業，她在其社交網發表畢業感言，表示「讀到得返半條人命」：
「『學海無涯，回頭是岸啊～』喺我讀緊建築嘅四年中，我經常對自己講呢句說話，不過講還講，我最後都係讀到得返半條人命😆 我想這大概就是建築精神吧。不過建築的確教識咗我好多嘢……最重要嘅係，建築教識咗乜嘢係堅持、執着。佢係我最迷失嘅時候帶俾我信心，亦係我驕傲嘅時候教識我點樣面對rejection。最後，我想多謝與我一路同行嘅老師、同學，多謝你地包容我”半工讀” 嘅 crazy schedule，多謝你地忍受我嘅固執+完美主義+ terrible time management，多謝你哋相信我無論幾忙碌，我對建築一樣都係咁認真」
此外，Ashley還特地感謝媽咪及家傭姐姐：「我的最強後盾「媽媽bao」。
林愷鈴不心急拍拖
雖然媽媽龔慈恩曾經在訪問中表示放心女兒入行、 亦不介意女兒拍拖，但知女莫若母，Ashley勤力用功看重學業、異性朋友亦不多，媽媽最清楚不過。當時即將升讀大學二年級，被問到是否港大校花、追求者眾等問 題，家教嚴Ashley都話反應遲鈍察覺不到：「我要兼顧學業又要做嘢，真係冇時間顧多 一樣。我唔覺有人追我喎，拍拖呢樣嘢唔急得嘅，慢慢嚟啦！」加上有個對自己事 業、學業、感情相當緊張的星媽龔慈恩，Ashley想拍拖？要問咗阿媽先！
除了返學、出席品牌活動狂拍廣告晉升成為廣告小天后外，Ashley日常總是秤不離砣黐實媽媽，周日例必連同龔慈恩、15歲弟弟林卓毅結伴返教會再一行三人齊齊返回將軍澳寓所。
相關新聞：叱咤2024｜內向Ian陳卓賢罕談父母 屬「難湊小孩」成長背景曝光
